"Rio-de-Janeiroda ótip jatqan Olimpiada oiyndarynda áielder arasynda erkin kúresten 75 kelige deiingi salmaqta el namysyn qorǵaǵan Gúzel Maniýrova jartylai finalda reseilik Ekaterina Býkinamen jolyqty", - dep jazady "Ult aqparat".
75 kelige deiingi salmaqta beldesetin Giýzel Maniýrova boz kilemdegi birinshi beldesýinde majar eliniń balýany Janett Nemetti jeńse, shirek finalda kamerýndyq Annabel Alidi jarys jolynan shyǵardy. Al, jartylai finalda otandasymyzǵa sáttilik joldas boldy. Kezdesý aiaqtalýyna 8 sekýnd qalǵanda 8:6 esebimen reseilik balýan alda turǵan edi. Jerlesimiz tabandylyq kórsetip, sońǵy sátte jeńisti julyp aldy.
Endi, qazaqstandyq balýan finalda kúresedi. Qazirgi kezde qorjynda kemi kúmis medal bar. 38 jastaǵy qazaqstandyq sportshy finalda kanadalyq Erik Elizabetpen beldesedi.
Aita keteiik, Giýzel Maniýrova buǵan deiin Resei quramasy sapynda Afiny Olimpiadasynda kúmis júldeger atanǵan. Al Londonda Qazaqstan atynan shyǵyp, qola medal enshilegen edi.
