«عىلىم قورى» تولىققاندى جۇمىس ٸستەۋ ٷشٸن 200 ملرد تەڭگە بٶلۋ قاجەت. بۇل تۋرالى بٷگٸن قر پارلامەنتٸ سەناتىنىڭ دەپۋتاتى باقىتجان جۇماعاۇلوۆ ايتتى, دەپ حابارلايدى قازاقپارات.
«بٷكٸل ەلەمدە تەحنولوگييالاردى كوممەرتسييالاندىرۋعا مەملەكەت بارىنشا از قارجى سالادى. دەگەنمەن, قازاقستان بيزنەسٸنٸڭ ەلٸ اياعىنان نىق تۇرماعاندىعىن ەسكەرسەك, ەلدەگٸ قارجىلاندىرۋ ماردىمسىز ەكەندٸگٸ تٷسٸنٸكتٸ. سوندىقتان مەملەكەتتٸڭ كوممەرتسييالاندىرۋدى قولداۋ شارالارى تاياۋ 5-10 جىل ٸشٸندە بايىپتى ەرٸ ەلەۋلٸ بولۋى تيٸس. ولجاس قۇدايبەرگەنوۆتىڭ عىلىم قورىنا جەر قويناۋىن پايدالانۋشىلاردىڭ 1 پايىزىن تارتۋ جوسپارى بار. بۇل ٶتە جاقسى. عىلىم قورىن قارجىلاندىرۋدى تولىقتاي قاراستىرۋ قاجەت. ارىن ورساريەۆكە (عىلىم قورىنىڭ تٶراعاسى) كەمٸندە 200 ملرد تەڭگە بٶلۋ قاجەتتٸ تۋرالى كەڭەس بەرگٸم كەلەدٸ. سوندا عانا قور تولىققاندى جۇمىس ٸستەيدٸ. بۇل اكتسيونەرلٸك قوعام جەنە جارعىلىق قورىن بارلىق ۋاقىتتا تولىقتىرۋعا بولادى», - دەدٸ سەناتور ەلوردادا ٶتٸپ جاتقان تەحنولوگييالاردى كومەرتسييالاندىرۋ جٶنٸندەگٸ فورۋمدا.
سونىمەن قاتار ول وتاندىق عىلىمنىڭ دامۋىنا بٶلٸنەتٸن قارجىنىڭ ماردىمسىز بولۋى كەدەرگٸ كەلتٸرٸپ وتىرعاندىعىن ايتتى.
«بيىل قر ٷكٸمەتٸ جانىنداعى جوعارى عىلىمي-تەحنيكالىق كوميسسييانىڭ وتىرىسىندا ماقساتتى قارجىلاندىرۋ باعدارلاماسىن 65 پايىزعا ۇلعايتتى. بۇل جاقسى كٶرسەتكٸش. گرانتتىق قارجىلاندىرۋ 115 پايىزعا, ياعني 2 ەسەدەن استامعا ارتتىرىلدى. ال تەحنولوگييالاردى كوممەرتسييالاندىرۋ 5,4 ملرد تەڭگە دەيٸندە قالۋى ٶكٸنٸشتٸ-اق. بۇل جەردە تٷسٸنبەستٸك بولعان سيياقتى. مۇندا قوردىڭ دا كٸنەسٸ بار. 38 ملرد تەڭگەدەن استام قاراجاتقا 153 جوبا جٷزەگە اسىرىلىپ جاتىر. عىلىم قورى جۇمىس ٸستەگەن 5 جىلدىڭ ٸشٸندە بيزنەستٸڭ تەڭ قارجىلاندىرۋى 14,5 پايىز, شامامەن 5 ملرد تەڭگە بولدى», - دەدٸ ب.جۇماعۇلوۆ.
