5 تامىز تاڭدا ەلدوس سمەتوۆ باستاعان دزيۋدوشىلار ەلگە ورالدى. جاناشىر جۇرت سپورتشىلاردى قارسى الىپ, ٸزگٸ تٸلەكتەرٸن جاۋدىردى, سىيلىقتارىن تارتۋ ەتتٸ. مەسەلەن, عۇسمان قىرعىزباەۆقا ەۋەجايدىڭ ٸشٸندە-اق سۋ جاڭا كٶلٸك تابىس ەتٸلدٸ.
ايتا كەتەيٸك, دزيۋدوشىلار وليمپيادانىڭ العاشقى ەكٸ كٷنٸندە بٸر التىن, بٸر قولا مەدال جەڭٸپ الدى. العاش رەت ەلدوس سمەتوۆ 60 كەلٸدە چەمپيون اتاندى. سونداي-اق 66 كەلٸدە عۇسمان قىرعىزباەۆ قولا جٷلدەگە يە بولعان.
جالپىكوماندالىق ەسەپتە قازاقستان جەتٸنشٸ ورىنعا تۇراقتادى. جالپى, پاريج تٶرٸندە سمەتوۆ پەن قىرعىزباەۆتان بٶلەك, دانييار شامشاەۆ (73 كەلٸ), ابىلايحان جۇبانازار (81 كەلٸ), نۇرلىحان شارحان (100 كەلٸ), ابيبا ەبۋجاقىنوۆا (48 كەلٸ), ەسميگۋل كۋيۋلوۆا (63 كەلٸ), كاميلا بەرلٸقاش (+78 كەلٸ) كٷرەستٸ. مەدال سمەتوۆ پەن قىرعىزباەۆقا عانا بۇيىردى.
