بٷگٸن قر پرەمەر-مينيسترٸنٸڭ ورىنباسارى گٷلشارا ەبدٸقالىقوۆا باستاعان ەلباسىنىڭ «ەلەۋمەتتٸك قامقورلىق» جاڭا ەلەۋمەتتٸك شارالارىنىڭ نەگٸزگٸ باعىتتارىن تٷسٸندٸرۋ جٶنٸندەگٸ ٷكٸمەتتٸك جۇمىس توبى الماتى وبلىسىنا باردى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
جۇمىس توبىنىڭ قۇرامىنا قر ەڭبەك جەنە حالىقتى ەلەۋمەتتٸك قورعاۋ مينيسترٸ بەردٸبەك ساپارباەۆ, قر بٸلٸم جەنە عىلىم مينيسترٸ كٷلەش شەمشيدينوۆا, قر دەنساۋلىق ساقتاۋ مينيسترٸ ەلجان بٸرتانوۆ, قۇرىلىس جەنە تۇرعىن ٷي-كوممۋنالدىق شارۋاشىلىق ٸستەرٸ كوميتەتٸنٸڭ تٶراعاسى مارحابات جايىمبەتوۆ كٸردٸ.
قر پرەمەر-مينيسترٸنٸڭ ورىنباسارى مەن قر ەڭبەك جەنە حالىقتى ەلەۋمەتتٸك قورعاۋ مينيسترٸ جۇمىس ساپارىن تالدىقورعان قالاسىنىڭ جۇمىسپەن قامتۋ ورتالىعى مەن حالىققا قىزمەت كٶرسەتۋ ورتالىعىنان باستاپ, مەكەمەلەردٸڭ جۇمىسىن تەكسەردٸ.
2018 جىلى وبلىستا 8294 ادام جۇمىسقا ورنالاستىرىلدى, ونىڭ 2681-ٸ تۇراقتى جۇمىس تاپتى, 3248 ادام تٶلەنەتٸن قوعامدىق جۇمىستارعا جٸبەرٸلدٸ. جۇمىسپەن قامتۋ ورتالىعىندا اتاۋلى ەلەۋمەتتٸك كٶمەكتٸ تاعايىنداۋ تەرتٸبٸ ەگجەي-تەگجەيلٸ قارالدى. بٸرقاتار ناقتى تاپسىرمالار بەرٸلدٸ. تالدىقورعان قالاسىنىڭ حقو-دا 2018 جىلى 234 مىڭنان استام قۇجات بەرٸلدٸ, ولاردىڭ 59% ەلەكتروندى تٷردە ۇسىنىلعان.
بۇدان كەيٸن جۇمىس توبى الماتى وبلىسىنىڭ تۇرعىندارىمەن كەزدەستٸ. جيىنعا كٶپبالالى انالار, از قامتىلعان وتباسىلار, ەڭبەك ارداگەرلەرٸ, مٷمكٸندٸكتەرٸ شەكتەۋلٸ جاندار, مۇعالٸمدەر, دەرٸگەرلەر, ازاماتتىق قوعام ٶكٸلدەرٸ قاتىستى.
گٷلشارا ەبدٸقالىقوۆا ٶز سٶزٸندە جاڭا ەلەۋمەتتٸك ساياساتتىڭ نەگٸزگٸ باعىتتارى, جۇمىس توبىنىڭ ماقساتتارى مەن مٸندەتتەرٸ تۋرالى تولىعىراق ايتىپ بەردٸ.
ول حالىقتىڭ ەل-اۋقاتىن جاقسارتۋ ماقساتىندا قولعا الىنعان شارالار تۋرالى ەگجەي-تەگجەيلٸ بايانداي وتىرىپ, مەملەكەتتٸڭ باسىمدىعى حالىقتىڭ تۇرمىس دەڭگەيٸن بارىنشا جاقسارتۋ ەكەنٸن اتاپ ٶتتٸ.
زالدا كٶتەرٸلگەن سۇراقتارعا جۇمىس توبىنىڭ مٷشەلەرٸ ناقتى ەرٸ تولىق تٷسٸنٸكتەمە بەردٸ.
كەزدەسۋ اياقتالعاننان كەيٸن ۆيتسە-پرەمەر تسيفرلىق ساۋاتتىلىقتى دامىتۋعا باعىتتالعان №28 ات-ليتسەي مەكتەبٸنە باردى. مۇندا 1,3 مىڭنان استام وقۋشى بٸلٸم الىپ جاتىر. مەكتەپ زاماناۋي جابدىقتارمەن جابدىقتالعان. وندا ينفورماتيكا, پسيحولوگييا, لينگافوندىق جەنە مۋلتيمەديالىق كابينەتتەر, وقۋ شەبەرحانالارى بار.
بۇدان كەيٸن گ. ەبدٸقالىقوۆا از قامتىلعان وتباسىلارمەن كەزدەستٸ. 5 بالا تەربيەلەپ, بالاباقشادا تەربيەشٸ كٶمەكشٸسٸ بولىپ جۇمىس ٸستەيتٸن كٶپبالالى انا ت. بەكبەردينوۆانىڭ پەتەرٸندە بولعان پرەمەر-مينيستردٸڭ ورىنباراسى اتاۋلى ەلەۋمەتتٸك كٶمەكتٸڭ جاڭا تەتٸگٸن تٷسٸندٸردٸ. وعان سەيكەس بۇل وتباسى ەندٸ اي سايىن 141 125 تەڭگە الاتىن بولادى.
بٸرٸنشٸ جۇمىس كٷنٸنٸڭ سوڭىندا گ. ەبدٸقالىقوۆا ازاماتتاردى جەكە قابىلدادى. اتاپ ايتقاندا, س. تۇراشتىڭ تابىسى تٶمەن وتباسىنىڭ ٶتٸنٸشٸ قاناعاتتاندىرىلدى, ول ٶز ٷيٸندە تٸگٸن ٸسٸن اشقىسى كەلەدٸ جەنە قارجىلاندىرۋعا مۇقتاج. ٶڭٸر باسشىلىعىنا 505 مىڭ تەڭگە كٶلەمٸندە ٶتەۋسٸز گرانت بەرۋ مەسەلەسٸن شەشۋ تاپسىرىلدى.
مال شارۋاشىلىعىمەن اينالىسۋعا شەشٸم قابىلداعان س. كٷمٸسبەك شاعىن نەسيە بەرۋدٸ سۇرادى. بۇل مەسەلە دە وڭ شەشٸمٸن تاپتى - وبلىس باسشىلىعى وعان شاعىن نەسيە بٶلەدٸ.
جۇمىس توبىنىڭ باسقا مٷشەلەرٸ وبلىس اۋداندارى بويىنشا ساپارلاردا بولدى. قر دەنساۋلىق ساقتاۋ مينيسترٸ ەلجان بٸرتانوۆ ەسكەلدٸ اۋدانىندا, قر بٸلٸم جەنە عىلىم مينيسترٸ كٷلەش شەمشيدينوۆا كٶكسۋ اۋدانىندا, قۇرىلىس جەنە تۇرعىن ٷي-كوممۋنالدىق شارۋاشىلىق ٸستەرٸ كوميتەتٸنٸڭ تٶراعاسى مارحابات جايىمبەتوۆ تالدىقورعان قالاسىنىڭ جەنە تەكەلٸ قالاسىنىڭ قۇرىلىس جەنە تكش نىساندارى بويىنشا جۇمىس ساپارىندا بولدى.
دەنساۋلىق ساقتاۋ, بٸلٸم بەرۋ نىساندارىن, باسقا دا ەلەۋمەتتٸك مەكەمەلەردٸ, قۇرىلىس الاڭدارىن ارالاي وتىرىپ, اۋىل تۇرعىندارى, مۇعالٸمدەر جەنە دەرٸگەرلەرمەن ەڭگٸمە ٶربٸدٸ. حالىقتىڭ جەكە قابىلداۋى ٶتتٸ, وندا ازاماتتار ٶزەكتٸ سۇراقتارعا تولىق جاۋاپ الدى, سونىمەن قاتار ولاردىڭ تٷيٸتكٸلدٸ پروبلەمالارىن شەشۋگە كٶمەك كٶرسەتٸلدٸ.
ٷكٸمەت مٷشەلەرٸنٸڭ الماتى وبلىسىنا جۇمىس ساپارى جالعاسادى.
ايتا كەتەيٸك, بۇعان دەيٸن قر دەنساۋلىق ساقتاۋ مينيسترٸ ە. بٸرتانوۆتىڭ جەرگٸلٸكتٸ مەديتسينا قىزمەتكەرلەرٸمەن كەزدەسكەنٸن جازعان بولاتىنبىز.
