فوتو: ۇيىمداستىرۋشىلاردان
جامبىل وبلىسىندا جاستاردىڭ كٸتاپقا دەگەن قىزىعۋشىلىعىن ارتتىرىپ, ينتەللەكتۋالدى ەلەۋەتٸن كٶتەرۋگە باعىتتالعان «ەۋليەاتا — كٸتاپ وقيتىن ٶڭٸر» جوباسى قارقىندى دامىپ كەلەدٸ. سونىڭ ەڭ جارقىن باستامالارىنىڭ بٸرٸ – بيىل العاش رەت ۇيىمداستىرىلعان «وي شەبەرٸ» زيياتكەرلٸك ويىنى, دەپ حابارلايدى Ult.kz.
شارا جامبىل وبلىستىق «مٶلدٸر بۇلاق» وقۋ-ساۋىقتىرۋ ورتالىعىندا ٶتتٸ جەنە مىڭداعان جاسقا جاڭا مٷمكٸندٸك سىيلادى.
بۇل جوبا ٶڭٸردٸڭ مەدەني-رۋحاني ٶمٸرٸندە ەرەكشە ورىن الۋدا. ونىڭ باستى ماقساتى – ينتەللەكتۋالدى ورتانى قالىپتاستىرۋ, جاستاردىڭ كٸتاپقا دەگەن قىزىعۋشىلىعىن كٷشەيتۋ, وي-ٶرٸسٸن كەڭەيتۋ جەنە شىعارماشىلىق ەلەۋەتٸن دامىتۋ. «ەۋليەاتا — كٸتاپ وقيتىن ٶڭٸر» اياسىندا وسى ۋاقىتقا دەيٸن «وقۋشىلار ليگاسى», «دارىندى مەكتەپتەر ليگاسى» جەنە «تەحنيكالىق جەنە كەسٸپتٸك بٸلٸم بەرۋ ۇيىمدارى ليگاسى» بويىنشا 15 ويىن ٶتكٸزٸلٸپ, 400 كوماندا, شامامەن 2000 كٸتاپ قامتىلدى. بۇل كٶرسەتكٸش جاستاردىڭ بٸلٸمگە دەگەن قۇشتارلىعى ارتىپ كەلە جاتقانىن كٶرسەتەدٸ.
زيياتكەرلٸك سايىس ەرەكشە فورماتىمەن دە كٶزگە تٷستٸ. قاتىسۋشىلارعا ەرتٷرلٸ تاقىرىپتاردى قامتيتىن سۇراقتار, لوگيكالىق تاپسىرمالار جەنە تانىمدىق ساۋالدار ۇسىنىلدى. بارلىق ويىندار ەدٸل ەرٸ اشىق ٶتتٸ. جاستار بٸلٸمٸن سىناپ قانا قويماي, جاڭا تەجٸريبە جيناقتاپ, لوگيكالىق ويلاۋ قابٸلەتٸن دامىتتى. سايىس بارىسىندا دوستىق پەن سەرٸكتەستٸك احۋالى ەرەكشە سەزٸلدٸ. بۇل ويىندار جاستار اراسىنداعى مەدەني جەنە رۋحاني بايلانىستاردى نىعايتىپ, ولاردى بٸر-بٸرٸمەن جاقىنداتا تٷستٸ.
«وي شەبەرٸ» ويىنى ۋاقىت ٶتە مازمۇنىن كەڭەيتٸپ, جاڭا ەدٸستەمەلٸك باعىتتارمەن تولىقتىرىلۋدا. قاراپايىم بٸلٸم جارىسى عانا ەمەس, جاس بۋىننىڭ كرەاتيۆتٸ ويلاۋ قابٸلەتٸن جەتٸلدٸرەتٸن الاڭعا اينالدى. جوبا كٸتاپ وقۋ مەدەنيەتٸن دەرٸپتەۋدە جەنە بٸلٸمگە قۇشتار جاستاردىڭ قاتارىن كٶبەيتۋگە باعىتتالعان.
ويىندار ٷش تٷرلٸ ليگا بويىنشا ۇيىمداستىرىلدى.
وقۋشىلار ليگاسى – جالپى ورتا بٸلٸم بەرۋ ۇيىمدارىنىڭ وقۋشىلارى ٷشٸن ٶتكٸزٸلدٸ. جىل بويى ٶتكەن 11 ويىندا جٷزدەگەن كوماندا باق سىناپ, تەك ٷزدٸكتەر عانا گراند فينالعا جولداما الدى. باستاپقىدا 350-دەن استام كوماندا جارىسقا قاتىسىپ, فينالعا ەڭ مىقتى 11 توپ قانا شىقتى. ولار 2 ميلليون تەڭگەلٸك جٷلدە قورىنا تالاسۋ ٷشٸن كٷرەستٸ. گراند فينالعا قاتىسۋشىلارعا الدىن الا 20 تٷرلٸ كٸتاپ ۇسىنىلىپ, سولار بويىنشا سۇراقتار دايىندالدى.
فينالدا باق سىناعان كوماندالار قاتارىندا:
- مەركٸ اۋدانىنان – سىپاتاي ەلٸبەكۇلى اتىنداعى №19 ورتا مەكتەبٸ;
- تۇرار رىسقۇلوۆ اۋدانىنان – قۇلان تٸرەك مەكتەپ-گيمنازيياسى;
- مويىنقۇم اۋدانىنان – شىعاناق ورتا مەكتەبٸ;
- سارىسۋ اۋدانىنان – مۇحتار ەۋەزوۆ اتىنداعى مەكتەپ-گيمنازيياسى;
- جامبىل اۋدانىنان – مۇحتار ەۋەزوۆ اتىنداعى ورتا مەكتەبٸ;
- تالاس اۋدانىنان – احمەت بايتۇرسىنۇلى اتىنداعى گيمنازييا;
- جۋالى اۋدانىنان – ەليحان بٶكەيحان اتىنداعى №15 تٸرەك مەكتەپ-ليتسەيٸ;
- بايزاق اۋدانىنان – نىعمەتۋللا كيٸكباەۆ اتىنداعى مەكتەپ-گيمنازيياسى;
- شۋ اۋدانىنان – اباي اتىنداعى ورتا مەكتەبٸ;
- تاراز قالاسىنان – №15 مەكتەپ-گيمنازيياسى جەنە №23 ورتا مەكتەبٸ.
ايتا كەتەرلٸگٸ, فينالدا ەكٸ مۇحتار ەۋەزوۆ اتىنداعى مەكتەپ جەنە ەكٸ №15 مەكتەپ كەزدەستٸ – بۇل دا بٸلٸم دوداسىنداعى قىزىقتى سەتتەردٸڭ بٸرٸ بولدى.
فوتو: ۇيىمداستىرۋشىلاردان
دارىندى مەكتەپتەر ليگاسى دا ەرەكشە تارتىستى ٶتتٸ. بۇل باعىتقا وبلىستىڭ مامانداندىرىلعان مەكتەپتەرٸنەن 20 كوماندا ٶتٸنٸش بەرٸپ, ولاردىڭ ٸشٸنەن ٷزدٸك 11 توپ اقتىق سىنعا جەتتٸ. قاتىسۋشىلاردىڭ ەرقايسىسى 16 كٸتاپ وقىپ دايىندالدى. جٷلدە قورى – 1,2 ملن تەڭگە بولدى. ٷش كەزەڭنٸڭ نەتيجەسٸ قوسىلىپ, جەڭٸمپازدار انىقتالدى:
- 3 ورىن – اباي اتىنداعى دارىندى بالالارعا ارنالعان قازاق تٸلٸ مەن ەدەبيەتٸن تەرەڭدەتە وقىتاتىن مەكتەپ-گيمنازيياسىنىڭ «تاستٷيٸن» توبى (300 000 تگ)
- 2 ورىن – «دارىن» ليتسەي-ينتەرناتىنىڭ «سامۇرىق» توبى (400 000 تگ)
- 1 ورىن – «بٸلٸم-يننوۆاتسييا» ليتسەي-ينتەرناتىنىڭ «رۋحانييات» توبى (500 000 تگ جەنە «وي شەبەرٸ» كۋبوگى).
جەڭٸمپازداردى جامبىل وبلىسى ەكٸمدٸگٸنٸڭ بٸلٸم باسقارماسى جانىنداعى «جامبىل دارىنى» ورتالىعىنىڭ ديرەكتورى مايرا ەسەناليەۆا ماراپاتتادى.
تەحنيكالىق جەنە كەسٸپتٸك بٸلٸم بەرۋ ۇيىمدارى ليگاسى دا بيىل جاستاردىڭ بەلسەندٸ قاتىسۋىمەن ٶتتٸ. بۇل ليگاعا 25 كوماندا قاتىسىپ, ٸشٸنەن ٷزدٸك 13 توپ فينالعا جەتتٸ. جٷلدە قورى – 1,2 ملن تەڭگە. قاتىسۋشىلار 15 كٸتاپ وقىپ دايىندالدى. قورىتىندىسىندا:
- 3 ورىن – قورداي اۋدانىنىڭ «بەرەكە» كوللەدجٸنٸڭ توبى (300 000 تگ)
- 2 ورىن – جامبىل مەديتسينالىق جوعارى كوللەدجٸ (400 000 تگ)
- 1 ورىن – اباي اتىنداعى جامبىل گۋمانيتارلىق جوعارى كوللەدجٸ (500 000 تگ جەنە «وي شەبەرٸ» كۋبوگى).
فينالدىق بەسەكەنٸڭ تاعى بٸر جاڭالىعى – سۇراقتاردى ەزٸرلەۋدە جاساندى ينتەللەكت قولدانىلۋى. بۇل ويىنعا جاڭا تەحنولوگييالىق سيپات بەرٸپ, قاتىسۋشىلارعا جاڭا تەجٸريبە سىيلادى. سونىمەن بٸرگە شاراعا «جامبىل دامۋ» قورى, «جامبىل تاراز» گازەتٸ جەنە «ەۋليەاتا ترانسپاسس» كومپانيياسى دەمەۋشٸلٸك كٶرسەتتٸ.
گراند فينال قورىتىندىسى دا ەرەكشە تارتىستى بولدى. ٷش كوماندا تەڭ ۇپاي جيناپ, شەشۋشٸ سەتتە كوماندالاردىڭ جەتەكشٸلەرٸ بليتس-ساۋالدارعا جاۋاپ بەرٸپ, جٷلدەلٸ ورىندار سول ارقىلى انىقتالدى:
- 3 ورىن – ەليحان بٶكەيحان اتىنداعى №15 تٸرەك مەكتەپ-ليتسەيٸ (جۋالى اۋدانى) – LENOVO نوۋتبۋگٸ (5 دانا)
- 2 ورىن – قۇلان تٸرەك مەكتەپ-گيمنازيياسى (تۇرار رىسقۇلوۆ اۋدانى) – iPad پلانشەتٸ (5 دانا)
- 1 ورىن – نىعمەتۋللا كيٸكباەۆ اتىنداعى مەكتەپ-گيمنازيياسى (بايزاق اۋدانى) – MacBook نوۋتبۋگٸ (5 دانا) جەنە التىن مەدال.
جٷلدەگەرلەردٸ ماراپاتتاۋ رەسٸمٸنە جامبىل وبلىسى ەكٸمٸنٸڭ بٸرٸنشٸ ورىنباسارى نۇرجان كالەندەروۆ پەن وبلىستىق بٸلٸم باسقارماسى باسشىسىنىڭ ورىنباسارى لەززات قىزىلقۇلوۆا قاتىستى.
كٶپشٸلٸكتٸ قىزىقتىرعان سۇراق – «بۇل جوبا كەلەسٸ ماۋسىمدا جالعاسا ما?» بولدى. ۇيىمداستىرۋشىلار بۇل باستاما وبلىس ەكٸمٸ مەن بٸلٸم باسقارماسىنىڭ قولداۋىمەن جالعاساتىنىن قۋانا جەتكٸزدٸ.
«وي شەبەرٸ» – جاس بۋىندى كٸتاپقا باۋلۋ, بٸلٸمگە ىنتالاندىرۋ جەنە ينتەللەكتۋالدى قوعام قالىپتاستىرۋ جولىنداعى ماڭىزدى باستاماعا اينالدى. قاتىسۋشىلاردىڭ قۋانىشى, جاستاردىڭ قىزىعۋشىلىعى مەن دەمەۋشٸلەردٸڭ قولداۋى جوبانىڭ بولاشاعى زور ەكەنٸن كٶرسەتتٸ.
