فوتو: Getty Images
گونكونگتەگٸ تۇرعىن ٷي كەشەنٸندە بولعان الاپات ٶرت سالدارىنان قازا تاپقاندار سانى 44 ادامعا دەيٸن ٶستٸ. بۇل تۋرالى قىتايدىڭ ارنايى ەكٸمشٸلٸك اۋدانىن باسقاراتىن دجون لي 27 قاراشا كٷنٸ تاڭەرتەڭ ٶتكەن باسپاسٶز مەسليحاتىندا مەلٸمدەدٸ, دەپ حابارلايدى Ult.kz.
بۇعان دەيٸن 36 ادامنىڭ قازا تاپقانى, 279 ادامنىڭ جوعالعانى حابارلانعان. بيلٸك ٶكٸلدەرٸنٸڭ دەرەگٸنشە, 29 ادام اۋرۋحاناعا جەتكٸزٸلگەن, ونىڭ ٸشٸندە جەتەۋٸنٸڭ جاعدايى اۋىر.
ٶرت سەرسەنبٸ كٷنٸ قالانىڭ سولتٷستٸگٸندەگٸ تاي پو اۋدانىندا باستالىپ, بامبۋكتان جاسالعان قۇرىلىس قاڭقالارى ارقىلى تەز تارالىپ, بٸرنەشە بيٸك تۇرعىن ٷيلەرگە جايىلعان. ٶرت سٶندٸرۋشٸلەردٸڭ مەلٸمەتٸنشە, Wang Fuk Court تۇرعىن كەشەنٸنٸڭ سەگٸز كورپۋسىنىڭ كەمٸندە بەسەۋٸ ٶرتتٸڭ وشاعىندا قالعان.
قازا تاپقانداردىڭ اراسىندا بٸر ٶرت سٶندٸرۋشٸ بار. ول ٶرتتٸ سٶندٸرۋ كەزٸندە بايلانىسسىز قالىپ, كەيٸن دەنەسٸندە كٷيٸك جاراقاتتارىمەن تابىلعان.
بيلٸك بۇل وقيعاعا ەڭ جوعارى — بەسٸنشٸ دەڭگەيدەگٸ قاۋٸپتٸلٸك ساناتىن بەردٸ. گونكونگتا مۇنداي دەڭگەي 2008 جىلدان بەرٸ العاش رەت تٸركەلٸپ وتىر.
ٶرتتٸڭ ناقتى سەبەبٸ انىقتالىپ جاتىر. دەگەنمەن جەرگٸلٸكتٸ تۇرعىندار بۇعان دەيٸن قۇرىلىس نىسانىندا جۇمىس ٸستەيتٸن جۇمىسشىلاردىڭ تەمەكٸ شەگەتٸنٸنە شاعىمدانعان. South China Morning Post باسىلىمى پوليتسييانىڭ كەزدەيسوق ادام ٶلتٸرۋ بابى بويىنشا ٷش ادامدى ۇستاعانىن حابارلادى.
قحر تٶراعاسى سي تسزينپين قازا تاپقانداردىڭ وتباسىلارىنا كٶڭٸل ايتتى جەنە گونكونگ بيلٸگٸنە ٶرتتٸڭ زاردابىن ازايتۋ ٷشٸن بارلىق شارانى قابىلداۋدى تاپسىردى.
گونكونگ — ەلەمدەگٸ ەڭ بيٸك ەرٸ حالىق تىعىز ورنالاسقان تۇرعىن ٷيلەرٸ بار قالالاردىڭ بٸرٸ. بۇرىن قالادا ٶلٸمگە ەكەلەتٸن ٶرتتەر جيٸ تٸركەلەتٸن. الايدا سوڭعى ونجىلدىقتاردا قاۋٸپسٸزدٸك شارالارى كٷشەيتٸلٸپ, مۇنداي اۋقىمدى ٶرتتەر سيرەگەن.
