بٷگٸن, 27 مامىردا گونكونگتە جۇرت قىتاي ەنۇرانىن قۇرمەتتەمەگەندەردٸ جازالايتىن زاڭ جوباسىنا قارسى نارازىلىققا شىقتى. پوليتسييا نارازىلارعا كٶزدەن جاس اعىزاتىن گاز شاشتى.
گونكونگتە نارازىلىق ٶتٸپ جاتقان تۇستا قالانىڭ زاڭ شىعارۋشى ورگانى قىتاي ەنۇرانىن قۇرمەتتەمەگەندەردٸ باس بوستاندىعىنان ايىراتىن زاڭ جوباسىن قاراپ جاتقان ەدٸ. زاڭ جوباسى قابىلدانسا, گونكونگ مەكتەپتەرٸندە وقيتىندار قىتاي ەنۇرانىن جاتتاۋعا مٸندەتتەيدٸ. جوباعا ساي, "بارلىق ادام جەنە ۇيىم" "قاجەت جاعدايدا" ەنۇراندى ايتۋى جەنە ويناتۋى تيٸس. سونداي-اق ەنۇراندى "مازاقتاعاندار جەنە دۇرىس ايتپاعاندار" ٷش جىلعا دەيٸن باس بوستاندىعىنان ايرىلۋى يا 6 مىڭ دوللار ايىپپۇل تٶلەۋٸ مٷمكٸن.
قالانىڭ زاڭ شىعارۋشى ورگانى 27 مامىردا زاڭ جوباسىن ەكٸنشٸ وقىلىمدا ماقۇلداسا, جوبا ٷشٸنشٸ وقىلىمعا ٶتٸپ, كەيٸن ماۋسىم ايىندا داۋىسقا سالىنادى.
نارازىلار بۇل زاڭ قالاداعى ەركٸندٸكتٸڭ تٷبٸنە جەتەتٸنٸن دەپ سانايدى.
پوليتسەيلەر قالانىڭ زاڭ شىعارۋشى ورگانىن قورشاپ الىپ, جاپپاي تٸنتۋ شاراسىن جٷرگٸزگەن.
پوليتسييا زاڭسىز جينالدى دەگەن ايىپپەن 300-دەن استام ادام قاماۋعا الىنعانىن حابارلادى.
21 مامىردا بٷكٸلقىتايلىق كونگرەسس جيىنىندا قىتاي "گونكونگتە استىرتىن ەرەكەتتٸڭ, سەپاراتيزم مەن شەتەلدٸڭ ارالاسۋىن بولدىرمايتىن" زاڭ جوباسىن ۇسىندى. بۇل گونكونگتەگٸ ساتقىندىققا, سەپاراتيزمگە, بٷلٸككە تىيىم سالادى. 24 مامىردا گونكونگ جۇرتى بۇل زاڭعا دا قارسىلىق تانىتتى.
اقش پرەزيدەنتٸ دونالد ترامپ قالانىڭ ەركٸندٸگٸ مەن سوت بيلٸگٸنٸڭ تەۋەلسٸزدٸگٸنە قاۋٸپ تٶنسە, گونكونگ ەلەمنٸڭ قارجى ورتالىعى مەرتەبەسٸنەن ايىرىلۋى مٷمكٸن دەپ قىتايعا ەسكەرتۋ جاسادى.
