Búgin, 27 mamyrda Gonkongte jurt Qytai ánuranyn qurmettemegenderdi jazalaityn zań jobasyna qarsy narazylyqqa shyqty. Politsiia narazylarǵa kózden jas aǵyzatyn gaz shashty.
Gonkongte narazylyq ótip jatqan tusta qalanyń zań shyǵarýshy organy Qytai ánuranyn qurmettemegenderdi bas bostandyǵynan aiyratyn zań jobasyn qarap jatqan edi. Zań jobasy qabyldansa, Gonkong mektepterinde oqityndar Qytai ánuranyn jattaýǵa mindetteidi. Jobaǵa sai, "barlyq adam jáne uiym" "qajet jaǵdaida" ánurandy aitýy jáne oinatýy tiis. Sondai-aq ánurandy "mazaqtaǵandar jáne durys aitpaǵandar" úsh jylǵa deiin bas bostandyǵynan airylýy ia 6 myń dollar aiyppul tóleýi múmkin.
Qalanyń zań shyǵarýshy organy 27 mamyrda zań jobasyn ekinshi oqylymda maquldasa, joba úshinshi oqylymǵa ótip, keiin maýsym aiynda daýysqa salynady.
Narazylar bul zań qaladaǵy erkindiktiń túbine jetetinin dep sanaidy.
Politseiler qalanyń zań shyǵarýshy organyn qorshap alyp, jappai tintý sharasyn júrgizgen.
Politsiia zańsyz jinaldy degen aiyppen 300-den astam adam qamaýǵa alynǵanyn habarlady.
21 mamyrda Búkilqytailyq kongress jiynynda Qytai "Gonkongte astyrtyn árekettiń, separatizm men sheteldiń aralasýyn boldyrmaityn" zań jobasyn usyndy. Bul Gonkongtegi satqyndyqqa, separatizmge, búlikke tyiym salady. 24 mamyrda Gonkong jurty bul zańǵa da qarsylyq tanytty.
AQSh prezidenti Donald Tramp qalanyń erkindigi men sot biliginiń táýelsizdigine qaýip tónse, Gonkong álemniń qarjy ortalyǵy mártebesinen aiyrylýy múmkin dep Qytaiǵa eskertý jasady.
