اقپارات جەنە كوممۋنيكاتسييالار مينيسترلٸگٸ «Kazsport» تەلەارناسىن HD فورماتىنا كٶشٸرۋدٸ سەتتٸ اياقتادى. بۇل تۋرالى مينيستر دەۋرەن اباەۆ ٶزٸنٸڭ فەيسبۋكتەگٸ پاراقشاسىندا جازدى, دەپ حابارلايدى "ۇلت اقپارات".
«وسىلايشا, وتاندىق تەلەۆيزييانىڭ حابار تاراتۋىن جوعارى ساپاعا كٶشٸرۋگە العاشقى قادام جاسالىپ وتىر. اتاپ ايتۋ كەرەك, جاڭا فورماتتى ەزٸرشە «وتاۋ تۆ» وپەراتورىنىڭ 4 ميلليوندىق اۋديتوريياسى پايدالانادى.ەندٸ, ەلٸمٸزدٸڭ باستى سپورت تەلەارناسىنىڭ كٶرٸنٸسٸ 5 ەسەگە ارتادى. ال, «Kazsport» «وتاۋ تۆ»-نىڭ تەگٸن پاكەتٸنە قوسىلادى. ٸز بارلىق تەست جۇمىستارىن ماقساتتى تٷردە 10 قىركٷيەك قارساڭىندا اياقتاپ وتىرمىز. سەبەبٸ, بٷگٸن بارشا ەلٸمٸز داڭقتى جەرلەسٸمٸز گەنناديي گولوۆكيننٸڭ كەلل برۋكپەن جەكپە-جەگٸن اسىعا كٷتۋدە. وسى ايتۋلى سپورت كەشٸن سٸزدەر ەندٸ مٷلدە جاڭا ساپادا كٶرەسٸزدەر. ەل مەرەيٸن اسىرعان جەرلەسٸمٸزگە جەڭٸس تٸلەيمٸن», – دەيدٸ دەۋرەن اباەۆ.
