Givemesport.com سايتى بىلتىرعى جىلدىڭ ٷزدٸك بوكسشىلارىنىڭ تٸزٸمٸن جارييالادى, ولاردىڭ اراسىندا قازاقستاندىق سپورتشى گەنناديي گولوۆكين دە بار, دەپ حابارلايدى "ۇلت اقپارات" Sports.kz سايتىنا سٸلتەمە جاساپ.
گەنناديي گولوۆكين رەيتينگٸدە 15-شٸ ورىندا تۇر. 2020 جىلى گەنناديي نەبەرٸ بٸر جەكپە-جەك ٶتكٸزگەن, بٸراق ول ورتا سالماقتا ەلەم چەمپيونى تيتۋلدارىن قورعاۋ بويىنشا جاڭا رەكورد ورناتتى – گولوۆكين تيتۋلدارىن 21 رەت قورعاپ شىققان.
ەسكە سالا كەتسەك, جەلتوقسان ايىنىڭ ورتاسىندا گولوۆكين IBF جەلٸسٸ بويىنشا ٷمٸتكەر, پولشا بوكسشىسى كاميل شەرەمەتامەن جۇدىرىقتاسىپ, جەتٸنشٸ راۋندتان كەيٸن تٸزەسٸن بٷكتٸرگەن. سونداي-اق 38 جاستاعى قازاقستاندىق بوكسشى تاعى بٸر چەمپيوندىق بەلدٸك – IBO-نى قورعاپ شىقتى.
2021 جىلى گەنناديي گولوۆكيننٸڭ مەكسيكالىق بوكسشى ساۋل «كانەلو» الۆارەسپەن تريلوگييا ٶتكٸزەتٸنٸ كٷتٸلۋدە – ولاردىڭ اراسىنداعى ايقاس قىركٷيەك ايىندا ٶتۋٸ مٷمكٸن.
گولوۆكين سونداي-اق ححٸ عاسىردىڭ ۇلى بوكسشىلارىنىڭ «ٷشتٸگٸنە» كٸردٸ. تانىمال Give Me Sport باسىلىمى عاسىردىڭ ٷزدٸك 50 بوكسشىسىنىڭ رەيتينگٸسٸن ۇسىندى. بۇدان باسقا, GGG ESPN ۇسىنعان P4P رەيتينگٸسٸنٸڭ ٷزدٸك «وندىعىنا» كٸردٸ, سونداي-اق «كانەلوعا» ەڭ تۋرا دارىعان سوققىلار اۆتورى اتاندى.
بۇدان باسقا, GGG 2020 جىلى سپورت الاڭىنا قايتىپ ورالىپ, كٶپشٸلٸكتٸ شۋلاتقان تۇلعا رەتٸندە تانىلدى.
