بٷگٸن, 3 سەۋٸر كٷنٸ استانا قالالىق دەنە شىنىقتىرۋ جەنە سپورت باسقارماسىنىڭ جەتەكشٸسٸ بەرٸك مارجىقباەۆ "گولوۆكين كەلەسٸ كەزدەسۋٸن 17 شٸلدە كٷنٸ استانادا ٶتكٸزەدٸ" دەگەن بولاتىن. تٸپتٸ, بۇل جەكپە-جەكتٸ ٶتكٸزۋ ٷشٸن ول قول قويىپتى-مىس. وسى ورايدا Vesti.kz پورتالى نە ٷشٸن گولوۆكيننٸڭ جەكپە-جەگٸ 17 شٸلدە كٷنٸ ٶتپەيتٸنٸن انىقتاپ كٶرگەن.
گەنناديي گولوۆكين كەسٸپقوي بوكستا 37 كەزدەسۋ ٶتكٸزٸپ, ونىڭ بارلىعىندا جەڭٸسكە جەتكەن. 33 كەزدەسۋدە قارسىلاستارىن سۇلاتىپ سالعان. قازٸرگٸ ۋاقىتتا ونىڭ ەنشٸسٸندە تٶرت ۇيىمنىڭ چەمپيوندىق بەلبەۋٸ بار. وتانداسىمىز اقش جەرٸندەگٸ بٸرٸنشٸ كەزدەسۋٸن 2012 جىلدىڭ 1 قىركٷيەگٸندە ٶتكٸزگەن.
2015 جىلدان باستاپ ول مۇحيتتىڭ ارعى جاعىندا ٷلكەن اتاققا قول جەتكٸزٸپ, جەكپە-جەكتەرٸ اقىلى جٷيە(PPV ساتىلى) بويىنشا كٶرسەتٸلە باستادى. ٶزٸنٸڭ سوڭعى كەزدەسۋٸن ول 2017 جىلدىڭ 18 ناۋرىزدا ٶتكٸزٸپ, امەريكالىق دەنيەل دجەيكوبستى تٶرەشٸلەردٸڭ شەشٸمٸ بويىنشا جەڭگەن ەدٸ.
كەسٸپقوي بوكستا بۇعان دەيٸن ٶتكٸزگەن وتانداسىمىزدىڭ جەكپە-جەكتەرٸ دەمالىس كٷندەرٸ بولعان. گولوۆكين كارەراسىندا ەشقاشان دٷيسەنبٸ كٷنٸ شارشى الاڭعا شىقپاعان. ال ٷلكەن كەلٸسٸمشارتتارعا قول جەتكٸزگەننەن باستاپ, ونىڭ جەكپە-جەكتەرٸ تەك دەمالىس كٷندەرٸنە قويىلىپ جٷردٸ. بۇل بوكسشى ٷشٸن دە, كٶرەرمەن, تەلەارنا ٷشٸن دە ٶتە قولايلى. ەڭ باستىسى, قازٸر گولوۆكيننٸڭ HBO تەلەارناسىمەن كەلٸسٸمشارتى بار. كەيبٸر دەرەككٶزدەردٸڭ مەلٸمەتٸ بويىنشا, كەلٸسٸمشارت بويىنشا قازاقستاندىق بوكسشى تەك دەمالىس كٷندەرٸ جەكپە-جەك ٶتكٸزۋٸ كەرەك ەكەن.
ال, مارجىقباەۆ ايتقان كٷن دٷيسەنبٸگە كەلٸپ وتىر. ياعني, 17 شٸلدە. سوندىقتان دا گولوۆكيننٸڭ كومانداسى بۇل كٷنٸ جەكپە-جەك ٶتكٸزەدٸ دەگەنگە ٷلكەن كٷمەنمەن قاراۋعا بولادى. ونىڭ ٷستٸنە سپيكەر جەكپە-جەك تۋرالى تولىق ەشقانداي مەلٸمەت تاراتپادى.
گولوۆكيننٸڭ استاناداعى جەكپە-جەگٸ قاشان ٶتەتٸنٸ بەلگٸسٸز
