WBA/WBC/IBO/IBF تۇجىرىمدارى بويىنشا ورتا سالماقتاعى ەلەم چەمپيونى گەنناديي گولوۆكين قازٸر سۋپەرجۇلدىزعا اينالعان. ەلەمدەگٸ ەرٸپتەستەرٸمٸز ونىڭ ايتقان ەر سٶزٸنەن اقپارات جاساۋدا. بٸز دە قالىس قالىپ جاتقان جوقپىز. بٷگٸندە ەلٸمٸزدەگٸ سپورتتىق سايتتاردا جارىق كٶرگەن ون اقپاراتتىڭ جارتىسى جەرلەسٸمٸزگە ارنالۋدا. نەگە? سەبەبٸ, قىركٷيەك ايىنا جوسپارلانعان جەكپە-جەككە قاتىستى سۇراق كٶپ تە, جاۋاپ جوق.
گولوۆكيننٸڭ كٷزگە جوسپارلاپ وتىرعان كەزدەسۋٸ قاي كٷنٸ ٶتەتٸنٸ, قارسىلاسى كٸم بولاتىنى ەلٸ بەلگٸسٸز. باسى اشىلماي تۇرعان باستى مەسەلە دە وسى. كەلٸسٸم بويىنشا مەكسيكالىق ساۋل الۆارەسپەن جۇدىرىقتاسۋى كەرەك ەدٸ. الايدا بۇل جەكپە-جەكتٸڭ ٶتەتٸنٸنە سەنەتٸندەردٸڭ قاتارى كٷن ساناپ كەمٸپ بارادى. ٶيتكەنٸ, ەكٸ تاراپ ٶزارا كەلٸسٸمگە كەلە الار ەمەس.
تٷسٸنٸكتٸ تٸلدە ايتار بولساق, گولوۆكين مەن الۆارەس 100 تەڭگەنٸ بٶلٸسە الماۋدا. «35 تەڭگەسٸن بەرەيٸن, 65 تەڭگەسٸ مەنٸكٸ» دەيدٸ مەكسيكالىق. «جوق, 50 تەڭگەدەن بٶلٸپ الامىز» دەيدٸ بٸزدٸڭ جٸگٸت. ەكەۋٸنٸڭ دە قارسىلاسقا 1 تەڭگە ارتىق ۇستاتقىسى كەلمەيدٸ. ايتقان سٶزدەرٸنەن اينيتىن تٷرٸ جوق. ٶيتپەگەندە شە? تٷسٸنۋگە جەڭٸل ەتٸپ جازعان تٷرٸمٸز عوي, ەيتپەسە ەڭگٸمە 100 تەڭگەدە ەمەس, تٷسەتٸن تابىستىڭ پايىزىندا بولىپ تۇر. ونىڭ ەر پايىزى ميلليون دوللارعا جاقىن قارجى. ەگەر تٷسەتٸن تابىستى 50 پايىزدان بٶلٸسەر بولسا, ەر بوكسشىعا 20 مەن 35 ميلليون دوللاردىڭ ارالىعىندا تابىس تٷسۋٸ تيٸس. ەكٸ تاراپتىڭ جارتى پايىزعا دا جىلجىعىسى كەلمەي وتىرعانى سوندىقتان.
نەگٸزٸ جەرلەسٸمٸزدٸڭ ەڭگٸمەسٸ ٶزگەرگەن. بۇرىن تابىس, قاراجات جايىندا جاق اشپايتىن. «قارسىلاسىمدى قۇرمەتتەيمٸن. Big Drama Show جاسايمىز!» دەگەننەن ارى اسپاي, سىپايى قايىراتىن. مىسالى, 2017 جىلى ٶتكەن الۆارەسپەن العاشقى كەزدەسۋٸندە تابىستىڭ 30 پايىزىنا كەلٸستٸ. 70 پايىزى مەكسيكالىقتىڭ قانجىعاسىندا كەتكەن. ارادا جىل ٶتپەي تابىستىڭ تەڭ جارتىسىنا تالاسىپ وتىر.
انىعىندا, گەنا بۇل قادامعا اقشاعا قۇنىققان بارىپ وتىرعان جوق. مۇنداي تالاپ قويۋعا يتەرمەلەگەن ٶزدەرٸ. الۆارەستٸڭ كومانداسى وسى كەزگە دەيٸن ويلارىنا كەلگەنٸن ٸستەپ كەلدٸ. العاشقى جەكپە-جەك 2016 جىلى ٶتۋٸ تيٸس بولاتىن. ول جۇدىرىقتاسۋدان باس تارتىپ, WBC چەمپيوندىق بەلبەۋٸن بەسەكەسٸز بەرە سالدى. 2017 جىلى دا دەگەنٸن ٸستەتتٸ. كەزدەسۋدٸ مەكسيكانىڭ تەۋەلسٸزدٸك كٷنٸنە قويىپ, تابىستىڭ 30 پايىزىن عانا ۇستاتتى. كٶپشٸلٸكتٸڭ پٸكٸرٸنشە, سول بەسەكەدە جەرلەسٸمٸز جەڭٸسكە جەتۋگە تيٸس-تٸن. تٶرەشٸلەر اقىلعا سىيمايتىن شەشٸم شىعارىپ, تاعى دا الۆارەستٸڭ ىعىنا جىعىلىپ, تەڭ ەسەپ تٸركەپ جٸبەردٸ. ول از بولعانداي 2018 جىلعى 5 مامىرعا جوسپارلانعان قارىمتا كەزدەسۋگە 1 اي قالعاندا شارشى الاڭعا شىقپايتىنىن جارييا ەتتٸ. «ەسە قايتاراتىن جەكپە-جەك قىركٷيەكتە ٶتەدٸ» دەپ بوكس جانكٷيەرلەرٸ كٷزدٸڭ كەلۋٸن اسىعا كٷتٸپ جٷر. ال ول بولسا تاعى تالاپ قويۋدا, تابىستىڭ 35 پايىزىن عانا بەرمەكشٸ. مۇنداي «تەلپٸشتٸككە» قاشانعا دەيٸن شىداۋعا بولادى? قاشانعى ونىڭ جەتەگٸندە جٷرە بەرمەك? سىپايى گەنانىڭ دا تٶزٸمٸ تاۋسىلدى. «تابىستىڭ جارتىسىن بەرەسٸڭ!» دەپ شورت كەستٸ.
دەل قازٸر گولوۆكيننٸڭ شارت قويۋعا تولىق قاقىسى بار. بۇرىن ٶزٸنٸڭ مىقتى ەكەنٸن دەلەلدەۋ ٷشٸن, بەدەلٸن جوعالتپاۋ ٷشٸن قارسىلاسىنىڭ بارلىق ۋەجٸنە كەلٸسكەن. ال قازٸر ەشتەڭەنٸ دەلەلدەۋدٸڭ قاجەتٸ جوق. الۆارەسپەن قارسى جەكپە-جەك ٶتپەي قالسا دا, ەشتەڭە جوعالتپايدى. ەرينە, قوماقتى تابىس تابۋ مٷمكٸندٸگٸن ەسەپتەمەگەندە. چەمپيوندىق اتاقتارى جەتكٸلٸكتٸ. العاشقى جەكپە-جەكتە-اق ٶزٸنٸڭ مەكسيكالىقتان مىقتى ەكەنٸنە ناعىز بوكسسٷيەر قاۋىمنىڭ كٶزٸن جەتكٸزٸپ قويعان. كٷزدەگٸ كەزدەسۋدٸڭ تاعدىرى قالاي شەشٸلسە دە ابىروي-بەدەلٸنە نۇقسان كەلتٸرە المايتىنى انىق. قايتا جەكپە-جەك ٶتپەي قالسا, الۆارەستٸڭ جوعالتاتىنى كٶپ بولىپ تۇر. يە, كٶپ...
ەڭ بٸرٸنشٸ قالىڭ جانكٷيەرلەرٸنٸڭ الدىندا ابىرويىنان ايرىلعالى تۇر. ەۋەلٸ جۇدىرىقتاسۋدان باس تارتىپ چەمپيوندىق بەلبەۋٸن بەرە سالدى. مۇنى كٶپشٸلٸك قورىققانعا سانادى. جانكٷيەرلەر تاراپىنان قىسىپ كٶبەيدٸ. قورىقپايتىنىن بٸلدٸرٸپ, 2017 جىلى جەكپە-جەك ٶتكٸزۋگە كەلٸستٸ. الايدا ابىرويىن اسپانداتا المادى. كەرٸسٸنشە, مىقتىلىعىنا كٷمەنمەن قارايتىنداردىڭ سانى ارتتى. سول كەزدەسۋدە جەڭٸس تٷگٸلٸ تەڭ ەسەپكە لايىق بولماعانىن ايتاتىندار كٶپ.
2018 جىلى دوپينگ داۋىنا ٸلٸكتٸ. قايتا تەكسەرۋدەن ٶتٸپ اقتالىپ شىققانىمەن, بۇل ٸستە شيكٸلٸك كٶبەيدٸ. كەسٸپقوي بوكستان حابارى باردىڭ بەرٸ جارىسا پٸكٸر بٸلدٸردٸ. «دوپينگ داۋى قولدان جاسالعان. گولوۆكينمەن جەكپە-جەككە شىقپاۋ ٷشٸن جاسالعان قۋلىق» دەستٸ بٸر بٶلٸگٸ. سوڭعى ورىن العان جاعدايلار وسى بولجامدى راستايتىنداي. كەزدەسۋ جاقىنداعاندا دوپينگ داۋىنا بايلانىستى جەكپە-جەكتەن باس تارتتى دا, 6 ايدان كەيٸن قايتادان شارشى الاڭعا شىعۋعا رۇقسات بەرٸلدٸ. ەدەتتە تىيىم سالىنعان دەرٸ-دەرمەك قولدانعاندارعا قارسى قاتاڭ شارا كٶرٸلەتٸن. بٸر-ەكٸ جىلعا سپورتتان الاستاتىپ, چەمپيوندىق بەلبەۋلەرٸن تارتىپ الاتىن. الۆارەسكە قارسى ەشقانداي شارا كٶرٸلگەن جوق. وسىدان كەيٸن قولدان ۇيىمداستىرىلعان قۋلىق ەكەنٸنە سەنبەي كٶر.
پٸكٸر بٸلدٸرۋشٸلەردٸڭ ەكٸنشٸ جارتىسى ونىڭ دوپينگ قولدانعانىنا سەنٸمدٸ. تەك قازٸر ەمەس, بۇرىننان قولدانىپ كەلگەنٸن ايتادى. «دوپينگ داۋىنا ٸلٸكپەي تۇرعانداعى بۇلشىقەتٸنە قاراڭىز. قانداي شىمىر, شىنىققان بوكسشى ەكەنٸن كٶرٸپ تامسانار ەدٸڭٸز. قازٸرگٸ دەنەسٸنە قاراڭىز, سولعان سەبٸزدەي» دەسەدٸ. ياعني, گولوۆكينمەن جۇدىرىقتاسقاندا دا تىيىم سالىنعان پرەپارات قولدانعان, سونىڭ كٷشٸمەن اۋىر سوققىلارعا تٶتەپ بەرە العانى ايتىلادى. بۇل سٶزدەردٸڭ دە جانى بار. قايسىسى اقيقات ەكەنٸ بەلگٸسٸز. بٸراق, قايسىسى راس بولسا دا, الۆارەستٸ قۋلىق-سۇمدىقتان اقتاپ الا المايىن دەپ تۇر. بەدەلٸنەن تٷپكٸلٸكتٸ ايرىلمايىن دەسە, گولوۆكينمەن كٷزدەگٸ جەكپە-جەك وعان اۋاداي قاجەت. وسىنداي جەتٸستٸككە جەتكٸزگەن قالىڭ جانكٷيەرٸ بولسا, سولاردىڭ الدىندا ناعىز سۋجٷرەككە اينالماۋ ٷشٸن تەۋەكەلگە بارۋعا مەجبٷر. تٸپتٸ, تابىستىڭ تەڭ جارتىسىن الۋعا قۋانا كەلٸسۋگە تيٸس. مۇنى بٸزدٸڭ جٸگٸت بٸلٸپ وتىر. يە, ٶز دەگەنٸندە تابانداپ وتىرۋىنا وسىنداي جايتتار مٷمكٸندٸك بەرۋدە.
ال جەكپە-جەكتٸڭ ٶتۋ-ٶتپەۋٸنە بايلانىستى ايتىلىپ جاتقان ەڭگٸمەلەر پروموۋتەر, مەنەدجەر, باپكەر, مامانداردىڭ اۋزىنان شىققان جەي جەل سٶزدەر. ٶزٸنە تيەسٸلٸ تابىستىڭ بٸر بٶلٸگٸ قوماقتى بولۋى ٷشٸن قولدارىنان كەلگەننٸڭ بەرٸن جاساۋدا. ەزٸرگە سوڭعى سٶزدٸ ايتۋعا تيٸس الۆارەس ٷنسٸز.
مۇرات سەرٸكبايۇلى
