قازاقستاندىق بوكسشى گەنناديي گولوۆكين (38-1-1, 34 كو) مەكسيكالىق ساۋل الۆارەسپەن ٶتكەن رەۆانشقا قاتىستى پٸكٸرٸن بٸلدٸرٸپ, ٷشٸنشٸ جەكپە-جەكتٸڭ ىقتيمالدىلىعى تۋرالى ايتتى, دەپ حابارلايدى قازاقپارات Sports.kz سايتىنا سٸلتەمە جاساپ.
«ەكٸنشٸ ايقاستى ۇتقانىما سەنٸمدٸمٸن. ال تٶرەشٸلەردٸڭ جەڭٸستٸ ماعان بەرمەگەنٸ - مەنٸڭ پروبلەمام ەمەس. مەن ٶز جۇمىسىمدى جاسادىم. «كانەلوعا» سوققىلاردى, اۋىر سوققىلاردى كٶبٸرەك جاسادىم. ول بۇل جولى اگرەسسيۆتٸ قيمىلدادى. بٸراق مەنەن بەلدٸكتەردٸ الۋ ٷشٸن جەتكٸلٸكتٸ كٷش سالمادى. ونىڭ ٸس-قيمىلى مەن ٷشٸن كٷتپەگەن جاعداي بولعان جوق. بٸزدە ستراتەگييا بولدى. ادامدار مەنٸڭ جاسىم تۋرالى ايتىپ جاتىر. ايقاستا جەڭٸلدٸم دەپ ويلامايمىن. «كانەلومەن» ٷشٸنشٸ ايقاسقا كەلٸسەمٸن, بۇل - ناقتى. بٸراق ول دۇرىس شارتتارمەن ۇيىمداستىرىلۋى تيٸس», - دەدٸ گولوۆكين.
ەسكە سالايىق, GGG «كانەلو» اراسىنداعى بٸرٸنشٸ جەنە ەكٸنشٸ ايقاستار لاس-ۆەگاستاعى T-Mobile كەشەنٸندە ٶتتٸ. ەكٸ جەكپە-جەكتە دە بوكسشىلاردىڭ ەشقايسىسى ايقىن باسىمدىقپەن جەڭٸسكە جەتە المادى. العاشقىسى - تەڭ نەتيجەمەن, رەۆانش - تٶرەشٸلەر داۋىسىمەن «كانەلونىڭ» پايداسىنا اياقتالدى.
