قازاقستاندىق بوكسشى گەنناديي گولوۆكين مەكسيكالىق ساۋل كانەلو الۆارەسپەن ٶتەتٸن ٷشٸنشٸ جەكپە-جەك قارساڭىندا ٶتكەن ەكٸ كەزدەسۋدٸڭ نەتيجەسٸنە ٶز كٶزقاراسىن بٸلدٸردٸ, - دەپ حابارلايدى Tengrinews.kz تٸلشٸسٸ Vesti.kz سايتىنا سٸلتەمە جاساپ.
ولاردىڭ بٸرٸنشٸ جەكپە-جەگٸ 2017 جىلدىڭ قىركٷيەگٸندە لاس-ۆەگاستا (اقش) ٶتٸپ, داۋلى ەسەپپەن اياقتالعان بولاتىن. ال تۋرا بٸر جىلدان كەيٸن سول جەردە كانەلو كٶپشٸلٸكتٸڭ شەشٸمٸمەن جەڭٸسكە جەتتٸ.
گولوۆكين 2022 جىلدىڭ 17 قىركٷيەگٸنە جوسپارلانعان كانەلومەن ٶتەتٸن جەكپە-جەككە دايىن ەكەنٸن ايتتى.
"العاشقى ەكٸ جەكپە-جەكتٸڭ نەتيجەسٸ مەنٸ الاڭداتپايدى", - دەدٸ گولوۆكين DAZN تٸلشٸسٸنە.
- مەن ەشقانداي الاڭداۋشىلىقتى سەزٸنبەيمٸن. مەن ٷشٸنشٸ كەزدەسۋدٸ اسىعا كٷتەمٸن.
ەگەر كانەلومەن ٷشٸنشٸ جەكپە-جەك ٶتەتٸن بولسا, مەن وعان كەيبٸر قاتەلٸكتەردٸ تٷزەتۋ ماقساتىمەن ەمەس, جەڭۋ ٷشٸن مٸندەتتٸ تٷردە كەلەمٸن. مەن بٸرەۋگە بٸرنەرسەنٸ دەلەلدەۋ ٷشٸن بوكسقا كەلمەدٸم. ماعان ەرەكشە جەڭٸس كەرەك. مەن مانسابىمدى جالعاستىرامىن, ٶيتكەنٸ ٶزٸمدٸ كەرەمەت سەزٸنەمٸن".
ەسكە سالايىق, گولوۆكين 9 سەۋٸردە سايتامادا (جاپونييا) WBA نۇسقاسى بويىنشا ورتا سالماقتاعى "سۋپەرچەمپيون" جاپوندىق ريوتا مۋراتامەن بٸرٸكتٸرۋ جەكپە-جەگٸن ٶتكٸزەدٸ.
الۆارەس مامىر ايىندا جەڭٸل سالماقتاعى WBA تۇجىرىمى بويىنشا جەڭٸلٸپ كٶرمەگەن چەمپيون دميتريي بيۆولمەن كەزدەسەدٸ.
