گەنناديي گولوۆكين مەكسيكالىق ساۋل "كانەلو" الۆارەسپەن ٷشٸنشٸ جەكپە-جەككە قاتىستى ويىن ايتتى, دەپ حابارلايدى Vesti.kz تٸلشٸسٸ.
تريلوگييادا 12 راۋند قورىتىندىسى بويىنشا الۆارەس باسىم تٷستٸ.
"ستراتەگييالىق تۇرعىدا مەنٸڭ تاراپىمنان جەكپە-جەكتٸ اقىرىن باستاعانىم قاتەلٸك بولعان شىعار. ول ايقاستى قالاي جٷرگٸزەتٸنٸن, قالاي ٶربٸتە باستايتىنىن كٶرگٸم كەلدٸ. ەكەۋمٸز دە جەڭٸل, بارلاۋدان باستادىق. الايدا بۇل سوزىلىپ كەتتٸ. ال ەندٸ قىزا باستاعاندا كەش بولىپ كەتتٸ.
جەڭٸلٸپ قالدىم دەگەن سەزٸم جوق, ودان كٶڭٸلگە سىزات تا تٷسكەن جوق. ٶزٸمدٸ جاقسى سەزٸنەمٸن, بويىم ەنەرگيياعا تولى. بەسەكەلٸ ايقاس بولدى, ەكٸنشٸ بٶلٸگٸندە قارسىلاسىمنان جاقسىراق بولعاندايمىن.
جەڭٸسٸن تٶمەندەتكەنٸم ەمەس. ول جەڭدٸ. بٸراق ول مىقتىراق نەمەسە جىلدام بولدى دەي المايمىن. كەرٸسٸنشە, جەكپە-جەكتٸڭ ەكٸنشٸ جارتىسىندا ول كٷشٸ مەن جىلدامدىعىن جوعالتتى. ول مەنٸ تاڭعالدىرمادى", - دەدٸ گولوۆكين باسپاسٶز جيىنى كەزٸندە.
تريلوگييا بٷگٸن لاس-ۆەگاستا ٶتٸپ, الۆارەس تٶرەشٸلەردٸڭ بٸراۋىزدان شەشٸمٸمەن جەڭگەن بولاتىن.
