مەكسيكالىق بوكسشى ساۋل الۆارەستٸڭ مٷددەسٸن قورعايتىن پروموۋتەر وسكار دە لا حوييا گولوۆكين - «كانەلونىڭ» ٷشٸنشٸ كەزدەسۋٸن بوس تريبۋنالاردا ٶتكٸزۋگە بولمايتىنىن مەلٸمدەدٸ, دەپ حابارلايدى Sports.kz سايتى.
قازٸرگٸ ۋاقىتتا بوكس كوروناۆيرۋستىق پاندەميياعا بايلانىستى ۇزاق ٷزٸلٸستەن كەيٸن ارەناعا بٸرتٸندەپ ورالۋدا. الايدا بارلىق ٸس-شارالار جابىق عيماراتتاردا قاتاڭ كارانتين تالاپتارىن ساقتاي وتىرىپ ٶتكٸزٸلٸپ جاتىر. قازاقستاندىق پەن مەكسيكالىق بوكسشىلاردىڭ اراسىنداعى ٷشٸنشٸ كەزدەسۋ 2021 جىلى بولادى دەپ كٷتٸلۋدە. وعان دەيٸن كٷزدە ەكٸ سپورتشى ارالىق جەكپە-جەكتەر ٶتكٸزەدٸ.
— گەنناديي گولوۆكينمەن ٷشٸنشٸ جەكپە-جەك ٶتۋٸ ٷشٸن بٸزگە كٶرەرمەن كەرەك, جانكٷيەرلەر قاجەت. لاس-ۆەگاستا نە ٸستەيتٸنٸن بٸلمەسەك تە, «كانەلو» جەكپە-جەگٸنە قاتىستى ەشتەڭە باستاي المايمىز. بٸز كٷن سايىن جۇمىس ٸستەيمٸز, بارلىعى ريزا بولۋى ٷشٸن بەرٸن دە ويلاستىرۋدامىز, - دەدٸ وسكار.
