Meksikalyq boksshy Saýl Alvarestiń múddesin qorǵaityn promoýter Oskar de la Hoiia Golovkin - «Kanelonyń» úshinshi kezdesýin bos tribýnalarda ótkizýge bolmaitynyn málimdedi, dep habarlaidy Sports.kz saity.
Qazirgi ýaqytta boks koronavirýstyq pandemiiaǵa bailanysty uzaq úzilisten keiin arenaǵa birtindep oralýda. Alaida barlyq is-sharalar jabyq ǵimarattarda qatań karantin talaptaryn saqtai otyryp ótkizilip jatyr. Qazaqstandyq pen meksikalyq boksshylardyń arasyndaǵy úshinshi kezdesý 2021 jyly bolady dep kútilýde. Oǵan deiin kúzde eki sportshy aralyq jekpe-jekter ótkizedi.
— Gennadii Golovkinmen úshinshi jekpe-jek ótýi úshin bizge kórermen kerek, jankúierler qajet. Las-Vegasta ne isteitinin bilmesek te, «Kanelo» jekpe-jegine qatysty eshteńe bastai almaimyz. Biz kún saiyn jumys isteimiz, barlyǵy riza bolýy úshin bárin de oilastyrýdamyz, - dedi Oskar.
