پروموۋتەر جەنە بۇرىنعى كەسٸپقوي بوكسشى, AKboxing.ru سايتىنىڭ يەسٸ الەكساندر كولەسنيكوۆ Sports.kz سايتىنا سۇحبات بەرٸپ, «چيكاگودا كەلەسٸ جىلدىڭ اقپانىندا گەنناديي گولوۆكين ساۋل الۆارەسپەن ايقاس ٶتكٸزە مە?» دەگەن سۇراققا جاۋاپ بەردٸ, دەپ حابارلايدى "ۇلت اقپارات".
«كانەلو» مەن گولوۆكيننٸڭ اقپاندا ٶتۋٸ مٷمكٸن جەكپە-جەگٸنە قاتىستى ايتايىن. ول كەزدە ايقاس ٶتپەۋٸ مٷمكٸن. سەبەبٸ, الۆارەس كوۆالەۆپەن جۇدىرىقتاسادى, ونىڭ سالماعى, ول ايقاستا جەڭەتٸنٸ نەمەسە جەڭٸلەتٸنٸ, جاراقات الاتىن-المايتىنى بەلگٸسٸز... اقپان – «كانەلونىڭ» كەلەسٸ ايقاسى ٷشٸن تىم جاقىن, سوندىقتان گولوۆكين بۇل ۋاقىتتا 200% الۆارەسپەن رينگكە شىقپايدى. ەگەر ولار بٸر سالماق دەرەجەسٸندە قالاتىن بولسا, بەرٸ دە مٷمكٸن, ٶيتكەنٸ ەكەۋٸنٸڭ دە DAZN-مەن كەلٸسٸمگە وتىرۋى بەكەر ەمەس قوي. بۇل كەلٸسٸم قوس بوكسشىنىڭ شەشۋشٸ جەكپە-جەگٸن ٶتكٸزۋ ٷشٸن جاسالعان بولسا كەرەك», - دەدٸ رەسەيلٸك ساراپشى.
