قازاقستاندىق كەسٸپقوي بوكشسى گەنناديي گولوۆكيننٸڭ ۋكراينالىق سەرگەي دەرەۆيانچەنكومەن كەزدەسۋٸ الدىنداعى جاتتىعۋىنىڭ ۆيدەوسى جارييالاندى, دەپ حابارلايدى "ۇلت اقپارات".
GGG سپورتزالداعى جاتتىعۋىن Twitter-پاراقشاسىندا جارييالادى. ۆيدەوعا بوكسشى «23 كٷن» دەگەن جازبا قالدىردى.
ەسكە سالا كەتسەك, گولوۆكين-دەرەۆيانچەنكو جەكپە-جەگٸ 5 قازاندا نيۋ-يوركتەگٸ (اقش) «Madison Square Garden» ارەناسىندا ٶتەدٸ. بوكسشىلار IBF نۇسقاسى بويىنشا بوس تۇرعان ورتا سالماقتاعى ەلەم چەمپيونى تيتۋلىنا تالاساتىن بولادى. ول بۇعان دەيٸن مەكسيكالىق بوكسشى ساۋل الۆارەسكە تيەسٸلٸ بولعان ەدٸ. سونداي-اق ٶتكەن جىلى IBF بەلبەۋٸ گولوۆكيننٸڭ ٶزٸنە دە تيەسٸلٸ بولعان, الايدا بوكسشى دەرەۆيانچەنكوعا قارسى مٸندەتتٸ ايقاستان باس تارتقانى ٷشٸن تيتۋلدان ايىرىلىپ قالدى.
قوس قارسىلاس بۇعان دەيٸن العاش رەت بەتپە-بەت كەزدەسٸپ, كٶز ارباسقان ەدٸ.
