الماتى وبلىسىندا كەلەسٸ جىلدىڭ سەۋٸر ايىندا كارتوپ ٶڭدەيتٸن زاۋىت سالىناباق. بۇل تۋرالى وبلىس ەكٸمٸ اماندىق باتالوۆ «Farm Frits Kazakhstan» جشس ٶكٸلدەرٸمەن كەزدەسۋ بارىسىندا ايتتى.
اتى اتالعان گوللاندىق كومپانييامەن اراداعى كارتوپ ٶڭدەيتٸن زاۋىت قۇرۋ تۋرالى كەلٸسٸمدەر 2016 جىلدىڭ تامىز ايىندا باستالدى. سونىڭ نەتيجەسٸندە, بٷگٸنگٸ كٷنٸ ٸلە اۋدانىنداعى «بەرەكە» يندۋستريالدى اۋماعىندا زاۋىت قۇرىلىسىن سالۋعا 25 گەكتار جەر بٶلٸنگەن. سونداي-اق, كومپانييا مەن مەملەكەتتٸك ورگاندار جəنە قارجى ينستيتۋتتارى اراسىنداعى بٸرلەسكەن جۇمىستار سەتتٸ جالعاسۋدا.
قازاقتاعى «كەڭەسٸپ پٸشكەن تون كەلتە بولمايدى» دەگەن سٶز قانداي اقيقات بولسا, ەكٸ جاقتى كەلٸسٸممەن ٶمٸرگە كەلگەن جوبانىڭ دا جەتەر جەتٸستٸگٸ از بولماسا كەرەك. بۇل تۇرعىدا كومپانييا ٶكٸلٸ, جوبا جەتەكشٸسٸ يوس دەن بوەر قازاقستاندىق ەرٸپتەستەرٸنٸڭ ٸسكەرلٸگٸنە ريزاشىلىعىن بٸلدٸردٸ. ول زاۋىت قۇرىلىسىن جوسپارلى جٷرگٸزۋ ٷشٸن قازاقستاندىق «ەۆرازييا» كومپانييالار توبىمەن سەرٸكتەس بولىپ, بٸرلەسكەن قىزمەت تۋرالى كەلٸسٸمشارتقا قول قويىلعانىن جەتكٸزدٸ.
راسىندا, بۇل باعىتتاعى جۇمىس وبلىستا قارقىندى تٷردە اتقارىلا باستادى. ايتالىق, بيىل رايىمبەك اۋدانىندا «جەتٸسۋ» Əكك ارقىلى كارتوپ شارۋاشىلىعىن دامىتۋدىڭ سەرۆيستٸك-دايىنداۋ ورتالىقتارى قۇرىلىپ, قاجەتتٸ تەحنيكا ساتىپ الىنعان. ولار سəۋٸردە گەكتارىنا 350 تسەنتنەردەن ٶنٸم بەرەتٸن گوللاندييالىق سورتتىڭ 240 توننا ساپالى تۇقىمىن وتىرعىزادى.
سونىمەن قاتار, قاپشاعاي قالاسى دا كارتوپ ٶسٸرۋدٸ دامىتۋدا مول مٷمكٸندٸككە يە. وسى رەتتە, ٶڭٸر باسشىسى گوللاندىق كومپانييامەن بٸرلەسٸپ اتقارىلاتىن ٸرٸ جوبانىڭ جەرگٸلٸكتٸ تۇرعىنداردى تۇراقتى جۇمىسپەن قامتۋعا جەنە ديقانداردىڭ ٶنٸمٸن ۋاقىتىلى ٶتكٸزۋٸنە تيٸمدٸ كٶمەك بولاتىنىن ايتتى. ەرٸ بۇل ماقساتتىڭ ٷددەسٸنەن شىعۋدا ايماقتىڭ ەلەۋەتٸ مول ەكەنٸن تٸلگە تيەك ەتتٸ.
– وبلىستا قانت قىزىلشاسى مەن جٷگەرٸ شارۋاشىلىعى جاقسى دامىپ كەلەدٸ. مەملەكەت قولداۋىنىڭ ارقاسىندا اۋىلشارۋاشىلىعىن دامىتۋعا بارلىق جاعداي جاسالعان. بٸزدە شارۋالاردىڭ شيكٸزاتتارىن قابىلداپ, دايىن ٶنٸم شىعاراتىن زاۋىتتار بار. سوندىقتان وسىنداي ٸرٸ زاۋىت اشىلاتىن بولسا, ٶڭٸردەگٸ كارتوپ ٶندٸرٸسٸن دامىتۋعا ىقپال ەتەر ەدٸ, – دەدٸ اماندىق عابباسۇلى.
ايتا كەتەيٸك, كومپانييا جوبا قۇرىلىسى سەتتٸ اياقتالعان جاعدايدا 2020 جىلدىڭ قازانىندا العاشقى ٶنٸمٸن جۇرتقا ۇسىنباق. سونىمەن بٸرگە, وندا كارتوپ ٶنٸمدەرٸ عانا ٶڭدەلٸپ قويماي, داقىلداردى ٶڭدەپ-ٶندٸرۋ كٶزدەلٸپ وتىر.
قوزىباي قۇرمان,
الماتى وبلىسى
