فوتو: facebook.com/kaken.kamzin
بەلگٸلٸ پروفەسسور كەكەن قامزين پەتەرٸنەن قالاي ايىرىلعانىن بايانداپ, الاياقتاردىڭ ەرەكەتٸ تۋرالى ايتىپ بەردٸ, دەپ حابارلايدى Ult.kz.
جاقىندا الاياقتاردىڭ قۇربانى بولىپ, جالعىز باسپاناسىنان ايىرىلعان پروفەسسور كەكەن قامزين وقيعانىڭ مەن-جايىن ەلەۋمەتتٸك جەلٸدە بٶلٸستٸ.
ەستەرٸڭٸزگە سالا كەتەيٸك, جاقىندا كەكەن قامزيننٸڭ جالعىز باسپاناسىنان ايىرىلعانى جايلى اقپارات تاراعان ەدٸ.
دەرەككٶزدەردٸڭ حابارلاۋىنشا, پروفەسسورعا بەيتانىس ادام «ەنەرگوسبىت» مەكەمەسٸنٸڭ قىزمەتكەرٸ رەتٸندە حابارلاسىپ, ونىڭ جەكە دەرەكتەرٸن سۇراپ العان. كەكەن قامزين وعان ٶزٸنٸڭ جسن نٶمٸرٸن بەرگەن.
ودان كەيٸن ٶزٸن ۇلتتىق قاۋٸپسٸزدٸك كوميتەتٸنٸڭ قىزمەتكەرٸمٸن دەپ تانىستىرعان تاعى بٸر ادام حابارلاسىپ, پروفەسسوردىڭ جەكە دەرەكتەرٸ الاياقتاردىڭ قولىنا تٷسكەنٸن ايتقان. ول تەز ارادا ٷيدٸ ساتۋ قاجەتتٸگٸن ەسكەرتٸپ, ەگەر ۋاقىتىندا ساتىلماسا, جاعدايدىڭ قيىندايتىنىن جەتكٸزگەن. وسىلايشا, پروفەسسور پەتەرٸن ساتۋ ارقىلى الاياقتاردىڭ قولىنا اقشا بەرٸپ قويعان.
پروفەسسوردىڭ ايتۋىنشا, ول ٷش بٶلمەلٸ پەتەرٸن نەبەرٸ 31 ميلليون تەڭگەگە ساتقان.
كەكەن قامزين بٷگٸنگٸ جازباسىندا 1983 جىلدان بەرٸ تۇرىپ كەلە جاتقان ٷيٸنەن ايىرىلىپ قالاتىنىن اشىق ايتتى.
«قۇرمەتتٸ جاماعات, Facebook-دەگٸ قادٸرلٸ دوستار! وسى جازبانى جازۋعا ەندٸ عانا شامام كەلدٸ. اۋىر پسيحولوگييالىق سوققىدان ەسٸمدٸ ەندٸ جينادىم. مەنٸڭ باسىما تٷسكەن جاعداي تۋرالى ەلەۋمەتتٸك جەلٸدەگٸ جازبالاردان كٶپشٸلٸك حاباردار شىعار. كيبەرالاياقتاردىڭ قۇربانى بولعانىم شىندىق», – دەيدٸ پروفەسسور.
ونىڭ سٶزٸنشە, بۇل – قاراپايىم ينتەرنەت الاياقتىق ەمەس, جاقسى ۇيىمداستىرىلعان, جٷيەلٸ قىلمىستىق سحەما.
مامانداردىڭ ايتۋىنشا, قىلمىسكەرلەر تەك تسيفرلىق تەحنولوگييالاردى عانا ەمەس, پسيحولوگييالىق ەسەر مەن گيپنوز ەلەۋەتٸن, سونداي-اق ەرتٷرلٸ مەكەمەلەردەگٸ جالدامالىلاردىڭ دەرەكتەرٸن ٶتە شەبەر قولدانادى. قازٸرگٸ تاڭدا قۇقىق قورعاۋ ورگاندارى بۇل ٸستٸ جان-جاقتى تەكسەرٸپ جاتىر, – دەيدٸ پروفەسسور.
كەكەن قامزين بۇل وقيعانى باسقالارعا ساباق بولسىن دەپ جارييالاعانىن اتاپ ٶتتٸ.
«ايتىلاتىن دا, ايتىلمايتىن دا نەرسەلەر بار. وسىنداي زاۋال دەل مەنٸڭ باسىما تٷسەدٸ دەپ كٸم ويلاعان? ٸشتەي اللادان بۇدان كەيٸن دە ٶمٸرٸم ۇزاق بولسىن, جٷرەگٸم جٸگەرلٸ, بويىم قۋاتتى بولسىن دەپ تٸلەپ جٷرمٸن. ەندٸ ناقتى ايتسام, 1983 جىلدان بەرٸ تۇرىپ كەلە جاتقان, بالا-شاعامدى ٶسٸرگەن باسپانامنان ايرىلعالى وتىرمىن. بٸرسىپىرا ادامدار شىن نيەتپەن جاناشىرلىق بٸلدٸرۋدە, ەسٸرەسە شەكٸرتتەرٸم. ولارعا مىڭ دا بٸر راقمەت! ادامگەرشٸلٸكتٸڭ ٶلشەمٸ دە وسى ەمەس پە? بۇل جازبامدى سٸزدەرگە ساباق بولسىن, اقپاراتتىق الاڭداعى جىلتىلداعان, جارقىراعان جازبالارعا كٶپ سەنە بەرمەڭٸزدەر دەگەن ويمەن جارييالاپ وتىرمىن. امان بولىڭىزدار, اعايىندار!» – دەدٸ پروفەسسور.
