پروموۋتەر ەددي حيرن ورتا سالماقتاعى ەلەم چەمپيوندارى گەنناديي گولوۆكين (IBF) مەن دجەرمالل چارلونىڭ (WBC) بۇل ديۆيزيونداعى WBO اتاعىنىڭ يەگەرٸ دەمەتريۋس اندرادەمەن بٸرلەسكەن جەكپە-جەك ٶتكٸزگٸسٸ كەلمەيتٸنٸنە تاڭقالىپ وتىر, دەپ حابارلايدى Sports.kz سايتى.
جەكسەنبٸ كٷنٸ اندرادە تٶرەشٸلەردٸڭ بٸراۋىزدان قابىلداعان شەمٸمٸمەن مٸندەتتٸ ٷمٸتكەر ليم ۋيليامستٸ جەڭدٸ. بۇدان كەيٸن امەريكاندىق بوكسشى GGG-مەن جۇدىرىقتاسۋ نيەتٸن بٸلدٸرگەن. گولوۆكيننٸڭ ٶزٸ بولسا, دەرەككٶزدەردٸڭ مەلٸمەتٸنشە, جىلدىڭ سوڭىندا جاپونييادا WBA Super چەمپيونى ريوتو مۋراتامەن ايقاس تۋرالى كەلٸسسٶزدەر جٷرگٸزۋ ٷستٸندە.
«اندرادەنٸڭ دەمالىس كٷنٸ ٶتەتٸن جەكپە-جەگٸنەن كەيٸن دجەرمالل چارلو دەمەتريۋسپەن جەكپە-جەكتە جەڭەدٸ دەپ ويلايمىن. ەگەر سەن چەمپيون بولساڭ, باسقا چەمپيوندارمەن جەكپە-جەككە شىعۋعا تىرىسۋىڭ كەرەك دەپ سانايمىن. گەنناديي 31 جەلتوقساندا ريوتو مۋراتامەن كەزدەسۋٸ جايلى كەلٸسسٶزدەرٸن جٷرگٸزٸپ جاتىر. مەن وعان وسى جازدا اندرادەمەن ايقاسىپ, تيتۋلداردى بٸرٸكتٸرٸپ, ودان كەيٸن جەلتوقساندا تاعى بٸر ۋنيفيكاتسييا ٶتكٸزۋدٸ (مۋراتاعا قارسى), ال ودان كەيٸن ەلەمنٸڭ ابسوليۋتتٸ چەمپيونى اتاعى ٷشٸن چارلومەن جۇدىرىقتاسۋعا كەڭەس بەرەر ەدٸم», - دەدٸ حيرن IFL TV-عا بەرگەن سۇحباتىندا.
