الماتىدا كٶرنەكتٸ جازۋشى, اۋدارماشى, پۋبليتسيست گەرولد بەلگەردٸڭ اتىنا كٶشە اتاۋى بەرٸلدٸ. شاھاردىڭ ناۋرىزباي اۋدانىندا ورىن تەپكەن كٶشەنٸڭ جالپى ۇزىندىعى بٸر جارىم شاقىرىمعا سوزىلىپ جاتىر. مۇندا جازۋشىنىڭ جارقىن بەينەسٸن جاڭعىرتقان تاقتايشا دا ٸلٸنگەن.
قالامگەردٸڭ رۋحىن اسپانداتقان ايتۋلى شاراعا رەسەيدەن تۋعان-تۋىستارى مەن جۇبايى ارنايى كەلدٸ. جينالعاندار جىلى ەستەلٸكتەرٸمەن بٶلٸسٸپ, قابىرعالى قالامگەردٸڭ ازاماتتىق تۇلعاسىن تەبٸرەنە ەسكە الدى. ەسٸرەسە, ەكەسٸنٸڭ اتىنا كٶشە بۇيىرعانى قىزى يرينا بەلگەردٸ ايرىقشا قۋانتىپتى. سەبەبٸ, قازٸر ول گەرولد بەلگەردٸڭ قولجازبالارىن, جەكە زاتتارىن جيناستىرىپ, مۇراجايعا ٶتكٸزۋدٸ قولعا العان. «ەكەمٸزدٸڭ ٶمٸردەن وزعانىنا بەس جىلعا جۋىقتادى. قازٸر قولىمىزدان كەلگەنشە ونىڭ ەسٸمٸن ۇرپاق ساناسىندا ەلديلەۋ ٷشٸن ەستەلٸكتەر جيناستىرۋ ٷستٸندەمٸز. قولىمىزدا كٶپتەگەن قولجازبالارى بار. ولاردى رەتكە كەلتٸرۋدٸ كٶزدەپ وتىرمىز. ەكەم ۇلتى نەمٸس بولسا دا قازاق حالقىن ەرەكشە سٷيدٸ, سوڭعى دەمٸ قالعانشا ەدەبيەتٸ مەن رۋحانيياتىنا قالتقىسىز قىزمەت قىلدى», – دەيدٸ يرينا بەلگەر.
جازۋشىنىڭ قىزى تٸلگە تيەك ەتكەندەي, سانالى عۇمىرىنىڭ سەۋلەلٸ سەتتەرٸن ەدەبيەت ەلەمٸنە باعىشتاعان بەلگەردٸڭ قازاق حالقىنا دەگەن ماحابباتى شىعارمالارى ارقىلى كٶپتەپ كٶرٸنٸس تابادى. وعان جازۋشىنىڭ «اباي ي گەتە» زەرتتەۋ ەڭبەگٸندەگٸ: «مەنٸڭ ابايدى تانۋىم گەتەنٸ تٷسٸنۋدەن باستالۋعا تيٸس سىقىلدى ەدٸ. قانشاما قازاقشا وقىپ, قازاق اۋىلىندا ٶستٸم دەگەنمەن, نەمٸس ەمەسپٸن بە? بٸراق بەرٸ كەرٸسٸنشە بولىپ شىقتى. مەن ەۋەلٸ اباي ارقىلى گەتەنٸ تاپتىم. بۇل ەنشەيٸن ايتىلا سالعان جىلتىراق سٶز ەمەس. باسقاسىن بىلاي قويعاندا, گەتەنٸڭ ەيگٸلٸ «جولاۋشىنىڭ تٷنگٸ جىرى» اتتى ٶلەڭٸن مەن ەۋەلٸ ابايدىڭ «قاراڭعى تٷندە تاۋ قالعىپ» دەگەن ٶلەڭٸن وقىپ بارىپ, لەرمونتوۆتىڭ «تاۋ شىڭدارى» ارقىلى بويىما سٸڭٸرٸپپٸن», دەگەن جولدارى دەلەل.
دارىن اتىنداعى داڭعىلدىڭ رەسمي اشىلۋ سالتاناتىنا جينالعان زييالى قاۋىم ٶكٸلدەرٸ دە ونىڭ قازاقتىڭ قاسيەتتٸ سالتىن ٶتە تەرەڭ بٸلەتٸنٸن, شىعارمالارى حالىققا بٸرتابان جاقىن ەكەنٸن ايتىپ, بەلگەردٸڭ جازۋشىلىق قىرى مەن ازاماتتىق سىرى تۋرالى تەرەڭنەن تولعادى.
الماتىنىڭ ناۋرىزباي اۋدانىندا سوڭعى ەكٸ جىلدا 100 كٶشە جاڭا اتاۋ ەنشٸلەگەن. بۇعان دەيٸن ەلٸمٸزدٸڭ ەكٸ بٸردەي ٸرٸ قالاسىندا جازۋشىنىڭ اتىنا كٶشە اتاۋى بەرٸلگەن بولاتىن.
