توعىزقۇمالاقتان ەۋروپا چەمپيوناتى شۆاينفۋرتتا (گەرمانييا) 23-24 شٸلدە ارالىعىندا ٶتتٸ. ەۋروپا چەمپيوناتىنا گەرمانييا, فرانتسييا, گرەكييا, شۆەيتسارييا, يسپانييا, رەسەي, چەحييا جەنە تاعى باسقا وننان استام مەملەكەت سپورتشىلارى قاتىستى. چەمپيونات شۆەيتسار جٷيەسٸ بويىنشا, ەرلەر مەن ەيەلدەر اراسىندا ۇيىمداستىرىلدى.
ەۋروپا چەمپيوناتى اشىلۋىنا دٷنيەجٷزٸلٸك توعىزقۇمالاق فەدەراتسيياسىنىڭ پرەزيدەنتٸ اليحان بايمەنوۆ پەن قازاقستان مەدەنيەت جەنە سپورت مينيسترلٸگٸ سپورت جەنە دەنە شىنىقتىرۋ ٸستەرٸ كوميتەتٸنٸڭ تٶراعاسى ەلسييار قاناعاتوۆ, شۆاينفۋرت مەرٸ كارل حاينتس كاۋچوك قاتىستى.
«توعىزقۇمالاق - قازاقتىڭ دٷنيەجٷزٸلٸك مەدەنيەتكە قوسقان جارقىن ٷلەسٸنٸڭ بٸرٸ. چەمپيونات - ينتەللەكتۋالدىق سايىس, مەدەني شارا عانا ەمەس, مەدەني مۇرامىزدى ناسيحاتتاۋ جولى. بۇل – دٷنيەجٷزٸلٸك فەدەراتسييانىڭ قۇرىلعان كٷنٸنەن باستاپ العا قويعان مٸندەتتەرٸنٸڭ بٸرٸ», - دەپ اتاپ ٶتتٸ اليحان بايمەنوۆ.
دٷنيەجٷزٸلٸك فەدەراتسييا 2009 جىلدان بەرٸ توعىزقۇمالاقتان ٷش رەت ەلەم چەمپيوناتىن ٶتكٸزٸپ, ٷشٸنشٸسٸنە 25 ەل ٶكٸلدەرٸ قاتىسقان. چەمپيوناتتاردىڭ ٶتۋٸنە وتاندىق كەسٸپكەرلەر دٸنمۇحاممەد ىدىرىسوۆ, كەڭەس راقىشەۆ, ەرلان ەشٸم, ماقسات رامانقۇلوۆ, ەرعالي يبراگيموۆ قولعابىس تيگٸزۋدە. سوڭعى جىلدارى مەملەكەت تاراپىنان دا توعىزقۇمالاقتى دامىتۋعا جٷيەلٸ كٶڭٸل اۋدارىلۋدا. قازٸرگٸ تاڭدا توعىزقۇمالاقپەن اينالىساتىن قازاقستاندىقتار سانى 200 مىڭنان استى. الدا ازييا چەمپيوناتىن ۇيىمداستىرۋعا قىتاي ٶكٸمەتٸ ٶز تاراپىنان قولداۋ كٶرسەتۋگە نيەت بٸلدٸرٸپ وتىر.
ەۋروپا چەمپيوناتى بارىسىنداعى حالىقارالىق تۋرنيرگە قازاقستان ۇلتتىق قۇراما كومانداسى مٷشەلەرٸ دە قاتىسىپ, شەتەلدٸك سپورتشىلاردىڭ شەبەرلٸگٸن ارتتىرىپ, تەجٸريبە جيناقتاۋىنا كٶمەك كٶرسەتتٸ. جارىسقا قاتىسۋشىلار مەن توعىزقۇمالاق ەۋەستەنۋشٸلەرٸ – نەگٸزٸنەن ەۋروپا ەلدەرٸندە تۇرىپ جاتقان جەرگٸلٸكتٸ حالىق.
چەمپيونات اياسىندا, سونداي-اق, ۇلتتىق ويىندى حالىقارالىق دەڭگەيدە ودان ەرٸ دامىتۋ مەسەلەلەرٸ دە كەڭٸنەن تالقىلاندى.
"ۇلت اقپارات"
