گەرمانييادا كوروناۆيرۋس ينفەكتسييانىڭ اپتالىق ورتاشا كٶرسەتكٸشٸ ارتىپ كەلەدٸ, دەپ حابارلايدى "ۇلت اقپارات" COVID-19 تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ Telegram كانالىنا سٸلتەمە جاساپ.
روبەرت كوح اتىنداعى ينستيتۋت بۇل كٶرسەتكٸشتٸڭ 100 مىڭ ادامعا شاققاندا 17,8-دەن 23,1 جاعدايعا دەيٸن ارتقانىن تٸركەدٸ.
ٶتكەن تەۋلٸكتە 1 183 جاڭا ينفەكتسييا راستالىپ, 2 ادام قايتىس بولعان. جالپى 84 ميلليون تۇرعىنى بار گفر 3 791 949 ادامدا كوروناۆيرۋس ينفەكتسيياسى دەرەگٸن انىقتادى. بۇل رەتتە, گفر تۇرعىندارىنىڭ جارتىسىنان كٶبٸ COVID-19-عا قارسى تولىقتاي ەگٸلگەنٸن اتاپ ٶتكەن جٶن.
ەزەربايجاندا پاندەمييا باستالعاننان بەرٸ بەس مىڭنان استام ادام كوروناۆيرۋس ينفەكتسيياسىنان قايتىس بولدى. 2020 جىلدىڭ اقپان ايىنىڭ سوڭىنان باستاپ ەزەربايجاندا كوروناۆيرۋستىق ينفەكتسييانىڭ جالپى 351 825 جاعدايى انىقتالعان. ٶتكەن كٷننٸڭ ٶزٸندە COVID-19 جۇقتىرۋ جاعدايىنىڭ 220 جاڭا فاكتٸسٸ تٸركەلدٸ. قازٸرگٸ ۋاقىتتا اۋرۋحانالاردىڭ رەانيماتسييالىق بٶلٸمشەلەرٸندە كوروناۆيرۋس جۇقتىرعان 11 737 ادام ەمدەلۋدە.
