گەرمانييانىڭ Rheinmetall قارۋ-جاراق كورپوراتسيياسى ۋكرايناعا اۋىر قارۋ-جاراق جەتكٸزۋگە دايىن ەكەنٸن مەلٸمدەدٸ, ونىڭ ٸشٸندە تانكٸ دە بار. بۇل تۋرالى Handelsblatt گازەتٸ جازدى, دەپ حابارلايدى ازاتتىق.
دٷيسەنبٸدە گەرمانييا سىرتقى ٸستەر مينيسترٸ اننالەنا بەربوك "ۋكرايناعا اۋىر قارۋ-جاراق بەرۋ كەرەك" دەگەن بولاتىن.
باسىلىمنىڭ جازۋىنا قاراعاندا, سٶز - بۋندەسۆەر قارۋ-جاراعىنان شىعىپ قالعان "لەوپارد 1" تانكٸلەرٸ تۋرالى. بۋندەسۆەردٸڭ ٶزٸ قازٸرگٸ زامانعى "لەوپارد 2" تانكٸسٸن پايدالانۋعا كٶشكەن. كونتسەرن باسشىسى ارمين پاپپەرگەردٸڭ ايتۋىنشا, العاشقى "لەوپارد" ۋكرايناعا التى اپتادان كەيٸن جەتكٸزٸلۋٸ مٷمكٸن. ول ٷشٸن بۇل شەشٸمدٸ گەرمانييا ٷكٸمەتٸ ماقۇلداۋعا تيٸس. ال بەربوكتىڭ سٶزٸنە قاراعاندا, بۇل ۇستانىم ٶزگەرە باستاعانعا ۇقسايدى.
24 اقپاندا رەسەيدٸڭ ۋكرايناعا باسقىنشىلىعى باستالعانعا دەيٸن ناتو-نىڭ كەي ەلدەرٸندەي ەمەس, گەرمانييا ۋكرايناعا قارۋ-جاراق بەرۋدەن باس تارتىپ كەلگەن. كەيٸن ول تىيىمدى الىپ تاستاپ, تانكٸگە جەنە ەۋە كٷشتەرٸنە قارسى قارۋ بەرگەن. ۋكراينا بيلٸگٸ اۋىر بروندى تەحنيكا مەن ەسكەري ۇشاق سۇراپ وتىر.
ٶتكەن اپتادا چەحييانىڭ ۋكرايناعا ت-72 تانكٸلەرٸن بەرگەنٸ جايلى اقپارات تاراعان. سلوۆاكييادان ٶزٸ جٷرەتٸن گاۋبيتسا جەتكٸزۋ جٶنٸندە دە كەلٸسسٶز جٷرٸپ جاتىر.
