گەينە – 220
بيىل ەيگٸلٸ نەمٸس اقىنى, پۋبليتسيست, سىنشى گەنريح گەينەنٸڭ تۋعانىنا 220 جىل. گەينە 1797 جىلى 13 جەلتوقساندا ديۋسسەلدورفتەگٸ ەۆرەي كٶپەسٸ وتباسىندا دٷنيەگە كەلگەن.
نەمٸس اقىنىنىڭ بٸر توپ ٶلەڭٸن بەلگٸلٸ اقىن سۆەتقالي نۇرجاننىڭ اۋدارماسىندا وقىرمان نازارىنا ۇسىنىپ وتىرمىز.
روماندار
ANNO 1829
وتان ٷشٸن ٸزگٸلٸكتەر جولىندا
قييار ەدٸم تامشى قاندى قينالماي.
بٸراق مىناۋ توعىشارلار تورىندا
ۇرتتام دەم جوق!
شىنىم وسى يمانداي!
ۇستاپ ولار مايلى باسىن جٸلٸكتٸڭ,
كٶرتىشقاندىق باقىت جيناپ قۇرساققا;
جەتٸمدەرگە ٶزٸن قيماي سىنىقتىڭ,
تار رۋحتان كەۋدەسٸ ٸسٸپ تۇر شاققا.
بار ەڭبەگٸ – قالتادا قول جىلىتۋ,
قولىن سوزۋ سوسىن سەندٸ شىلىمعا.
ولار ٷشٸن ەشتەڭە ەمەس – ۇمىتۋ,
بٸراق بٸزدٸڭ قالاي سىيماق ۇعىمعا?!.
بار ساۋداسىن جيىپ مۇندا يتەلٸپ,
كٸرپٸدەن جٷن, ٸرٸمشٸك اپ تٷلكٸدەن,
ٸشتەرٸندە جاتقانداردىڭ يت ٶلٸپ,
جٷرگٸزبەيدٸ ساسىق يسٸ مٷڭكٸگەن.
ولارداعى ٶتەر سۇمدىق – بەرٸنەن:
توناۋ, زورلىق – اس سىندى عوي تۇزى كەم –
تەك ەسەپكە قۇرىپ قويعان زاڭى مەن
توق بەتتەردٸڭ راقىمشىل جٷزٸنەن!
ەي, اقشا بۇلت, تۇرا الماسپىن كٶپ تٶتەپ,
مەنٸ الا كەت, اۋىرسىنباس كٶك بٸزدٸڭ,
لاپلاندييا*, افريكا جاققا ەكەت,
تىم قۇرىسا, شتەتتينگە* جەتكٸزگٸن!
ەكەت مەنٸ! – جىراققا الىپ ۇش, كٸلەم!
نەزٸك جانمىن, كەتە كٶرشٸ ٸلٸپ اپ!
ٶتكەن كەزدە بۇل قالانىڭ ٷستٸنەن
قورىققاننان بۇلت تا قاشار زىمىراپ.
--------------------------------------
لاپلاندييا* – سولتٷستٸك ەبٸروپاداعى مەدەني ايماق. سااما (از ۇلت) جۇرتىنىڭ قونىسى.
شتەتتين* – ودەر ٶزەنٸ جاعاسىنداعى شاعىن قونىس.
ANNO 1839
گەرمانييا تۋعان وتان – جان شٶلٸم,
مەڭگٸ كەپپەس كٶز جاسىمسىڭ سەن مەنٸڭ!
فرانتسييا جاقتان سەنٸ اڭسادىم,
ماعان اۋىر مىنا حالىق جەلكٶڭٸل.
سالقىن اقىل, سەزٸمدەرمەن مٶلشەرلٸ
پاريج ٶمٸر سٷرٸپ جاتىر جارقىلدى.
ەسسٸز بۋبەن, سەنٸم ٷنٸ ەڭ سوڭعى,
ٷيدە تٷنگٸ تەتتٸ ٷندەرٸڭ سارقىلدى!
مەيٸن جاندار. بٸراق سونشا قىرسىعىپ
قارسى الامىن كٸشٸپەيٸل تەجٸمٸن.
ريياسىز وتاندا ٶمٸر شىن سٷرٸپ,
دٶرەكٸلەۋ قاعىلعان ەد قازىعىم.
سەندٸ ەيەلدەر. سەكٸلدٸ كٸل سىلدىرماق,
جاراتىلعان بوس سٶز بەنەن ٶسەككە.
نەمٸستەردٸڭ سۇلۋى ەمەس تىم قىمبات,
ٶتٸنٸشسٸز باستايدى ٶزٸ تٶسەككە.
ەلپەنشەكتەر شىرق اينالىپ ەر تٷپتە,
ەسسٸز تٷستەي جٸبەرەدٸ داڭ قىلىپ.
بٸزدە بەرٸ كەلتٸرٸلگەن تەرتٸپكە,
ورىندارى بەلگٸلەنگەن مەڭگٸلٸك.
جٷرەگٸمدٸ ساعىنىشىم ٷڭگٸگەن,
وتىرعاندا تىنىشتىقتا مٷلگٸگەن
شاقىرۋ اپ كٷزەتشٸدەن تٷنگٸ مەن,
ەستٸردەيمٸن بۇلبۇلداردان ٷندٸ مەن.
قامسىز شيلدا* ورمانىندا جىر جازىپ
باقىتتى اقىن جٷردٸ ٶمٸرٸن شىن سٷرگەن!
ٷن مەن ىرعاق ٶرٸلگەندە تىم نەزٸك
شەگٸرگٷلدەر اي استىندا كٷرسٸنگەن.
-------------------------------------------------------
شيلدا* – گەرمانيياداعى ورماندى قونىس.
***
ولاف سەرٸ
I
ۇلىق شٸركەۋ ەسٸگٸنٸڭ سىرتىندا
قىزىل شەكپەن كيٸنٸپ تۇر پەندە ەكٸ,
«مەن – ەمٸرشٸ!» دەيتٸندەي زور تٷر-تۇلعا,
ەكٸنشٸسٸ – سارايىنىڭ جەندەتٸ.
ەمٸرشٸنٸڭ ٷنٸ جٷرەك جارعانداي:
«شٸركەۋ ەنٸ اياقتالار شاعىندا,
نەكەقييار بٸتٸپ تە ەندٸ قالعانداي, –
ال ايبالتاڭ دايار بولسىن جانىڭدا».
سوقتى قوڭىراۋ. ەستٸلدٸ ورگان دٷڭكٸلٸ,
قالىڭ نٶپٸر شىقتى اعىلىپ شٸركەۋدەن.
الاشۇبار كٶپتٸڭ ارتىپ ىنتىعى
جاس جۇپتاردى تۇر بۇلت بولىپ بٷركەۋمەن.
ٶلٸك سىندى, سۇپ-سۇر جٷزٸ مۇزداقتاي,
جاس حانىمنىڭ قايعى باسقان كٶڭٸلٸن.
ولاف سەرٸ قارايدى وعان مٸز باقپاي,
ٶتكٸر كٷلكٸ كٶركەپ قىزعىلت ەرٸنٸن.
مىرس ەتتٸ دە ول نەن كورولگە قاس قىلا,
تٸل قاتتى وعان قىزعىلت ەرٸنٸن اشتى دا:
«قايىن اتام, ار ما?! بٷگٸن باس مىنا
قويىلادى ايبالتانىڭ استىنا.
ٶلەم بٷگٸن. ۇسىنعانمىن مويىندى,
ٶمٸر سىيلا تٷن اۋعانشا تەك ماعان.
ٶتكٸزەيٸن ٶزٸم بٷگٸن تويىمدى,
شۋلى دۋمان, بيدەن تۋلاپ سەتكە قان.
ٶمٸر سىيلا, ٶمٸر سىيلا, سوڭعى ٸرەت
بيگە باسىپ قالۋ ٷشٸن اق بوران!
سوڭعى شارا قالماسىنشى مٶلدٸرەپ,
تٷن اۋعانشا ٶمٸر سىيلا تەك ماعان».
جەندەتكە ايتقان تىڭدا كورول كٷبٸرٸن:
«كٷيەۋ بالام جانى قولدا بارىندا
تٷن اۋعانشا ۇزارتامىن عۇمىرىن –
ال ايبالتاڭ دايار بولسىن جانىڭدا».
II
نەكە-ٷستەلگە سەرٸنٸ الدى شاقىرىپ,
سوڭعى شارا بال شاراپقا مەلدەپ بٸر.
قۇلادى ەيەل يىعىنا اھ ۇرىپ,
ال ەسٸكتٸڭ الدىندا ەلگٸ جەندەت تۇر.
سانسىز شىراق الاۋلارى ەلبٸرەپ,
كەتتٸ قوناق سەن سارايدى كەرنەپ كٸل.
تٷن ورتاسى. بي بوپ جاتىر سوڭعى ٸرەت.
بوساعادا سول باياعى جەندەت تۇر.
سكريپكا پەرنەسٸندە ارماندى ٷن,
ال فلەيتا شىعارادى ٷن شەرلٸ, ٶتكٸر.
جانى سىزداپ بيگە نازار سالعاننىڭ…
بوساعادا سول باياعى جەندەت تۇر.
بي جالعاستى, زال قالتىرىپ, ٷن سۋىت,
تٸل قاتتى ەرٸ – ٷنٸن قايعى مەڭدەپ تۇر:
«سٷيەم سۇمدىق!..
قابٸر, بٸراق تىم سۋىق…»
بوساعادا سول باياعى جەندەت تۇر.
III
و سەرi ولاف, سوقتى سوڭعى ساعاتىڭ,
ٶمٸرٸڭنٸڭ پٸشٸپ قويعان ٶلشەمٸن.
كورول قىزى سٷيدٸ, جويىپ تاعاتىن
ەركٸن, قامسىز بٸلمەي جەنە مٶلشەرٸن.
قاراڭعىدا قالدى ايبالتا جارقىلداپ,
موناحتاردىڭ دۇعا-جىرى مەڭگٸرٸپ.
قىزىل شەكپەن كيگەن كٸسٸ ەن تىڭداپ,
ال قاسىندا جاتىر قارا جاڭعىرىق*.
--------------------------------------
جاڭعىرىق* – باس شاباتىن اعاش.
قارا ەسٸكتەن الىپ شىقتى سەرٸنٸ,
اۋلا تٷگەل جارقىلدايدى وتپەنەن.
كٷلٸمسٸرەپ ونىڭ قىزعىلت ەرٸنٸ,
سول ەرٸنٸ كەنەت عاجاپ تٶكتٸ ٶلەڭ:
«ماداق ساعان, ۋا, التىن كٷن, كٷمٸس اي,
ۋا, اق جۇلدىز, كٶكتٸ نۇرعا بٶلەگەن,
قۇسقا ماداق – جٷرەگٸنە ٷنٸ ساي
تالاي تٶككەن شاتتىق ەنٸن تٶبەدەن.
تەڭٸز بەن كٶك, داڭقىڭ ارتسىن مەڭگٸلٸك,
قىرداعى ٶسكەن گٷلگە ارنايمىن تەگٸن جىر,
داڭق – ساعان, شەگٸرگٷلدەر بال قىلىق –
ەيەلٸمنٸڭ كٶزدەرٸندەي كٶگٸلدٸر.
شەگٸرگٷل-كٶز – جاردىڭ كٶزٸ ول جارقىلدى,
ٶزٸڭ ٷشٸن ٶمٸرٸمدٸ قيدىم مەن.
بادام توعاي, اسىرامىن داڭقىڭدى,
سەنٸ ماعان العاش ٸرەت سٷيدٸرگەن!»
پسيحەياعا*
قولدارىندا تٸپ-تيتٸمدەي شىراعدان,
قانىندا ونىڭ ىستىق جالىن لاپىلداپ, –
يمەنسە دە پسيحەيا قۇماردان
جاس قۇدايعا بارىپ قالدى جاقىنداپ.
يٸلدٸ وعان, قانداي عاجاپ سيقى ھەم
ۇيقىداعى قۇدايلاردىڭ!
وللا, شىن!
بٸراق كەنەت وياندى دا ول ۇيقىدان,
كەتتٸ تاستاپ سالتاناتتى ورداسىن.
ەكٸ مىڭ جىل جالبارىنىپ ەلەك تىم,
تەنٸن ساتتى ول ازاپپەنەن ارانى اش –
جالعىز سەتكە كٶرۋ ٷشٸن ەروتتىڭ*
سول باياعى بالعىن قالپىن جالاڭاش.
-----------
پسيحەيا* – ك. گرەك ميفولوگيياسىنداعى كٶبەلەك-قىز.
ەروت* – ك. گرەكتٸڭ ماحاببات قۇدايى.
بەيتانىس
كەزدەسۋگە مەن كٷن سايىن ٷسٸگەم,
التىنبۇيرا شاشتى ارۋدى كٶرمەك بوپ,
تيۋيلريدٸڭ* ەسكٸ باعى ٸشٸنەن
تالشىنداردىڭ جۇپارىنا مەلدەكتەپ.
ول قىز ەركٸن سايراندايدى كٷنٸمەن,
قوس كەرٸ ەيەل ەرەدٸ ٸزدەن ٷندەمەي…
ەكٸ ەپكەسٸ? ەلدە بۇلار شىنىمەن
بەلدەمشەلٸ دراگۋن بوپ جٷرمەگەي.
ەشكٸم تولىق بەرە المادى مەلٸمەت,
ول ارۋ كٸم! ول جايىندا بٸلمەك بوپ
ەركٸمدەردەردەن سۇراستىردىم, مەنٸ جوق…
جابىستى ەندٸ ماحابباتتاي ٸندەت كەپ.
زەرەمدٸ الدى قوس سەرٸگٸ سۇستى بەت,
مۇرتتارىنىڭ كٶرگەن كەزدە ەر تالىن,
ال, ابزالى, ولاردان دا كٷشتٸرەك
مەن ٶزٸمنٸڭ جٷرەگٸمنەن قورقامىن.
تٸل قاتۋدان كٷدەر ٷزدٸم مٷلدە مەن,
ەر كٷن سايىن كەزدەسەدٸ ەركە ەلٸك.
ەلەك بولدىم ەرەڭ-ەرەڭ ىممەنەن
ۇقتىرماق بوپ, جٷرگەنٸمدٸ ٶرتەنٸپ.
بٷگٸن عانا مەلٸم بولدى ات-نەمٸ –
لاۋرا ەكەن بۇل ارۋدىڭ ەسٸمٸ.
سول باياعى پروۆانس* جاقتاعى
قىزبەن اتتاس – عاشىق بولعان حاس ۇلى.
سەن – لاۋرا! پەتراركادان داڭقى ۇلى
كەم ەمەن دەپ مەن ٶزٸمە يلانام –
كانتسونا مەن سونەتتەرٸ ارقىلى
سٷيگەن جانعا مەڭگٸ داڭق سىيلاعان.
و لاۋرا! پەتراركاداي پەكتٸكپەن
مىناۋ ەسٸم تٷسەر ماعان قىمباتقا –
تىنىستايمىن پلاتوندىق* شاتتىقپەن…
ەندٸ قايتىپ كەلمەسە دە ول بۇل باققا.
-------------
تيۋيلري* – پاريجدەگٸ كورولدەر سارايى.
پروۆانس* – ف. پەتراركانىڭ لاۋرامەن العاش كەزدەسكەن جەرٸ.
پلاتوندىق سٷيۋ* – ماحابباتتاعى اسا بيٸك قاتىناس.
***
مەتتا حانىم
دات باللاداسى
شاراپ ٸشتٸ پەتەر, بەندەر. قاراڭعى.
بەندەر ٷنٸ تىم ىزالى تەك قانا:
«سەن ەنٸڭمەن جاۋلايسىڭ بار عالامدى,
بٸراق ونىڭ جەتپەيدٸ ەلٸ مەتتاعا».
دەدٸ پەتەر: «جەڭسەڭ, – اتىم مٸنگٸزەم,
ال سەن اناۋ توپ تازىڭدى بەسكە تٸك.
مەن مەتتاڭدى ەنمەن ارباپ كٸرگٸزەم
ٶز ٷيٸمنٸڭ اۋلاسىنا كەشتەتٸپ».
تٷن اۋعاندا پەتەر ەندٸ قولعا الدى
جان سىرلاسى ليۋتنياسىن كٷي تٸلدٸ.
تەنتٸ قىلىپ ٶزەن, قىردى, ورماندى
اعىلدى-اي بٸر عاجاپ ٷندەر سىيقىرلى.
ەۋەندٸ ەستٸپ ٶزەن بٸردەن جىم بولدى,
تالىپ قالدى سىبىرلاسقان تال ىنجىق,
ايدىڭ جٷزٸ بوپ-بوز بولىپ ٷلگەردٸ,
ال جۇلدىزدار نازار سالدى ابىرجىپ.
دەل سول سەتتە كەتتٸ ويانىپ مەتتا دا:
«كٸمنٸڭ ەنٸ مەنٸ ۇيقىمنان وياتقان?»
كيٸنە ساپ سٸڭدٸ تٷنگە قاپ-قارا, –
بارماعانىڭ جٶن ەدٸ عوي, ەي, ەتتەڭ!
قىردان اسىپ, ٶزەن قالدى ۇلى اعىس,
ٶتتٸ جىنىس توعايدان دا مٷلگٸگەن.
پەتەر مىرزا اۋلاسىنا تىم الىس
ارباپ ەرتٸپ باردى سىيقىر ٷن كٸلەڭ.
تاڭدا ٷيٸنە قايتىپ كەلدٸ ول ورالىپ,
كٷيەۋٸ تۇر بوساعادان قارسى الىپ:
«كەتتٸڭ قايدا جەتٸ تٷندە جوعالىپ,
اياعىڭدى شىققا مالىپ سونشالىق?»
«سۋ پەرٸلەر كەتتٸ مەنٸ شاقىرىپ,
ولاردىڭ بٸر كەرەك بولدى كەڭەسٸ.
ال ولاردىڭ پاتشايىمى اتىلىپ
بيگە باستى, تاستاي سۋدا دەنەسٸ».
«بەكەر, جارىم, سۋ پەرٸگە بارعانىڭ,
ال ول جەردە قۇرعاق, قۇمداق جاعالاۋ.
نە جاسىرار بەتٸڭدەگٸ قان داعىن,
نەنٸڭ ٸزٸ اياقتاعى جارا اناۋ?»
«تىڭداۋ ٷشٸن تٷندە ورمانعا كەتتٸم مەن,
كٶك پەرٸسٸ قالاي ەنگە سالعانىن.
بۇتاقتاردان اياق پەنەن بەت تٸلگەن
بايقالماپتى جارالانىپ قالعانىم».
«كٶك پەرٸسٸ, بٸراق جايلى مامىردا
جىيىلىپ اپ سالادى ەنگە ٷزدٸگٸپ.
ورمان تۇتتاي كٷزدٸڭ مىناۋ شاعىندا
ىسقىرادى سۋىق ٷندٸ ىزعىرىق».
«كەتتٸم تٷندە پەتەر نيلسەن ٷيٸنە!
سۋدان ٶتتٸم, توعايلاردان جىقپىل جات,
ونىڭ ەنٸ ساي كەپ ٸشكٸ كٷيٸمە,
تىلسىم ەلەم الدى مەنٸ تۇتقىنداپ!
ونىڭ ەنٸ ٶلٸم قۇساپ تەتتٸ ەلتەد,
وندا سۇمدىق قارا كٷش بار سۇراپىل,
ەندٸ جالىن جٷرەگٸمدٸ كەتتٸ ٶرتەپ,
ماعان اجال كەلٸپ قالدى, مٸنە, اقىر».
شۋلاپ جاتىر قوڭىراۋلار قارالى,
ەنشٸلەر دە قارا كيٸپ جوقتادى,
جانارلارى جاس تٶگەدٸ نالالى,
بەرٸ ايايدى سول باقىتسىز مەتتانى.
بەندەر مىرزا تابىتقا كەپ قاياۋلى,
بٸردە كٷلٸپ, بٸردە ەڭكٸلدەپ جىلايدى, ال:
«مەن ايرىلدىم جۇبايىمنان اياۋلى,
كٶزدەن بۇلبۇل ۇشپاق جەنە قۇمايلار».
OLLEA*
ساياحاتتا
سەنٸ ەيەلٸڭ تاستاپ كەتسە – تارس ۇمىت,
تۇراقتى دەپ سەنگەنٸڭە كٷلٸپ تەك.
باسقانى سٷي, تاعدىرىڭا قارسى ۇرىپ
قورجىندى ٸلٸپ نە ساپارعا شىعىپ كەت!
شٶل كٶرەسٸڭ, كٶل كٶرەسٸڭ,
سايا بوپ
قارسى الادى مەجنٷنتالدى توعايلار,
جٷرەگٸڭدٸ ٶرتەسە ەپتەپ باياعى وت,
بارلىق ٸسٸڭ كٶز الدىڭدا وڭايلار.
كٷرسٸنەسٸڭ, تاۋعا جەتٸپ الاسىڭ,
شىڭعا شىعىپ, تۇراق قىلىپ تال تٷبٸن.
دٷر سٸلكٸنٸپ, كەڭٸستٸكتٸ شولاسىڭ
ەستٸگەندە قىرانداردىڭ شاڭقىلىن.
قىران سىندى قىلادى ازات بۇل ارا,
جاڭا ٶمٸردٸڭ اشاسىڭ سەن مازمۇنىن.
تٷسٸنەسٸڭ قۇز جارتاستا قۇلاما,
ٶتكەنٸڭدە جوعالتقانىڭ ازدىعىن.
-----------------------------------------------------------
*يسپاننىڭ ۇلتتىق تاماعى; بۇل جەردە: قوسپا.
كاميندەگٸ ەسكٸ جىر
سەرمەيدٸ بوران بيشٸگٸن,
ەينەكتٸ ساباپ قارى دا.
قۇپ-قۇرعاق مەنٸڭ ٷيشٸگٸم,
جىپ-جىلى, جايلى جانىما.
كامينگە بەرٸپ جٷزٸمدٸ,
ٶتكەندٸ نەبٸر ەسكە الدىم,
شەۋگٸمنٸڭ ٷنٸ ىزىڭدى
ەۋەنٸ سىندى ەسكٸ ەننٸڭ.
مىسىق تا جاتىر ەن تىڭداپ
ۇيقىلى-وياۋ پىرىلداپ.
كاميننٸڭ وتى جالپىلداپ…
ٶزگەردٸم, بويىم شىمىرلاپ.
ەلەستەپ كٶزگە مەڭگٸ كٶش –
ۇمىت بوپ كەتكەن عاسىرلار,
الاباجاقتى سەندٸ كەش,
دەۋرەنٸ كٶشكەن اسىلدار.
ەيەلدەر سەندٸ
شارشاڭقى
كەيٸپپەن تاڭبا ۇسىنىپ,
ماسقاراپازدىڭ بار سالتى –
ەن سالىپ, بيلەۋ ۇشىنىپ.
شۇعىلاسىن اي دا شاشتى تىم,
مەرمارداي تازا ٶڭمەنەن.
قالعيدى باقتا تاس مٷسٸن,
تەربەلٸپ گٷلدەر جەلمەنەن.
تۇماندا جٷزٸپ تاس قورعان,
الاۋلار جارىق تارقاتتى.
دابىلدىڭ ٷنٸ باسقارعان
بارادى شاۋىپ سالت اتتى.
كەرنەيلەر بۇردى كٶڭٸلدٸ,
قۇلاققا دٷبٸر, ۋ-شۋ كەپ…
قاپ!.. شەۋگٸم تاسىپ تٶگٸلدٸ,
باج ەتتٸ مىسىق سۋ-سۋ بوپ!..
بەكەرگە قاجۋ
مەن ٶزٸمدٸ جيٸ كٶرەم تٷسٸمدە,
جالىنداعان عاجاپ گٷلدەر ٸشٸندە.
تٸلەكپەنەن, مۇڭمەن ونىڭ جۇپارىن
زارىق تولى كٶكٸرەككە جۇتامىن.
ەتتەڭ, بiراق ٷمٸت اتتى جٸپتٸ ٷزدٸك,
ارامىزدى بٶلٸپ جاتىر تٷپسٸزدٸك.
اڭسارىمنىڭ قاتتى ەكپٸنٸ تىم, بٸراق,
شەرلٸ جٷرەك كٶكٸرەكتٸ ۇرعىلاپ.
قوناقتىقتا اربار جۇپار بوراعان!
تۇڭعۇيىقتان قالاي ٶتەم مەن وعان?
تيتتەي پەرٸ, جالىنامىن جاندەرمەن,
كٶپٸر سوعىپ بەرمەيمٸسٸڭ بالعاڭمەن?
پەرٸشتەلەر
مەن بولامىن, حانىم, فوما كٷمەنشىل,
جٷرەگٸمە سوقىر سەنٸم جۇقپاعان.
ريمٸڭ دە ەكٸجٷزدٸ ۇرانشىل,
يەرۋساليم دە قاجەت ەمەس تٷك ماعان!
بٸراق باسقا وت جىلىتادى جانىمدى,
سەنەم سوعان, تٸرٸ جٷرسەم ٶمٸردە:
نۇردان بولعان پەرٸشتەلەر كەدٸمگٸ,
سٷرەدٸ ٶمٸر تٷسٸمدە ەمەس, ٶڭٸمدە.
كٶردٸم ونىڭ جەرلٸك ەمەس اجارىن,
نە عاجاپپەن تەڭەيسٸڭٸز بەتتٸ انا!
اجارىنا بايلانىپ قاپ نازارىم,
قاناتتارىن بايقامادىم تەك قانا.
دەيٸم بٸزدٸڭ جانىمىزدا ول بولادى,
ۇمىتا المان اشىق جٷز بەن قولدى ٸزگٸ,
قورعاپ ىلعي مەيٸرٸمدٸ جانارى,
قاتەرلەردەن قۇتقارادى ول بٸزدٸ.
ەلدەن ەرەك تٶگٸلگەننٸڭ جاسى كٶپ
قاسىنا كەپ بٶلٸسەدٸ قايعىنى –
كٸم ەكٸ ەسە شەكسە ەگەر دە قاسٸرەت,
كٸم جىرىمەن بولسا كٶپكە ەيگٸلٸ.
تەرجٸمان – ايت-مان,
