قازاقستاندىق كەسٸپقوي بوكسشى گەنناديي گولوۆكين 5 مامىر كٷنٸ جەكپە-جەك ٶتكٸزەتٸن بولدى. بۇل تۋرالى vesti.kz جازدى.
وتانداسىمىز تەگٸ ارميان امەريكالىق بوكسشى ۆانەس مارتيروسيانمەن جۇدىرىقتاسادى. GGG جەكپە-جەك جايلى twitter جەلٸسٸندەگٸ پاراقشاسىندا حابارلادى.
قوس بوكسشى اراسىنداعى جەكپە-جەك 5 مامىر كٷنٸ كارسونداعى (كاليفورنييا شتاتى, اقش) StubHub Center ارەنادا ٶتەدٸ.
ۆانەس مارتيروسيان تەگٸ ارمەنييالىق بوكسشى. ول 4 جاسقا تولعاندا وتباسى اقش-قا قونىس اۋدارعان. ال بوكسپەن 7 جاسىنان باستاپ شۇعىلدانا باستاعان. ەكەسٸنٸڭ ٶزٸ ەۋەسقوي بوكسشى بولعان.
ەۋەسقوي بوكستا اۋىز تولتىرىپ ايتارلىقتاي جەتٸستٸككە جەتپەسە دە, بولاشاعى زور بوكسشى ەكەنٸن بايقاتقان. 2004 جىلى افينى وليمپياداسىنا 69 كگ سالماقتا قاتىسقان. بٸرٸنشٸ كەزدەسۋٸندە الجيرلٸك بەنامار مەسكيندٸ جەڭسە, ەكٸنشٸ اينالىمدا كۋبالىق لورەنسو اراگوننان ۇتىلعان. بارلىعى 130 كەزدەسۋ ٶتكٸزٸپ, 120-دا جەڭٸسكە جەتكەن.
2005 جىلى بوكسشى كەسٸپقوي بوكسقا اۋىسادى. ول كەزدە ۆانەس 20 جاستا-اق ەدٸ. ال العاشقى قۇرلىقتىق چەمپيوندىق جەكپە-جەگٸن 2009 جىلى ٶتكٸزگەن.
ۆانەس مارتيروسيان بارلىق جەكپە-جەكتەرٸن بٸرٸنشٸ ورتا سالماقتا ٶتكٸزگەن. 33 جەكپە-جەكتە قاتارىنان جەڭٸسكە جەتكەن. 2012 جىلى كۋبالىق ەريسلاندي لارامەن تەڭ تٷسەدٸ. اراعا بٸر جىل سالا امەريكالىق بوكسشى دەمەتريۋس اندرادەگە ۇپاي ايىرماسىمەن جول بەرٸپ, العاش رەت جەڭٸلەدٸ.
2015 جىلى وتانداسى دجەرمەلل چارلودان جەڭٸلگەن. 2016 جىلى كۋبالىق ەريسلاندي لاراعا قارسى كەزدەسۋ ٶتكٸزٸپ, ۇپاي ايىرماسىمەن ۇتىلعان. ودان بەرگٸ 2 جىل ٸشٸندە شارشى الاڭعا شىقپاعان.
ايتا كەتەيٸك, ورتا سالماقتا WBC, WBA (Super), IBF جەنە IBO تۇجىرىمدارى بويىنشا ەلەم چەمپيونى اتاعىنا يە وتانداسىمىز گەنناديي گولوۆكين 5 مامىر كٷنٸ مەكسيكالىق بوكسشى ساۋل الۆارەسپەن جۇدىرىقتاسۋى تيٸس ەدٸ. الايدا "كانەلودان" دوپينگ تابىلىپ, جەكپە-جەك ٶتپەيتٸن بولىپ شەشٸلگەن بولاتىن.
