اۆتور: Maitree Laipitaksin / depositphotos.com
قازاقستاندا گاز باللون جابدىعى بار كٶلٸك يەلەرٸ كەلەسٸ جىلدان باستاپ ارنايى بەلگٸ ورناتۋعا مٸندەتتٸ, دەپ حابارلايدى "ۇلت اقپارات" ساۋدا جەنە ينتەگراتسييا مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
"قازاقستاندا ازاماتتاردىڭ قاۋٸپسٸزدٸگٸن قامتاماسىز ەتەتٸن ستاندارتتاردى جاقسارتۋ بويىنشا بەلسەندٸ جۇمىس جالعاسىپ جاتىر.
مەسەلەن, ساۋدا جەنە ينتەگراتسييا مينيسترلٸگٸنٸڭ تەحنيكالىق رەتتەۋ جەنە مەترولوگييا كوميتەتٸ تٶراعاسىنىڭ 2023 جىلعى 24 قاراشاداعى بۇيرىعىنا سەيكەس, قازستاندارت ەزٸرلەگەن قر ست 1412-2017 «جول قوزعالىسىن رەتتەۋدٸڭ تەحنيكالىق قۇرالدارى. قولدانۋ قاعيدالارى» ۇلتتىق ستاندارتىنا تولىقتىرۋلار ەنگٸزٸلدٸ. ٶزگەرٸستەر 2024 جىلدىڭ 1 قاڭتارىنان باستاپ قولدانىسقا ەنگٸزٸلەدٸ" - دەلٸنگەن حابارلامادا.
بۇل ستاندارت مٸندەتتٸ نورما بولىپ تابىلادى, ٶيتكەنٸ ول ٸشكٸ ٸستەر مينيسترٸنٸڭ 2023 جىلعى 30 ماۋسىمداعى № 534 بۇيرىعىمەن بەكٸتٸلگەن جول قوزعالىسى قاعيدالارىندا سٸلتەمە تٷرٸندە كٶرسەتٸلگەن.
«گازعا قايتا جابدىقتاۋ ٷنەمٸ بارلىق قاۋٸپسٸزدٸك تالاپتارىن ساقتاي وتىرىپ جٷرگٸزٸلمەيدٸ. ٶكٸنٸشكە قاراي, كەيدە مۇنداي كٶلٸك قۇرالدارى بٸزدٸڭ ازاماتتار ٷشٸن قاۋٸپتٸ بولۋى مٷمكٸن. وسىعان بايلانىستى گازعا قايتا جابدىقتالعان كٶلٸك قۇرالدارىنىڭ جابىق تۇراقتارعا كٸرۋٸنە تىيىم سالىنادى. دەل وسىنداي اۆتوموبيلدەردٸ سەيكەستەندٸرۋ جەنە مۇنداي تىيىمداردى ەكٸمشٸلەندٸرۋ ٷشٸن ارنايى بەلگٸ ەنگٸزٸلدٸ», - دەپ اتاپ ٶتتٸ تەحنيكالىق رەتتەۋ جەنە مەترولوگييا كوميتەتٸنٸڭ تٶراعاسى قۋانىش ەلٸكباەۆ.
ٶزگەرٸس گاز باللوندى جابدىعى بار اۆتوموبيلدەرگە ارنايى بەلگٸنٸ مٸندەتتٸ تٷردە ورنالاستىرۋدى كٶزدەيدٸ. ول قارا تٷستٸ جيەگٸ جەنە «GAS» دەگەن جازۋى مەن لەپ بەلگٸسٸ بار سارى تٷستٸ تەڭبٷيٸرلٸ ٷشبۇرىش بولىپ كەلەدٸ. بۇل بەلگٸ جابىق پاركينگتەرگە كٸرگەن كەزدە كٶلٸك وڭاي تانىلاتىنداي ەتٸپ ورناتىلۋعا تيٸس.
"سونىمەن قاتار جاڭا نورمالار گازبەن جٷرەتٸن كٶلٸكتەردٸ جابىق تۇراق ايماقتارىندا تۇراققا قويۋدى تيٸمدٸ باقىلاۋعا جەنە تىيىم سالۋعا مٷمكٸندٸك بەرەدٸ, بۇل سايىپ كەلگەندە ازاماتتاردىڭ جالپى قاۋٸپسٸزدٸگٸنە ىقپال ەتەدٸ" - دەلٸنگەن ۆەدومستۆو حابارلاماسىندا.
