بەيسەنبٸ كٷنٸ گازا سەكتورىندا بوسقىندار لاگەرٸندەگٸ ناۋبايحانادان شىققان ٶرت سالدارىنان 10 ادام, ونىڭ ٸشٸندە 6 بالا مەرت بولدى, دەپ حابارلايدى Reuters اگەنتتٸگٸ.
پالەستينانىڭ دەنساۋلىق ساقتاۋ مينيسترلٸگٸنٸڭ مەلٸمەتٸنشە, ٶرتتٸڭ سالدارىنان 60 ادام زارداپ شەككەن, ولاردىڭ 14-ٸنٸڭ جاعدايى اۋىر.
كۋەگەرلەر ٶرت شىقپاس بۇرىن گازانىڭ ورتالىق بٶلٸگٸندەگٸ نۋسسەيرات لاگەرٸنٸڭ ناۋبايحاناسىنداعى جارىلىستى ەستٸگەن, سودان كەيٸن جاقىن ماڭداعى دٷكەندەر, فابريكالار مەن جول بويىنداعى تۇراقتا تۇرعان كٶلٸكتەرگە تەز تاراپ كەتكەنٸن ايتادى.
ٶرت ناۋبايحانالاردىڭ بٸرٸندە گازدىڭ شىعىپ كەتۋٸ سالدارىنان بولعان. نەتيجەسٸندە بٸرنەشە گاز باللوندارى جارىلعانى حابارلانعان.
بەيبٸت توپتىڭ تۇرعىندارى ٶرت سٶندٸرۋشٸلەرگە جالىندى سٶندٸرۋگە كٶمەكتەسكەن. بوسقىندار لاگەرٸنەن تاراعان تٷتٸندٸ بٸرنەشە ميل جەردەن كٶرۋگە بولادى.
ٶرت سٶندٸرۋشٸلەر مەن جەرگٸلٸكتٸ تۇرعىنداردىڭ كٶمەگٸمەن جالىن سٶندٸرٸلدٸ.
گازا بيلٸگٸ زارداپ شەككەندەر مەن قازا تاپقانداردىڭ وتباسىنا قارجىلاي كٶمەك كٶرسەتٸلەتٸنٸن مەلٸمدەدٸ.
140 شارشى ميلدٸ (365 شارشى مەتر) الىپ جاتقان گازادا ەكٸ ميلليونعا جۋىق ادام تۇرادى.
