جان كٷيزەلٸسٸنە تٷسٸپ, ەرقالاي سەبەپتەرمەن تورىققان جاستاردى تٷرلٸ دٸني اعىمدار ٶز قاتارىنا تارتاتىنى بەلگٸلٸ. ال بٸزدٸڭ زايىرلى قوعامدا ولاردى قولدايتىن, قىسىلعاندا كٶمەك بەرەتٸن قانداي قىزمەتتەر بار? وسى سۇراققا جاۋاپ الۋ ماقساتىمەن مەدەنيەت جەنە سپورت مينيسترلٸگٸ دٸن ٸستەرٸ كوميتەتٸنٸڭ تٶراعاسى عالىم شويكينمەن سۇحباتتاسقان ەدٸك.
– ازاماتتاردىڭ دٸن سالاسىنداعى مەسەلەلەرگە قاتىستى ساۋاتىن كٶتەرۋ ماقساتىندا 2015 جىلى جەنە 2016 جىلدىڭ ٶتكەن ايلارىندا قانداي جۇمىستار اتقارىلدى?
– دٸن ٸستەرٸ كوميتەتٸ تاراپىنان عىلىمي ساراپتامالىق, ەلەۋمەتتانۋلىق زەرتتەۋلەر جٷرگٸزۋگە, ازاماتتارعا دٸن مەسەلەلەرٸ بويىنشا كەڭەس بەرۋدٸ ۇيىمداستىرۋعا, تۇرعىندارعا دەستٷرلٸ يسلام دٸنٸ تۋرالى شىنايى اقپارات بەرۋگە, راديكالدىق سيپاتتاعى دٸني اعىمداردىڭ جەتەگٸندە كەتكەن جانداردى, ونىڭ ٸشٸندە ەكسترەميزم باپتارى ٷشٸن تٷزەۋ مەكەمەلەرٸندە جازالارىن ٶتەۋشٸلەردٸ دەستٷرلٸ ورتاعا قايتارۋ مەن وڭالتۋ جۇمىستارىن ۇيىمداستىرۋعا, ورتالىق جەنە ايماقتىق بۇقارالىق اقپارات قۇرالدارىنىڭ ٶكٸلدەرٸ مەن جۋرناليستەرٸ ٷشٸن دٸن سالاسىنداعى تاقىرىپتاردى قامتيتىن مەسەلەلەردٸ جارييالاۋ بويىنشا وقىتۋ سەمينارلارىن ۇيىمداستىرۋعا, كونفەرەنتسييالار ٶتكٸزۋگە, دٸن سالاسىنداعى ٶزەكتٸ مەسەلەلەر بويىنشا اقپاراتتىق جەنە ەدٸستەمەلٸك قۇرالدار ەزٸرلەۋگە جەنە وسى قاتارداعى باسقا دا شارالاردى ۇيىمداستىرۋعا جىل سايىن قاراجات بٶلٸنٸپ وتىرادى.
– دٸن سالاسىنداعى مەسەلەلەرمەن ايماقتاردا جۇمىس جٷرگٸزٸپ وتىرعان قىزمەتكەرلەردٸڭ ەلەۋەتٸ تالاپقا سەيكەس كەلە مە? ولاردى بٸلٸكتٸ ماماندارمەن, ماتەريالدىق-تەحنيكالىق قاجەتتٸلٸكتەرمەن قامتاماسىز ەتۋ دەڭگەيٸ قانداي?
– قازٸرگٸ كٷندە ەلٸمٸزدٸڭ 15 ٶڭٸرٸندە دٸن ٸستەرٸ باسقارمالارى ەكٸمدٸكتەر قۇرىلىمىندا دەربەس قۇرىلىم رەتٸندە جۇمىس اتقارادى, ال قىزىلوردا وبلىسىنىڭ دٸن ٸستەرٸ باسقارماسى 2014 جىلى تاراتىلىپ, وبلىس ەكٸمدٸگٸنٸڭ ٸشكٸ ساياسات باسقارماسىنا قوسىلعان. ٶڭٸرلەردەگٸ دٸن ٸستەرٸ باسقارمالارى جەرگٸلٸكتٸ دەڭگەيدە دٸن سالاسىنداعى مەملەكەتتٸك ساياساتتى جٷزەگە اسىرۋمەن اينالىساتىن قۇزىرلى ورگان بولىپ تابىلادى.
بارلىق ٶڭٸرلەردە دٸن ٸستەرٸ باسقارمالارىنىڭ جانىنان دٸن مەسەلەلەرٸن زەرتتەۋ ورتالىقتارى قۇرىلىپ, جۇمىس ٸستەپ كەلەدٸ. ٶڭٸرلەردە قىزمەت اتقارىپ وتىرعان دٸن ٸستەرٸ باسقارمالارى قىزمەتكەرلەرٸنٸڭ جەنە دٸن مەسەلەلەرٸن زەرتتەۋ ورتالىقتارى ماماندارىنىڭ ەلەۋەتٸ جوعارى جەنە ولار ماتەريالدىق-تەحنيكالىق تۇرعىدان جەتكٸلٸكتٸ قامتاماسىز ەتٸلگەن دەپ ايتا الامىز. ٶڭٸرلەردەگٸ دٸن سالاسىنداعى جۇمىستارعا ٷزدٸك تەولوگتار مەن دٸنتانۋشىلار تارتىلعان.
دٸن جەنە دٸنتانۋشىلىق بٸلٸم بەرۋ مەسەلەلەرٸمەن اينالىساتىن عالىم زەرتتەۋشٸلەر, دٸنتانۋشىلار, مەملەكەتتٸك ورگاندار مەن ازاماتتىق قوعام ينستيتۋتتارى اراسىندا ٷيلەسٸمدٸ ٷنقاتىسۋ, ٶزارا تٷسٸنۋشٸلٸك پەن ىنتىماقتاستىقتى دامىتۋعا ٷلەس قوساتىن قازاقستان دٸنتانۋشىلارىنىڭ فورۋمى جىل سايىن ٶتكٸزٸلٸپ كەلەدٸ. كوميتەت دٸني سالاداعى تٷرلٸ تەرٸس ەرەكەتتەرگە قارسى كٷرەسۋ ماقساتىندا دەستٷرلٸ دٸني بٸرلەستٸكتەرمەن, ازاماتتىق قوعام ينستيتۋتتارىمەن جەنە باق ٶكٸلدەرٸمەن ٶزارا ەرەكەتتەستٸكتە جۇمىستار جٷرگٸزۋدە.
– كەيبٸر تٸركەلمەگەن دٸني بٸرلەستٸكتەردٸڭ ەلٸمٸز اۋماعىندا ەركٸن ەرەكەت ەتۋٸنٸڭ قانداي سەبەپتەرٸ بار? ولاردى ەشكەرەلەپ, قۇقىق قورعاۋ ورگاندارىنىڭ كٶمەگٸمەن جازاعا تارتقان مىسالدار بار ما?
– ەلٸمٸزدە قازٸرگٸ كٷندە قىزمەت اتقارىپ وتىرعان 18 كونفەسسييانىڭ مٷددەلەرٸن بٸلدٸرەتٸن 3600-دەن استام دٸني بٸرلەستٸكتەردٸڭ بارلىعى ٶز قىزمەتتەرٸن زاڭدى نەگٸزدە جٷزەگە اسىرۋدا. قازٸرگٸ كٷندە ەلٸمٸز اۋماعىندا تٸركەلمەگەن دٸني بٸرلەستٸكتەردٸڭ ەركٸن ەرەكەت ەتٸپ وتىرعانى تۋرالى مەلٸمەتتەر جوق. ال دەستٷرلٸ ەمەس دٸني اعىمداردىڭ ەرەكەتٸ تۋرالى ايتار بولساق, ولار نەگٸزٸنەن يدەيالىق تۇرعىدان كٶرٸنٸس تاۋىپ وتىرعاندىعىن ايتا كەتۋ كەرەك. دەمەك, ولار ۇيىمدىق-قۇقىقتىق نىساندا جۇمىس ٸستەمەيدٸ دەگەن سٶز. بۇل, بٸرٸنشٸدەن, يسلامدىق باعىتتاعى دەستٷرلٸ ەمەس اعىمدارعا قاتىستى جالپى اتاۋمەن بەلگٸلٸ سالافيزم اعىمىنا قاتىستى.
دەسەك تە, جەكەلەگەن دٸني بٸرلەستٸكتەردٸڭ ۇستانۋشىلارىنىڭ ەلٸمٸزدٸڭ زاڭنامالارىن بۇزۋعا جول بەرٸپ, دٸني ەدەبيەتتەرٸن رۇقسات بەرٸلمەگەن ورىنداردا تاراتۋ, زاڭسىز ميسسيونەرلٸك قىزمەتپەن اينالىسۋ دەرەكتەرٸ ورىن الىپ جاتقاندىعىن دا ايتا كەتۋ كەرەك. ونداي دەرەكتەرگە تيٸستٸ مەملەكەتتٸك ورگاندار تاراپىنان جەدەل نازار اۋدارىلىپ, سەيكەسٸنشە شارالار قابىلدانىپ وتىرادى.
مەملەكەتتٸك ورگاندارمەن انىقتالعان قۇقىق بۇزۋشىلىقتار بويىنشا ەكٸمشٸلٸك ٸستەر قوزعالىپ, ايىپپۇلدار سالىنادى جەنە تٷسٸندٸرۋ جۇمىستارى ۇدايى جٷرگٸزٸلٸپ وتىرادى. ەلٸمٸز اۋماعىندا قىزمەتٸنە تىيىم سالىنعان جەكەلەگەن دٸني ۇيىمداردىڭ ۇستانۋشىلارى تاراپىنان زاڭسىز قىزمەت اتقارۋ دەرەكتەرٸ ورىن الىپ وتىرادى. ولاردىڭ قاتارىندا «تابليعي جاماعات» ۇيىمىنىڭ ۇستانۋشىلارى مەن سالافي يدەياسىن ۇستانۋشىلار جيٸ كەزدەسەدٸ. مىسالى, 2015 جىلى استانا قالاسىنىڭ سوتى تەرروريزمدٸ ناسيحاتتاۋ جەنە كٶمەك كٶرسەتۋ قىلمىستىق ەرەكەتتەرٸ ٷشٸن 2 ازاماتتى باس بوستاندىعىنان ايىردى. 2016 جىلعى اقپان ايىندا استانا قالاسى سارىارقا اۋدانى سوتىنىڭ شەشٸمٸمەن «تابليعي جاماعات» تىيىم سالىنعان ەكسترەميستٸك ۇيىمىنىڭ 5 مٷشەسٸ باس بوستاندىعىنان ايىرىلدى.
ەرينە, بۇل مەسەلەلەر قولدانىستاعى زاڭنامانى جەتٸلدٸرۋ باعىتىندا جۇمىستار جٷرگٸزٸپ وتىرۋدى قاجەت ەتەتٸنٸ انىق. وسى ماقساتتا دٸن ٸستەرٸ كوميتەتٸنٸڭ جانىندا مٷددەلٸ مەملەكەتتٸك ورگانداردىڭ, دٸني بٸرلەستٸكتەر مەن دٸن سالاسىنداعى ساراپشىلار قاۋىمداستىعى ٶكٸلدەرٸنٸڭ قاتىسۋىمەن اقىلداسۋ توبى قۇرىلىپ, جۇمىس ٸستەۋدە. مەسەلەن, اقتٶبەدە ورىن العان وقيعا دٸن سالاسىن رەتتەيتٸن قولدانىستاعى زاڭناماعا جەكە ٷيلەردە, پەتەرلەردە نەمەسە باسقا ورىنداردا دٸني سيپاتتاعى جينالىستار ٶتكٸزۋدٸ رەتتەۋ مەسەلەسٸن كٷن تەرتٸبٸنە قويىپ وتىر. قازٸرگٸ كٷندە بۇل مەسەلەنٸڭ زاڭنامالىق تۇرعىدان دۇرىس شەشٸمٸن تابۋى ٷشٸن كەڭەسۋ جۇمىستارى جٷرگٸزٸلۋدە.
– دٸن ٸستەرٸ كوميتەتٸ جاستار اراسىندا دٸننٸڭ تارالۋ ەلەۋەتٸنە مونيتورينگ جٷرگٸزٸپ وتىر ما?
– جىل سايىن دٸن سالاسىنداعى ٶزەكتٸ مەسەلەلەردٸ زەرتتەۋ ماقساتىندا تۇرعىنداردىڭ ەرتٷرلٸ توپتارىنىڭ اراسىندا ەلەۋمەتتانۋلىق زەرتتەۋلەر جٷرگٸزٸلٸپ وتىرادى. مەسەلەن, بٸزدٸڭ تاپسىرىسىمىز بويىنشا 2015 جىلى 14 – 25 جاس اراسىنداعى ازاماتتاردى قامتىپ, جٷرگٸزٸلگەن ەلەۋمەتتٸك زەرتتەۋلەردٸڭ قورىتىندىسىنا سەيكەس, ساۋالناماعا قاتىسقان رەسپوندەنتتەردٸڭ 86,8%-ى ٶزدەرٸن دٸنگە سەنۋشٸلەر رەتٸندە سانايتىندىقتارىن ايتقان. سونىمەن بٸرگە, ساۋالناماعا قاتىسقان جاستاردىڭ 15,6%-ى دٸني رەسٸمدەر مەن جٶن-جورالعىلاردى قاتاڭ ساقتايتىن دٸندارلار ەكەنٸن, ال رەسپوندەنتتەردٸڭ باسىم بٶلٸگٸ (71,2%) ٶزدەرٸنٸڭ دٸندارلىعى دٸني مەرەكەلەر مەن باسقا دا دٸني سالت-دەستٷرلەردٸ فورمالدى تٷردە ورىنداۋمەن شەكتەلەتٸندٸگٸن كٶرسەتكەن.
بۇل دەرەكتەر ەلٸمٸزدٸڭ جاستارىنىڭ باسىم بٶلٸگٸ دٸندٸ ۇلتتىق جەنە مەدەني-رۋحاني بٸرەگەيلٸك رەتٸندە تٷسٸنەتٸندٸگٸن كٶرسەتەدٸ. جالپى, جاستار اراسىندا دٸننٸڭ ىقپالىنىڭ جىل ساناپ ارتىپ وتىرعانى تۋرالى ايتقاندا, دٸني قۇندىلىقتار مەن ازاماتتىق قۇندىلىقتاردى الماستىرماۋىن باستى نازاردا ۇستاۋىمىز كەرەك. وسى ورايدا, دەستٷرلٸ دٸندەردٸڭ تۋعان جەر مەن وتانعا دەگەن پاتريوتيزمدٸ تەرٸستەمەيتٸنٸن ايتا كەتۋ قاجەت.
– جاستاردىڭ تەرٸس دٸني اعىمدارعا تەز تارتىلۋ سەبەبٸ نەدە دەپ ويلايسىز? وعان قارسى قانداي ەرەكەتتەر جاسالۋدا?
– قوعامنىڭ ەڭ كٶپ جەنە بەلسەندٸ توبى رەتٸندە جاستاردىڭ قانداي مەسەلەگە بولسا دا قىزىعۋشىلىقتارى جوعارى بولاتىنى سٶزسٸز. دٸن ٸستەرٸ كوميتەتٸ وسىنى ەسكەرە وتىرىپ باسقا دا مٷددەلٸ مەملەكەتتٸك ورگاندارمەن, دٸني بٸرلەستٸكتەرمەن, ٷكٸمەتتٸك ەمەس ۇيىمدارمەن بٸرلەسۋ ارقىلى جاستار اراسىندا دەستٷرلٸ ۇلتتىق جەنە تاريحي قۇندىلىقتاردى ناسيحاتتاۋ, زايىرلىلىق قاعيداتتارىن ٸلگەرٸلەتۋ, دٸني اعىمداردىڭ قاۋپٸن تٷسٸندٸرۋ جەنە ولاردىڭ بويىندا تەرٸس دٸني يدەولوگييالارعا قارسى يممۋنيتەت قالىپتاستىرۋ باعىتىندا كەشەندٸ تٷسٸندٸرۋ جۇمىستارىن جٷرگٸزۋدە.
جاستارمەن جٷرگٸزٸلەتٸن جۇمىستار مەكتەپ وقۋشىلارىمەن, ورتا جەنە جوعارى وقۋ ورىندارىنىڭ ستۋدەنتتەرٸمەن, ٷلكەندٸ-كٸشٸلٸ ەڭبەك ۇجىمدارىنداعى جۇمىسشىلارمەن, ٶزٸن-ٶزٸ جۇمىسپەن قامتۋشى جەنە جۇمىسسىز جٷرگەن جاستارمەن اقپاراتتىق-تٷسٸندٸرۋ باعىتىندا ٸسكە اسىرىلۋدا. ەسٸرەسە, جاستاردىڭ كٶپ شوعىرلاناتىن ورىندارىندا تٷسٸندٸرۋ جۇمىستارىن جٷرگٸزۋگە باسا كٶڭٸل اۋدارىلىپ, وسى ماقساتتا ستۋدەنتتٸك جاتاقحانالاردا جٷيەلٸ تٷسٸندٸرۋ جۇمىستارى جٷزەگە اسىرىلۋدا. ٶتكەن جىلى بارلىق ٶڭٸرلەردە جاستارمەن 9 مىڭنان استام تٸكەلەي ٸس-شارالار ٶتكٸزٸلٸپ, وعان 760 مىڭنان استام جاس قامتىلدى. اعىمداعى جىلدىڭ ٸ توقسانىندا تٷسٸندٸرۋ جۇمىستارىمەن 2 مىڭعا جۋىق ەرتٷرلٸ پٸشٸمدەگٸ تٸكەلەي ٸس-شارالار ٶتكٸزٸلدٸ.
– تەرٸس اعىمدارمەن كٷرەسۋگە قارسى جاسالعان ارنايى باعدارلاما نەمەسە جوسپار بار ما?
– تەرٸس اعىمداردىڭ الدىن الۋ ەلٸمٸزدٸڭ قولدانىستاعى زاڭنامالارى شەڭبەرٸندە ٸسكە اسىرىلادى. بۇل جەردەگٸ تٷيتكٸلدٸ مەسەلە – دەستٷرلٸ ەمەس اعىمداردىڭ يدەيالىق تۇرعىدان تارالۋى جەنە ولارعا قارسى زاڭدىق تەتٸكتەردٸ قولدانىپ كٷرەسۋدٸڭ بارلىق ۋاقىتتا مٷمكٸن ەمەستٸگٸ. سوندىقتان دٸن ٸستەرٸ كوميتەتٸ باسقا دا مٷددەلٸ مەملەكەتتٸك ورگاندارمەن, دٸني بٸرلەستٸكتەرمەن, ٷكٸمەتتٸك ەمەس ۇيىمدارمەن جەنە عىلىمي-ساراپشىلار قاۋىمداستىعىمەن بٸرلەسە وتىرىپ, تەرٸس دٸني اعىمداردىڭ الدىن الۋ جەنە ولاردىڭ يدەولوگييالارىنان كەلەتٸن قاۋٸپتٸ تۇرعىندارعا تٷسٸندٸرۋ باعىتىنداعى جۇمىستارعا باسىمدىق بەرٸپ وتىر.
قازٸرگٸ كەزدە تەرٸس دٸني اعىمداردىڭ يدەولوگييالىق شابۋىلى ينتەرنەت كەڭٸستٸكتە بەلسەندٸ جٷرگٸزٸلٸپ وتىرعانىن ەسكەرە كەلٸپ, تەرٸس سيپاتتاعى دٸني يدەولوگييالارعا ساپالى تويتارىس بەرۋ ماقساتىندا ساراپشىلار قاۋىمداستىعىن تارتىپ, ەلەۋمەتتٸك جەلٸلەردە تٷسٸندٸرۋ جۇمىستارى ۇيىمداستىرىلۋدا.
كوميتەتپەن ينتەرنەترەسۋرستاردىڭ مازمۇنىن تالداۋ جۇمىستارى ۇدايى جٷرگٸزٸلٸپ وتىرادى. ٶتكەن جىلى 6000-نان استام ينتەرنەترەسۋرستىڭ مازمۇنى تالدانىپ, ولاردىڭ ٸشٸنەن زاڭناماعا قايشى 414 ماتەريال انىقتالدى. 2016 جىلدىڭ ٸ توقسانى بويىنشا 1020 ينتەرنەترەسۋرستىڭ مازمۇنىنا تالداۋ جاسالىپ, وندا زاڭناماعا قايشى كەلەتٸن 302 ينتەرنەترەسۋرس انىقتالدى.
دٸن ٸستەرٸ كوميتەتٸ يدەولوگييالىق جۇمىستا يننوۆاتسييالىق ەدٸستەر دە پايدالانىلۋدا. 2013-2015 جىلدارى بٸرقاتار ٶڭٸرلەردٸڭ ەكٸمدٸكتەرٸمەن بٸرلەسٸپ انتيەكسترەميستٸك سيپاتتاعى «حاق جولى» (اتىراۋ), «جان شىرىلى» (كٶكشەتاۋ), «شىرماۋىق» (ٶسكەمەن), «ويران» (شىمكەنت), «جەننات» (ورال), «اداسقاندار» (قاراعاندى) درامالىق سپەكتاكلدەرٸ ەزٸرلەندٸ. اتالعان قويىلىمداردىڭ بەينە نۇسقالارى ەزٸرلەنٸپ, ولار دٸني ەكسترەميزم مەن تەرروريزمنٸڭ الدىن الۋعا باعىتتالعان ٸس-شارالاردا كەڭٸنەن قولدانۋدا.
– جاستار اراسىندا تٷرلٸ كٷيزەلٸستەر مەن ٶمٸردٸڭ اۋىر تالقىلارىنا ۇشىراعاندارعا كٶمەك قولىن ۇسىناتىن, دۇرىس دٸني باعدار بەرەتٸن ورتالىقتار بار ما?
– تۇرعىنداردىڭ كەڭ توبىنا, ونىڭ ٸشٸندە جاستارعا دٸن سالاسىنداعى مەسەلەلەردە دۇرىس باعىت-باعدار بەرۋدە ورتالىق دەڭگەيدە دٸن ٸستەرٸ كوميتەتٸنٸڭ مەملەكەتتٸك ەلەۋمەتتٸك تاپسىرىس شەڭبەرٸندە «قاۋىرت جەلٸ – 114» جوباسىن ٸسكە اسىرىپ وتىرعان «دٸندەردٸ زەرتتەۋ ورتالىقتارى قاۋىمداستىعى» زتب قوعامدىق قورىنىڭ جەنە «اقنيەت» رەسپۋبليكالىق وڭالتۋ ورتالىعىنىڭ ەلەۋەتٸ جۇمىلدىرىلعان. ٶڭٸرلٸك دەڭگەيدە بۇل باعىتتاعى جۇمىستاردى ەكٸمدٸكتەردٸڭ دٸن ٸستەرٸ باسقارمالارى مەن دٸن مەسەلەلەرٸن زەرتتەۋ ورتالىقتارى, كەڭەس بەرۋ-وڭالتۋ جۇمىستارىمەن اينالىساتىن ٷكٸمەتتٸك ەمەس ۇيىمدار ٸسكە اسىرادى. ەلٸمٸزدٸڭ بارلىق ٶڭٸرلەرٸندە دٸن ٸستەرٸ باسقارمالارىنىڭ جانىندا دٸن سالاسىنداعى مەسەلەلەر بويىنشا قوڭىراۋلار قابىلدايتىن «سەنٸم تەلەفوندارى» جۇمىس ٸستەيدٸ.
سونىمەن قاتار, ٶڭٸرلەردە تەرٸس دٸني اعىمداردان زارداپ شەككەندەرگە كٶمەك كٶرسەتۋمەن اينالىساتىن 28 ٷكٸمەتتٸك ەمەس ورتالىق بار. مەملەكەتتٸك ەلەۋمەتتٸك تاپسىرىسپەن جۇمىس ٸستەيتٸن بۇل ورتالىقتار راديكالدىق اعىمداردان جاپا شەككەندەرمەن قاتار, جالعان دٸني ۇيىمداردىڭ قۇرىعىنا تٷسكەن جاندارعا كٶمەك كٶرسەتۋمەن دە اينالىسادى.
دٸني باسقارمانىڭ رۋحاني-ينتەللەكتۋالدىق ورتالىعى رەتٸندە عۇلامالار كەڭەسٸنٸڭ جۇمىسى جانداندى. وسى كەزەڭدە «قارۋلى دجيحاد», «تاكفير» جەنە
«حيدجرا» راديكالدى يدەيالارىن ەشكەرەلەۋ بويىنشا پەتۋالار قابىلداندى. سونداي-اق, دٸني عۇرىپتار مەن رەسٸمدەردٸڭ بٸركەلكٸلٸگٸن قامتاماسىز ەتۋ بويىنشا جاڭارتىلعان ۋاعىزدار جيناعى ەزٸرلەندٸ.
ەزٸرلەگەن جاقسىباي سامرات, «ەگەمەن قازاقستان»
