كوروناۆيرۋستىڭ جاڭا نۇسقالارى ۆاكتسينالانۋ دەڭگەيٸ تٶمەن ەلدەردەن كەلەدٸ. بۇل تۋرالى قازاقستاننىڭ پروفيلاكتيكالىق مەديتسينا اكادەميياسىنىڭ پرەزيدەنتٸ الماز شارمان مەلٸم ەتتٸ, دەپ حابارلايدى قازاقپارات.
پروفەسسور الماز شارماننىڭ ايتۋىنشا, وميكرون نۇسقاسىنىڭ پايدا بولۋ سەبەپتەرٸنٸڭ بٸرٸ, ۆاكتسينالانباعان ادامداردىڭ اعزاسىندا ۆيرۋستىڭ ۇزاق رەپليكاتسيياسىنىڭ بولۋىنان تۋىندايدى.
«وميكرون نۇسقاسى يممۋندىق قورعانىستى جەڭە الادى. يممۋندىق جاۋاپتى كٷشەيتۋ ٷشٸن ٶتە ماڭىزدى تەتٸكتٸ – بۋستەرلٸك دوزامەن رەۆاكتسيناتسييانى بارىنشا قوسۋدىڭ ۋاقىتى كەلدٸ», - دەيدٸ الماز شارمان.
مەديتسينا پروفەسسورى رەۆاكتسيناتسييانى ۇسىنادى, ٶيتكەنٸ بۇل بەيتاراپتاندىراتىن انتيدەنەلەر دەڭگەيٸن ىنتالاندىراتىن ٷشٸنشٸ ۆاكتسينا, ول شىنىمەن كوروناۆيرۋستان قورعايدى. سونىمەن قاتار, ٷشٸنشٸ ۆاكتسينا اۋرۋدىڭ اۋىر تٷرلەرٸنەن قورعايدى. ول جوعالعان يممۋندىق قورعانىستى قالپىنا كەلتٸرەدٸ.
60 جاستان اسقان ادامدارعا, سونداي-اق ديابەتپەن, سەمٸزدٸكپەن, گيپەرتونييامەن, جٷرەك-تامىر, اۋتويممۋندىق جەنە باسقا اۋرۋلارمەن اۋىراتىن ادامدارعا قايتا ۆاكتسيناتسييالاۋ ٶتە ماڭىزدى. ادامداردىڭ بۇل ساناتتارى وميكرون پايدا بولۋ قارساڭىندا بٸرٸنشٸ كەزەكتە ۆاكتسينالاۋدى جەنە رەۆاكتسيناتسييانى قاجەت ەتەدٸ.
«ۆيرۋستىڭ بۇل نۇسقاسىنا نەمقۇراي قاراۋعا بولمايدى. بۇل ينفەكتسييالاردىڭ الدىن الۋ ٷشٸن بەرٸمٸزگە, سونىڭ ٸشٸندە بالالارعا دا شارالار قابىلداۋ كەرەك», - دەدٸ پروفەسسور.
عالىم وميكرون سوڭعى مۋتاتسييالانعان ۆيرۋستاردىڭ بٸرٸ تاعى بٸر تولقىن تۋدىرۋى مٷمكٸن ەكەنٸن ايتتى.
«بۇل پاندەمييانىڭ سوڭعى كەزەڭٸ بولادى دەپ ٷمٸتتەنەمٸن, بٸراق كوروناۆيرۋس ەش جەردە جويىلماسا دا, بۇل ەندەميكالىق ينفەكتسييا بولادى, ول مەزگٸل-مەزگٸل ٶزٸن ەسكە سالادى. 2022 جىلى بٸز بٸلەتٸن پاندەمييا اياقتالادى دەپ ٷمٸتتەنەمٸن», - دەپ قورىتىندىلادى سٶزٸن الماز شارمان.
