Koronavirýstyń jańa nusqalary vaktsinalaný deńgeii tómen elderden keledi. Bul týraly Qazaqstannyń profilaktikalyq meditsina akademiiasynyń prezidenti Almaz Sharman málim etti, dep habarlaidy QazAqparat.
Professor Almaz Sharmannyń aitýynsha, omikron nusqasynyń paida bolý sebepteriniń biri, vaktsinalanbaǵan adamdardyń aǵzasynda virýstyń uzaq replikatsiiasynyń bolýynan týyndaidy.
«Omikron nusqasy immýndyq qorǵanysty jeńe alady. Immýndyq jaýapty kúsheitý úshin óte mańyzdy tetikti – býsterlik dozamen revaktsinatsiiany barynsha qosýdyń ýaqyty keldi», - deidi Almaz Sharman.
Meditsina professory revaktsinatsiiany usynady, óitkeni bul beitaraptandyratyn antideneler deńgeiin yntalandyratyn úshinshi vaktsina, ol shynymen koronavirýstan qorǵaidy. Sonymen qatar, úshinshi vaktsina aýrýdyń aýyr túrlerinen qorǵaidy. Ol joǵalǵan immýndyq qorǵanysty qalpyna keltiredi.
60 jastan asqan adamdarǵa, sondai-aq diabetpen, semizdikpen, gipertoniiamen, júrek-tamyr, aýtoimmýndyq jáne basqa aýrýlarmen aýyratyn adamdarǵa qaita vaktsinatsiialaý óte mańyzdy. Adamdardyń bul sanattary omikron paida bolý qarsańynda birinshi kezekte vaktsinalaýdy jáne revaktsinatsiiany qajet etedi.
«Virýstyń bul nusqasyna nemqurai qaraýǵa bolmaidy. Bul infektsiialardyń aldyn alý úshin bárimizge, sonyń ishinde balalarǵa da sharalar qabyldaý kerek», - dedi professor.
Ǵalym omikron sońǵy mýtatsiialanǵan virýstardyń biri taǵy bir tolqyn týdyrýy múmkin ekenin aitty.
«Bul pandemiianyń sońǵy kezeńi bolady dep úmittenemin, biraq koronavirýs esh jerde joiylmasa da, bul endemikalyq infektsiia bolady, ol mezgil-mezgil ózin eske salady. 2022 jyly biz biletin pandemiia aiaqtalady dep úmittenemin», - dep qorytyndylady sózin Almaz Sharman.
