يممۋنيتەتتٸ كٷشەيتۋ ٷشٸن قۇس, جىلقى ەتٸنٸڭ سورپاسىن ٸشٸپ, جۇمىرتقا جەۋ كەرەك. مۇنداي كەڭەستٸ مەديتسينا عىلىمىنىڭ دوكتورى, پروفەسسور ەربولات دەلەنوۆ بەردٸ, دەپ حابارلايدى قازاقپارات.
«كوروناۆيرۋس ينفەكتسيياسى — بٸزدٸڭ ەلٸمٸزگە دە جەتكەن ٸندەت. ينفەكتسييا بارلىق جەردە جٷرٸپ جاتىر. سوندىقتان ودان ساق بولۋىمىز, ٶزٸمٸزدٸ ساقتاۋىمىز كەرەك. كەيبٸر ادام مۇنىڭ قاۋپٸن جەتە تٷسٸنبەي «مۇنداي اۋرۋ جوق, ساياسات» دەپ جٷر. بۇلاي ايتۋعا بولمايدى. ٶيتكەنٸ, قازٸردٸڭ ٶزٸندە دٷنيەجٷزٸندە 9 ملن ادام اۋىرىپ, ونىڭ 480 مىڭعا جۋىعى قايتىس بولدى. ەلوردامىزدا دا كٷشەيٸپ باردى. سوندىقتان حالقىما ايتارىم, ٶزدەرٸڭٸزدٸ, گيگيەنالىق رەجيمدٸ ساقتاڭىزدار. قولدى كٸر سابىنمەن جۋىپ, مۇرىن ٸشٸن دە وسى سابىنمەن تازالاڭىزدار. قول بەرٸپ امانداسپاڭىزدار. 1-1,5 مەتر ەلەۋمەتتٸك اراقاشىقتىق ساقتاڭىزدار. سوندا بۇل ۆيرۋس جۇقپايدى», - دەدٸ پروفەسسور.
سونىمەن قاتار, ول ەر ادام كوروناۆيرۋس ينفەكتسيياسىنان قورعانۋى ٷشٸن ٶزٸنٸڭ يممۋنيتەتٸن كٷشەيتۋٸ قاجەتتٸگٸن باسا ايتتى.
«يممۋنيتەتتٸ كٷشەيتۋ ٷشٸن دۇرىس تاماقتانۋ قاجەت. اقۋىزى كٶپ تاماق تۇتىنعان جٶن. قۇس, جىلقى ەتٸ سورپاسىن ٸشٸپ, جۇمىرتقا جەگەن جاقسى. ٶيتكەنٸ, ولار قان قۇرامىندا يممۋنوگلوبۋليندٸ كٶبەيتەدٸ. سوندىقتان كٷندەلٸكتٸ تۇتىناتىن تاعامنىڭ 30-40 پايىزى قۇس پەن مال ەتٸ, ال قالعان 60-70 پايىزى جەمٸس-جيدەك بولۋى تيٸس», - دەدٸ ەربولات دەلەنوۆ.
مەديتسينا عىلىمىنىڭ دوكتورى سەل تىماۋراتىپ قالعان كەزدە 1 ليتر قايناعان سۋعا 1 قاسىق اس سوداسىن سالىپ, ونىڭ بۋىمەن كٷنٸنە ٷش رەت تىنىس الۋ كەرەكتٸگٸن ايتادى. سونىمەن قاتار ماسكا ٸشٸنە سپيرت شاشىلعان كٸشكەنە دەكە سالىپ, ونى 3 ساعات سايىن اۋىستىرىپ وتىرۋعا كەڭەس بەرەدٸ.
