بٷگٸن, 28 سەۋٸردە فۋتزالدان UEFA چەمپيوندار ليگاسىنىڭ شيرەك فينالىندا الماتىنىڭ پورتۋگالييانىڭ «بەنفيكا» كومانداسىمەن كەزدەستٸ, دەپ حابارلايدى "ۇلت اقپارات".
اتالعان كەزدەسۋ تارتىستى ٶتتٸ. ەسەپتٸ العاش بولىپ قازاقستاندىق كلۋب ساپىنان 16-مينۋتتا گادەييا سوقتى. كٶپ ۇزاماي «بەنفيكا» قاتارىنان جەزۋش افونسۋ تارازى باسىن تەڭەستٸردٸ.
ەكٸنشٸ كەزەڭنٸڭ 30-مينۋتىندا «قايرات» قۇرامىنان ەدسون قايتادان كومانداسىن العا شىعاردى. ال 34-مينۋتىندا پورتۋگالدىق تياگۋ بريتۋ تاعى دا ەسەپتٸ تەڭەستٸرٸپ كەتتٸ.
نەگٸزگٸ كەزەڭ 2:2 ەسەبٸمەن اياقتالىپ, ويىن وۆەرتايمعا ۇلاستى.
وۆەرتايمنىڭ 44-مينۋتىندا قازاقستاندىق دەۋرەن تۇرساعۇلوۆ كومانداسىن العا شىعارسا, 46-مينۋتتا تاعى بٸر قايراتتىق گادەييا مەرگەندٸك تانىتتى. «قايرات» ساپىنان فەرناندينو 48-مينۋتتا ەسەپتٸ ۇلعايتسا, 49-مينۋتتا بٸرجان ورازوۆ قورىتىندى ەسەپتٸ بەلگٸلەدٸ. وسىلايشا «قايرات» قارسىلاسىن 6:2 ەسەبٸمەن جەڭٸسكە جەتٸپ, جارتىلاي فينالعا جولداما الدى.
ەندٸ ولارعا «بارسەلونا» (يسپانييا) - «دوبوۆەتس» (سلوۆەنييا) جۇبىنىڭ جەڭٸمپازى قارسىلاس اتانادى.
سونداي-اق, شيرەك فينالدا «بارسەلونا» (يسپانييا) - «دوبوۆەتس» (سلوۆەنييا) كوماندالارىنان ٶزگە «ينتەر» (يسپانييا) - «گازپروم-يۋگرا» (رەسەي), «سپورتينگ» (پورتۋگالييا) - كپرف (رەسەي) كوماندالارى كەزدەسەدٸ. تٶرت جۇپتاعى سەگٸز كوماندا 28 سەۋٸر جەنە 3 مامىر ارالىعىندا حورۆاتييانىڭ زادار قالاسىندا ٶتكٸزٸلەدٸ.
