بٷگٸن قازاقستاندىق «قايرات» فۋتزالدان UEFA چەمپيوندار ليگاسى ەليتالىق ساتىسىنداعى ەكٸنشٸ ويىنىن ٶتكٸزدٸ, دەپ حابارلايدى قازاقپارات.
قازاقستاندىق كوماندا ەكٸنشٸ ويىنىندا فرانتسييانىڭ «انەر-ۆيلنەۆ» كلۋبىمەن شەبەرلٸك بايقاستى.
كەزدەسۋدٸ فرانتسييالىق كوماندا بەلسەندٸ باستادى. نەتيجەسٸندە ولاردىڭ قاتارىنان رودريگو دا سيلۆا 13, بولينيا 14-مينۋتتاردا مەرگەندٸك تانىتتى. ال ودان كەيٸن الماتىلىق كلۋبتان ەدسون 15-مينۋتتا ەسەپ ايىرماسىن قىسقارتتى. وسىلايشا بٸرٸنشٸ كەزەڭدە «قايرات» 1:2 ەسەبٸمەن جول بەردٸ.
ەكٸنشٸ كەزەڭنٸڭ العاشقى مينۋتتارىندا قازاقستاندىق كلۋب العا ۇمتىلدى. ويىننىڭ 21-مينۋتىندا ديەگو فاۆەرو كٶزدەگەن نىسانادان مٷلت كەتپەي, تارازى باسىن تەڭەستٸردٸ. ول 29-مينۋتتا «قايراتتى» العا شىعاردى.
«قايرات» ەندٸ 5 جەلتوقساندا «تيۋمەن» كلۋبىمەن وينايدى.
