قازاقستاندىق «اقتٶبە» كومانداسى فۋتزالدان UEFA چەمپيوندار ليگاسى 1/4 فينالىنا شىعا العان جوق, دەپ حابارلايدى "ۇلت اقپارات".
بٷگٸن الماتى قالاسىنداعى «نۇر-امان» سپورت كەشەنٸندە ٶتكەن 1/4 فينالدىق ويىندا «اقتٶبە» سلوۆەنييانىڭ «دوبوۆەتس» كومانداسىنان 1:2 ەسەبٸمەن جەڭٸلٸپ قالدى.
ويىن بارىسىندا العاشقى گولدى «اقتٶبە» ساپىنان ۆيتاو وليۆەيرا سوققان بولاتىن. ودان كەيٸن قازاقستاندىق كلۋب قارسىلاسىنان ەكٸ گول جٸبەرٸپ الدى. «دوبوۆەتس» ساپىنان ۆەدران ماتوشەۆيچ پەن كلەمەن دۋشچاك 21 جەنە 24-مينۋتتاردا قوس گول سوعىپ, سلوۆەنييالىق كلۋب جارىستى جالعاستىرۋعا مٷمكٸندٸك الدى.
ەستەرٸڭٸزگە سالا كەتەلٸك, بۇدان بۇرىن اتالعان تۋرنيردٸڭ 1/16 فينالدىق ساتىسىندا «اقتٶبە» گرەكييانىڭ اەك كومانداسىن جەڭدٸ.
ايتا كەتەيٸك, ەندٸ «قايرات» چەمپيوندار ليگاسى 1/4 فينالىندا 21 اقپاندا ٶز الاڭىندا «يۋنايتەد گالاتس» كومانداسىن قابىلدايدى.
