بٷگٸن فۋتزالدان قازاقستان قۇراماسى 2020 جىلعى ەلەم چەمپيوناتىنىڭ ٸرٸكتەۋ ساتىسىنداعى ەكٸنشٸ كەزدەسۋٸن گوللانديياعا قارسى ٶتكٸزدٸ, دەپ حابارلايدى "ۇلت اقپارات".
قازاقستان قۇراماسى بٷگٸنگٸ ويىندى ٶتە سەنٸمدٸ باستادى. قارسىلاستار قاقپاسىنا بٸرٸنشٸ كەزەڭنٸڭ ٶزٸندە ەكٸ گول سوعىپ كەتتٸ. العاشقى گولدى 1-مينۋتتا دۋگلاس جۋنيور ٶزٸنٸڭ ەنشٸسٸنە جازسا, 15-مينۋتتا قازاقستاندىق قاقپاشى يگيتا مەرگەندٸك تانىتتى. ەسەپ 2:0.
قازاقستاندىق فۋتزالشىلار ەكٸنشٸ كەزەڭدە دە ٶزدەرٸنٸڭ مىقتى ەكەنٸن دەلەلدەي تٷستٸ. نەتيجەسٸندە قارسىلاستار قاقپاسىنا تاعى دا ٷش گول ەنگٸزدٸ. قازاقستاندىق قۇراما ساپىنان 21 جەنە 35 مينۋتتاردا دۋگلاس جۋنيور ەكٸ گولدىڭ اۆتورى اتانىپ, كەزدەسۋ بارىسىندا حەت-تريك جاسادى. وسىلايشا قازاقستاندىق فۋتزالشىلار قارسىلاسىنان 5:0 ەسەبٸمەن باسىم تٷستٸ.
بۇدان بۇرىن قازاقستان قۇراماسى البانييانى 4:0 ەسەبٸمەن تٸزە بٷكتٸرگەن ەدٸ. وسىلايشا قازاقستاندىق فۋتزالشىلار ەزٸرگە ەكٸ ويىندا ٶز قاقپاسىنا بٸردە-بٸر گول جٸبەرگەن جوق. كەشە گوللاندييا مەن رۋمىنييا قۇرامالارى 1:1 ەسەبٸمەن تەڭ وينادى.
ەزٸرگە قازاقستان ەكٸ ويىننان كەيٸن 6 ۇپاي جيناپ, تۋرنير كەستەسٸندە جەكە-دارا كٶش باستاپ تۇر. سونداي-اق, بٷگٸن اتالمىش توپتا رۋمىنييا مەن البانييا قۇرامالارى شەبەرلٸك بايقاسادى.
ەلەم چەمپيوناتى فينالدىق ساتىسى 2020 جىلدىڭ 12 قىركٷيەك - 4 قازان ارالىعىندا ليتۆانىڭ ۆيلنيۋس, كاۋناس جەنە كلايپەدا قالالارىندا ٶتكٸزٸلەدٸ. وندا جارىس قوجايىنى - ليتۆامەن بٸرگە ەۋروپادان سەگٸز قۇراما باق سىنايدى. سونداي-اق, ازييادان - 5, افريكادان - 3, سولتٷستٸك امەريكادان - 4, وڭتٷستٸك امەريكادان - 3, مۇحيت ايماعىنان - 1 قۇراما قاتىسۋعا مٷمكٸندٸك الادى.
