بٷگٸن قازاقستان قۇراماسى فۋتزالدان ەلەم چەمپيوناتىنىڭ شيرەك فينالىندا يرانمەن شەبەرلٸك بايقاسادى, دەپ حابارلايدى قازاقپارات.
يراندىق قۇراما 1/8 فينالدا ٶزبەكستان قۇراماسىن 9:8 ەسەبٸمەن تٸزە بٷكتٸردٸ.
ال قازاقستان جارىستىڭ اتالعان ساتىسىندا تايلاندتان 7:0 ەسەبٸمەن باسىم تٷستٸ.
كەزدەسۋ ەلوردا ۋاقىتىمەن 23:00-دە باستالىپ, «Qazsport» تەلەارناسىنان تٸكەلەي ەفيردە كٶرسەتٸلەدٸ.
بۇعان دەيٸن ەلەم چەمپيوناتىنىڭ شيرەك فينالىندا برازيلييا ماروككونى 1:0 ەسەبٸمەن جەڭسە, رەسەي ارگەنتيناعا قوسىمشا كەزەڭدە 1:2 ەسەبٸمەن جول بەردٸ.
وسلىايشا جارتىلاي فينالداعى العاشقى جۇپ انىقتالىپ, وندا ارگەنتينا مەن برازيلييا سىنعا تٷسپەك.
توپتىق كەزەڭدە قازاقستان قۇراماسى كوستا-ريكادان 6:1, ليتۆادان 3:0 ەسەبٸمەن باسىم بولدى. ال ۆەنەسۋەلامەن 1:1 ەسەبٸمەن تەڭ تٷستٸ.
قازاقستان قۇراماسى بۇدان بۇرىن ەلەم چەمپيوناتى فينالدىق ساتىسىندا ەكٸ مەرتە باق سىنادى. 2000 جىلى بٸرٸنشٸ كەزەڭنەن اسا الماسا, 2016 جىلى 1/8 فينالعا دەيٸن جەتتٸ.
ەلەم چەمپيوناتىنىڭ فينالى 3 قازانعا بەلگٸلەنگەن.
