بٷگٸن UEFA ۇلتتار ليگاسىنىڭ ەكٸنشٸ تۋرىندا قازاقستان ٶز الاڭىندا بەلارۋس قۇراماسىن قابىلدادى, دەپ حابارلايدى "ۇلت اقپارات".
اتالعان كەزدەسۋدە قوس قۇراما شامالاس ويىن كٶرسەتتٸ. بٸرٸنشٸ كەزەڭدە ەكٸ قۇراما بٸر-بٸرٸنٸڭ قاقپاسىنان ساڭىلاۋ تابا العان جوق. بٸرٸنشٸ كەزەڭ 0:0 ەسەبٸمەن تەڭ اياقتالدى.
ەكٸنشٸ كەزەڭدە بەلارۋستٸك فۋتبولشىلار العا لاپ قويدى. نەتيجەسٸندە ولاردىڭ قاتارىنان ماكسيم بورداچەۆ ەسەپ اشىپ كەتتٸ. بۇدان ەرٸ قازاقستاندىقتار تارازى باسىن تەڭەستٸرۋگە ۇمتىلدى. قازاقستاندىق شابۋىلشى ابات ايىمبەتوۆ 62-مينۋتتا گول سوقتى. بۇدان كەيٸن دە الاڭ يەلەرٸنٸڭ گول سوعاتىن بٸرنەشە مٷمكٸندٸگٸ بولعان ەدٸ. دەگەنمەن 86-مينۋتتا ۆيتاليي ليساكوۆيچ بەلارۋس قۇراماسىن تاعى العا شىعاردى. وسىلايشا قازاقستان فۋتبولشىلارى قارسىلاسىنان 1:2 ەسەبٸمەن جەڭٸلٸپ قالدى.
بۇدان بۇرىن ەكٸ قۇراما 2010 جىلى ەۋروپا چەمپيوناتىنا ٸرٸكتەۋ ساتىسىندا كەزدەستٸ. ەكٸ كەزدەسۋدە دە قازاقستاندىقتار ولارعا 1:5, 0:4 ەسەبٸمەن جەڭٸلٸپ قالدى.
بەلارۋس فۋتبول فەدەراتسيياسى 1989 جىلى قۇرىلعان. 1992 جىلى FIFA مٷشەلٸگٸنە قابىلدانسا, 1993 جىلدان باستاپ UEFA قۇرامىندا باق سىناپ كەلەدٸ. سودان بەرگٸ ۋاقىتتا اتالعان قۇراما جوعارى جەتٸستٸگٸمەن كٶزگە تٷسە قويعان جوق. ەۋروپا قۇرلىعىنداعى ورتانقول قۇراما قاتارىندا سانالادى.
قازاقستان قۇراماسى 4 قىركٷيەكتە سىرت الاڭدا ليتۆانى 2:0 ەسەبٸمەن جەڭٸپ قايتتى. وسىلايشا دوپ دوداسىن سەتتٸ باستادى. ال بەلارۋس ٶز الاڭىندا البانيياعا 0:2 ەسەبٸمەن ەسە جٸبەردٸ. تۋرنير كەستەسٸندە قازاقستاندىق فۋتبولشىلار البانييا قۇراماسى ەكەۋٸ العاشقى ەكٸ ورىندى ٶزارا بٶلٸسٸپ تۇر.
