بٷگٸن قوستاناي قالاسىندا فۋتبولدان سۋپەركۋبوك ويىنى ٶتكٸزٸلەدٸ. بۇل بەسەكەدە ەلوردالىق «استانا» جەنە قىزىلوردانىڭ «قايسار» كومانداسى كەزدەسەدٸ, دەپ حابارلايدى قازاقپارات تٸلشٸسٸ.
بٷگٸنگٸ كٷنگە دەيٸن فينالدا توعىز كوماندا باق سىناعان. ونىڭ ٸشٸندە «استانا» جەتٸ مەرتە فينالدا ويناپ, تٶرت مەرتە (2011, 2015, 2018, 2019) كۋبوكتى يەلەندٸ. ودان كەيٸنگٸ كەزەكتە الماتىنىڭ «قايراتى» 5 مەرتە فينالدا باق سىناپ, ٷشەۋٸندە (2016, 2017) جەڭٸمپاز اتاندى. ال «اقتٶبە» 2 (2008, 2010), «ەلٸماي» (1995), «ورداباسى» (2012), «شاحتەر» (2013) كوماندالارى بٸر-بٸردەن جەڭٸمپاز تۇعىرىنان كٶرٸندٸ. سونداي-اق, «اتىراۋ», «ۆوستوك» جەنە «توبىل» كوماندالارى سۋپەركۋبوكقا شىققانىمەن بٸردە-بٸر مەرتە وعان قول جەتكٸزە العان جوق.
ايتا كەتەرلٸگٸ, 2015 جىلدان بەرٸ سۋپەركۋبوكتا «استانا» مەن «قايرات» كوماندالارى ٶزارا تارتىسقا تٷسٸپ كەلەدٸ. ٷشەۋٸندە ەلوردالىق كلۋبتىڭ مەرەيٸ ٷستەم بولسا, ەكەۋٸندە الماتىلىق كوماندا باسىم تٷستٸ. ەندەشە, بيىل سوڭعى بەس جىلدا العاش رەت «قايسار» كومانداسى «قايراتتىڭ» ورنىن الماستىرىپ وتىر. بىلتىر «استانا» قاتارىنان التىنشى مەرتە قازاقستان چەمپيونى اتاعىن جەڭٸپ السا, «قايسار» ٶز تاريحىندا ەكٸنشٸ مەرتە قازاقستان كۋبوگىنا يە بولدى.
ەلوردالىق كلۋب بيىل كوماندا قۇرامىن بۇرىنعىدان دا كٷشەيتە تٷستٸ. جىلما-جىل ەۋروكۋبوك ويىندارىندا ەل نامىسىن ابىرويمەن قورعاپ جٷرگەن «استانا» ٶز قۇرامىنا تەجٸريبەلٸ ويىنشىلاردى شاقىردى. ولاردىڭ قاتارىندا كيپرلٸك پيەروس سوتيريۋ, ارمەنييالىق تيگران بارسەگيان, بەلارۋستٸك ماكس ەبونگ سىندى فۋتبولشىلار بار. قىزىلوردالىق كوماندا قۇرامىنا دا كٶپتەگەن ويىنشىلار كەلدٸ. بيىل رەسەيلٸك الەكسەي شۋمسكيح, حورۆاتييالىق يۆان پەشيچ, موزامبيكتٸك ارتۋرو رەجينالدو, گرۋزييالىق ەلگۋدجا رەجينالدو «قايساردىڭ» نامىسىن قورعايدى.
بٷگٸنگٸ كەزدەسۋدە قوستانايلىق اناتوليي ۆيشنيچەنكو باس تٶرەشٸ قىزمەتٸن اتقارادى. وعان قوس قاپتالدا اتىراۋلىق سەرگەي كالاچەۆ پەن پەتروپاۆلدٸك دەنيس ۆينوگرادوۆ كٶمەكشٸلٸك جاسايدى. ال الماتىلىق ايدىن راقىمباەۆ پەن پەتروپاۆلدىق الەكساندر گاۋزەر قاقپا ماڭىندا قىزمەتتەرٸن اتقارادى.
كەزدەسۋ ەلوردا ۋاقىتىمەن 17.00-دە باستالادى. ويىن «حابار» تەلەارناسىنان تٸكەلەي ەفيردە كٶرسەتٸلەدٸ.
