فوتو: oefb.at
فۋتبولدان قازاقستان قۇراماسى ۋەفا ۇلتتار ليگاسىنىڭ توپتىق كەزەڭٸ اياسىندا سىرت الاڭدا اۋسترييا قۇراماسىنا قارسى ويناپ, ٸرٸ ەسەپپەن جەڭٸلٸپ قالدى.
فۋتبولدان قازاقستان قۇراماسى UEFA ۇلتتار ليگاسىنىڭ ۆ ديۆيزيونىندا ٷشٸنشٸ ويىنىن سىرت الاڭدا اۋسترييامەن ٶتكٸزٸپ, ويسىراي ۇتىلدى. لينتس قالاسىنداعى "رايففايزەن ارەنا" ستاديونىندا ٶتكەن ماتچتا قازاقستان قۇراماسىنىڭ قاقپاسىنا جاۋاپسىز 4 گول سوعىلدى. بٸرٸنشٸ تايمدا كريستوف باۋمگارتنەر مەرگەندٸك تانىتسا, ەكٸنشٸ تايمدا تاعى ٷش گول كٸردٸ. رەسەيلٸك مامان ستانيسلاۆ چەرچەسوۆ ۇلتتىق قۇرامانىڭ تٸزگٸنٸن ۇستاعالى قازاقستان ەلٸ جەڭٸسكە جەتكەن جوق. بۇعان دەيٸن سلوۆەنييادان ويسىراي جەڭٸلگەن جەرلەستەرٸمٸز وسى جولى اۋستريياعا دا قايسارلىق كٶرسەتە المادى.
ايتا كەتەيٸك, ەندٸ بٸزدٸڭ ۇلتتىق قۇراما 13 قازاندا الماتىدا سلوۆەنييانى قابىلدايدى. قازاقستان قازٸر ٶز توبىندا جالعىز ۇپايمەن سوڭعى ورىندا.
