UEFA چەمپيوندار ليگاسى 1/4 فينالىنا شىققان تٶرت كوماندا انىقتالدى, دەپ حابارلايدى "ۇلت اقپارات".
10 ناۋرىزدا «ليۆەرپۋل» (انگلييا) مەن «لەيپتسيگ» (گەرمانييا) 1/8 فينالدىڭ قارىمتا ويىندارىن ٶتكٸزدٸ. ەكٸ كوماندا اراسىنداعى العاشقى كەزدەسۋدە نەمٸس كومانداسى قارسىلاسىنان ٶز الاڭىندا 0:2 ەسەبٸمەن جەڭٸلٸپ قالعان بولاتىن.
بۇل جولى دا دەل سونداي ەسەپ تٸركەلدٸ. «ليۆەرپۋل» ساپىنان موحامەد سالاز 70, ساديو مانە 74-مينۋتتاردا مەرگەندٸك تانىتتى. ەندٸ اعىلشىن كلۋبى جارىستى جالعاستىرادى.
يسپانييانىڭ «بارسەلوناسى» دا بيىل اتالعان دوپ دوداسىن ەرتە اياقتادى. ەلەمگە ەيگٸلٸ كوماندا فرانتسييانىڭ «پاري سەن-جەرمەن» كلۋبىنىڭ وسال تۇسىن تاپپادى. قارىمتا كەزدەسۋدە فرانتسۋز كلۋبىنان كيليان مباپپەنٸڭ 30-مينۋتتا پەنالتيدەن سوققان دوبىنا 37-مينۋتتا ليونەل مەسسي بٸر گولمەن جاۋاپ قايىردى. ويىندا 1:1 ەسەبٸمەن تٸركەلدٸ. العاشقى ويىندا ٶز الاڭىندا «بارسەلونا» قارسىلاسىنان 1:4 ەسەبٸمەن ويسىراي جەڭٸلگەن ەدٸ. نەتيجەسٸندە «پاري سەن-جەرمەن» شيرەك فينالعا جولداما الدى.
ايتا كەتەيٸك, 9 ناۋرىزدا پورتۋگالييانىڭ «پورتۋى» يتالييانىڭ «يۋۆەنتۋس» (2:1, 2:3) كلۋبىن, گەرمانييانىڭ «بورۋسسييا دورتمۋند» كومانداسى يسپانييانىڭ «سەۆيلياسىن» (2:2, 3:2) ورتا جولدا قالدىرىپ كەتتٸ.
ايتا كەتەرلٸگٸ, دٷنيە جٷزٸنە بەلگٸلٸ جۇلدىزدار ليونەل مەسسي («بارسەلونا») مەن كريشتيانۋ رونالدۋ («يۋۆەنتۋس») ەكەۋٸ بٸردەي سوڭعى 16 جىلدا العاش رەت شيرەك فينالدان تىس قالدى.
ەندٸ قالعان تٶرت ويىن 16, 17 ناۋرىز كٷندەرٸ ٶتكٸزٸلەدٸ. الدىمەن 16 ناۋرىزدا «مانچەستەر سيتي» (انگلييا) - «بورۋسسييا مەنحەنگلادباح» (گەرمانييا), «رەال مادريد» (يسپانييا) - «اتالانتا» (يتالييا) كوماندالارى كەزدەسسە, 17 ناۋرىزدا «چەلسي» (انگلييا) - «اتلەتيكو مادريد» (يسپانييا), «باۆارييا» (گەرمانييا) - «لاتسيو» (يتالييا) كوماندالارى شەبەرلٸك بايقاسادى.
