UEFA چەمپيوندار ليگاسى 1/4 فينالىندا بٷگٸن, 7 سەۋٸردە تاعى ەكٸ ويىن ٶتكٸزٸلەدٸ, دەپ حابارلايدى "ۇلت اقپارات".
العاشقى جۇپتا «پورتۋ» (پورتۋگالييا) مەن «چەلسي» (انگلييا) كوماندالارى كەزدەسەدٸ.
ويىن ەلوردا ۋاقىتىمەن 00.50-دە باستالىپ, «Qazaqstan» تەلەارناسىنان تٸكەلەي ەفيردە كٶرسەتٸلەدٸ.
كوماندالار بۇعان دەيٸن التى مەرتە جولىقتى. ونىڭ بٸرەۋٸندە «پورتۋ» جەڭٸسكە جەتٸپ, بٸرەۋٸندە تەڭ نەتيجە تٸركەلسە, قالعانىندا «چەلسي» مىقتىلىعىن تانىتتى.
بٷگٸنگٸ ويىندا ەكٸ كوماندا قۇرامىندا دا جاراقاتتانعان ويىنشىلار بار. مەسەلەن, پورتۋگال كلۋبى ساپىندا فەرناندو اندرادە وسىنداي سەبەپپەن كەزدەسۋدەن تىس قالسا, اعىلشىن باپكەرلەرٸ تەممي ابراحام مەن ن'گولو كانتە سىندى فۋتبولشىلارعا ٷمٸت ارتا المايدى.
ويىندا سلوۆەنييالىق سلاۆكو ۆينچيچ باس تٶرەشٸ قىزمەتٸن اتقارادى. وعان سول ەلدەن كەلگەن توماج كلانچنيك پەن اندراج كوۆاچيچ كٶمەكشٸلٸك جاسايدى. قوسالقى تٶرەشٸ دە - سلوۆەنييالىق ماتەي يۋگ.
تاعى بٸر ويىندا «باۆارييا» (گەرمانييا) مەن «پاري سەن-جەرمەن» (فرانتسييا) كوماندالارى شەبەرلٸك بايقاسادى.
ويىن ەلوردا ۋاقىتىمەن 00.50-دە باستالىپ, «Qazsport» تەلەارناسىنان تٸكەلەي ەفيردە كٶرسەتٸلەدٸ.
ەكٸ كوماندا بۇعان دەيٸن اتالعان تۋرنيردە تٶرت مەرتە جولىقتى. ونىڭ ٷشەۋٸندە «باۆارييا» باسىم تٷسسە, بىلتىر فينالدا «پاري سەن-جەرمەن» اتالعان قارسىلاسىن 1:0 ەسەبٸمەن جەڭٸپ كەتتٸ.
ەكٸ كوماندا قۇرامىندا جاراقات سالدارىنان ويىن تىس قالاتىن ويىنشىلار بار. ولاردىڭ قاتارىندا «باۆارييا» قاتارىندا لەون گورەتسكا, روبەرت لەۆاندوۆسكي, كورەنتين توليسسو مەن دۋگلاس كوستانىڭ ەسٸمٸ اتالىپ وتىر. ال «پاري سەن-جەرمەن» قۇرامىندا مۇنداي تٸزٸمگە حۋان بەرنات, ماركو ۆەرراتتي, لەيۆين كۋرزاۆا, ماۋرو يكاردي, الەسساندرو فلورەنتسي, الەكساندر لەتەلە مەن پەرەيرا دانيلۋ ەنگٸزٸلگەن.
ويىندا يسپانييالىق ماتەۋ لاوس باس تٶرەشٸ مٸندەتٸن اتقارادى. وعان سول ەلدەن كەلگەن پاۋ سەبريان دەۆيس مەن روبەرتو دياس پەرەس دەل پالومار كٶمەكشٸلٸك جاسايدى. قوسالقى تٶرەشٸ دە - يسپانييالىق حاۆەر ەسترادا فەرناندەس.
