قازاقستان فۋتبول فەدەراتسيياسى مەن قازاقستاننىڭ كەسٸپقوي فۋتبول ليگاسىنىڭ جەتەكشٸلەرٸ ورتاق جيىن ٶتكٸزدٸ, دەپ حابارلايدى Olympic.kz.
فۋتبول ٷيٸندە ٶتكەن كەزدەسۋدە قازاقستان فۋتبول فەدەراتسيياسىنىڭ باس حاتشىسى ازامات ايتقوجين, قازاقستان كەسٸپقوي فۋتبول ليگاسىنىڭ جەتەكشٸcٸ ولجاس ابراەۆ, سونىمەن قاتار دەپارتامەنت ديرەكتورلارى قاتىستى.
«ەلەم قاۋىمداستىعى قيىن كەزەڭدٸ باستان كەشٸرٸپ جاتىر. COVID-19 ٸندەتٸ كٶپتەگەن بٸرلەستٸكتەر مەن ۇيىمداردىڭ تولىققاندى قىزمەتٸنە كەدەرگٸ كەلتٸرۋدە. ونىڭ اراسىندا ەرتٷرلٸ سپورتتىڭ ۇلتتىق فەدەراتسييالارى بار. بارلىعىندا دەرلٸك جارىستار توقتاتىلعان. پاندەمييا باستالعاننان قازاقستان فۋتبول فەدەراتسيياسىنىڭ جەتەكشٸلەرٸ فيفا, ۋەفا جەنە قكفل جەتەكشٸلەرٸمەن جيٸ كەڭەسەدٸ. سونىمەن قاتار, بٸزدٸڭ حالىقارالىق ەرٸپتەستەرمەن بٸرنەشە بەينەكونفەرەنتسييالار ۇيىمداستىرىلدى. وسى كەلٸسسٶزدەردٸڭ نەتيجەلەرٸ قازاقستان فۋتبول فەدەراتسيياسى مەن قازاقستان كەسٸپقوي فۋتبول ليگاسىنىڭ رەسمي سايتتارىندا جەنە ەلەۋمەتتٸك جەلٸلەرٸندە جارييالاندى. وسى ۋاقىتقا دەيٸن اتقارىلعان جۇمىستارعا تاعى بٸر مەرتە كٶڭٸل اۋداراتىن سەت تۋدى. قازاقستاندىق جانكٷيەرلەر مەن جارىسقا قاتىسۋشىلاردى بٸزدٸڭ قۇراما مەن كلۋبتىق كوماندالاردىڭ ويىندارىنىڭ قالاي جالعاساتىنى قىزىقتىرادى. سول سەبەپتٸ قازٸرگٸ جاعدايدى ەسكە سالۋدى جٶن دەپ سانايمىن», - دەدٸ قازاقستان فۋتبول فەدەراتسيياسىنىڭ باس حاتشىسى ازامات ايتقوجين.
ونىڭ ايتۋىنشا, فۋتبولدان قازاقستاننىڭ بارلىق قۇراماسىنىڭ, فۋتزال جەنە جاعاجاي فۋتبولىنىڭ ويىندارى پاندەمييانىڭ ەتەك جايۋىنا بايلانىستى كەيٸنگە قالدىرىلعان. ەرٸ قاراي ۋەفا, فيفا جەنە BSWW تاراپىنان حابارلاندىرۋ كەلەدٸ. قازاقستاندىق كەسٸپقويلار مەن ەۋەسقويلاردىڭ چەمپيوناتتارىنىڭ ويىندارى, كۋبوك تۋرنيرلەرٸ, فۋتزال مەن جاعاجاي فۋتبولىنان ەل چەمپيوناتىنىڭ كەزدەسۋلەرٸ پاندەمييامەن قاتار, ەلٸمٸزدە قابىلدانعان تٶتەنشە جاعدايعا بايلانىستى كەيٸنگە شەگەرٸلگەن.
سونداي-اق قفف مەن قكفل OLIMPBET قازاقستان چەمپيوناتىن جالعاستىرۋدىڭ ەكٸ نۇسقاسىن قاراستىرۋدا. ەڭ نەگٸزگٸسٸ ەكٸ اينالىمنان تۇراتىن جارىس. تاعى بٸر نۇسقا – بيىلعى ماۋسىمدا «كٷز-كٶكتەم» جٷيەسٸنە اۋىستىرۋ تۋرالى ۇسىنىس.
