تٷركييا فۋتبول فەدەراتسيياسىنىڭ سىرتقى بايلانىس كوميتەتٸنٸڭ مٷشەسٸ گيۋركان تەومان تٷركٸ ەلدەرٸ اراسىندا تۋرنير ۇيىمداستىرۋ تۋرالى ۇسىنىس جاسادى. بۇل تۋرالى "ۇلت اقپارات" Sports.kz سايتىنا سٸلتەمە جاساپ حابارلايدى.
Azerisport.com-نىڭ Sisligazetesi-گە سٸلتەمە جاساپ حابارلاۋىنشا, ول تۇران كۋبوگىن قۇرۋدى ۇسىنىپ وتىر. بۇل تۋرنيردٸ ۇيىمداستىرۋداعى بٸرٸنشٸ قادام جۇمىس توبىن قۇرۋدان باستالدى.
ونىڭ پٸكٸرٸنشە, وسىنداي تۋرنير حالىقارالىق ويىندار تەجٸريبەسٸن ارتتىرىپ, قارجى جاعىنان دا تيٸمبٸ بولادى.
«بۇل قاتىسۋشىلاردىڭ ۇلتتىق چەمپيوناتتارداعى ويىندارىنا ەسەر ەتپەيدٸ, بٸراق تۋرنير تەلەكٶرسەتٸلٸمدەرٸ مەن دەمەۋشٸلەردەن كەلەتٸن كٸرٸستٸ كٶبەيتەدٸ, كلۋبتار اراسىنداعى ٶزارا قاتىناستى جاقسارتادى», - دەپ مەلٸم ەتتٸ تەومان.
ەگەر جوسپار ٸسكە اسىرىلسا, تۋرنيرگە تٷركييا, ەزەربايجان, قازاقستان, قىرعىزستان, ٶزبەكستان, تٷرٸكمەنستان جەنە كيپر, سونداي-اق باسقا تٷركٸ ەلدەرٸنٸڭ كلۋبتارى قاتىسادى.
