Túrkiia fýtbol federatsiiasynyń Syrtqy bailanys komitetiniń múshesi Giýrkan Teoman túrki elderi arasynda týrnir uiymdastyrý týraly usynys jasady. Bul týraly "Ult aqparat" Sports.kz saityna silteme jasap habarlaidy.
Azerisport.com-nyń Sisligazetesi-ge silteme jasap habarlaýynsha, ol Turan kýbogyn qurýdy usynyp otyr. Bul týrnirdi uiymdastyrýdaǵy birinshi qadam jumys tobyn qurýdan bastaldy.
Onyń pikirinshe, osyndai týrnir halyqaralyq oiyndar tájiribesin arttyryp, qarjy jaǵynan da tiimbi bolady.
«Bul qatysýshylardyń ulttyq chempionattardaǵy oiyndaryna áser etpeidi, biraq týrnir telekórsetilimderi men demeýshilerden keletin kiristi kóbeitedi, klýbtar arasyndaǵy ózara qatynasty jaqsartady», - dep málim etti Teoman.
Eger jospar iske asyrylsa, týrnirge Túrkiia, Ázerbaijan, Qazaqstan, Qyrǵyzstan, Ózbekstan, Túrikmenstan jáne Kipr, sondai-aq basqa túrki elderiniń klýbtary qatysady.
