الماتىلىق «قايراتتىڭ» الداعى وقۋ-جاتتىعۋ جيىنى كەزٸندەگٸ قارسىلاستارى بەلگٸلٸ بولدى, دەپ حابارلايدى "ۇلت اقپارات".
«قايرات» فۋتبول كلۋبىنىڭ باسپاسٶز قىزمەتٸ مەلٸم ەتكەنٸندەي, الماتىلىقتار جاڭا ماۋسىمعا دايىندىق بارىسىندا بارلىعى ٷش وقۋ-جاتتىعۋ جيىنىن ٶتكٸزبەكشٸ.
بٸرٸنشٸ جيىن 3-17 قاڭتار ارالىعىندا كلۋبتىڭ بازاسىندا بولماقشى. وندا جاتتىعۋ مەن باقىلاۋ ويىندارىن ٶتكٸزۋ ٷشٸن بارلىق جاعداي جاسالعان.
ەكٸنشٸ جيىن تٷركييانىڭ بەلەك قالاسىندا 18-30 قاڭتار ارالىعىندا ٶتەدٸ. وسى كەزەڭدە «قايرات» تٶرت بٸردەي جولداستىق كەزدەسۋ ٶتكٸزەدٸ. الماتىلىقتار پولشانىڭ چەمپيوناتىندا الدا كەلە جاتقان «لەگييامەن» ەكٸ مەرتە جاسىل الاڭعا شىعادى. الەكسەي شپيلەۆسكييدٸڭ شەكٸرتتەرٸ سونداي-اق كيەۆتٸڭ «ديناموسىمەن» جەنە بولگارييانىڭ «لۋدوگورەتس» كوماندالارىمەن كەزدەسەدٸ.
بەلەكتە ٶتەتٸن ٷشٸنشٸ جيىندا «قايرات» سلوۆەنييالىق «كوپەر», مەسكەۋلٸك «دينامو», ۋكراينالىق «دنەپر-1» جەنە رەسەي پرەمەر-ليگاسىنىڭ كٶشباسشىسى «زەنيت» (سانكت-پەتەربور) كلۋبتارىمەن شەبەرلٸك بايقاسادى. بەسٸنشٸ قارسىلاس كەيٸن انىقتالادى.
ايتا كەتەيٸك, بۇدان بۇرىن كلۋب باسشىلىعى كوماندادان قازاقستان ۇلتتىق قۇراماسىنىڭ ويىنشىلارى باۋىرجان يسلامحان مەن يسلامبەك قۋاتتىڭ كەتەتٸنٸ جٶنٸندە مەلٸمدەگەن بولاتىن. سونداي-اق ونىڭ الدىندا گەورگيي جۋكوۆ, مارتون ەپپەل, سەرگەي پوليتەۆيچ, ماگومەد پاراگۋلگوۆ جەنە ەلدوس احمەتوۆ سىندى بەلگٸلٸ فۋتبولشىلار «قايراتپەن» قوش ايتىسقان ەدٸ. بۇلاردىڭ ورنىن كٸمدەر باساتىنى ەزٸرگە بەلگٸسٸز.
