فۋتبولدان 2020/21 جىلعى كەزەڭدەگٸ ۇلتتار ليگاسى ويىندارى قاي ۋاقىتتا باستالاتىنى بەلگٸلٸ بولدى, دەپ حابارلايدى "ۇلت اقپارات" UEFA سايتىنا سٸلتەمە جاساپ.
اتالعان دودا قىركٷيەك-قاراشا ايلارى ارالىعىندا ٶتكٸزٸلەدٸ. بٸرٸنشٸ تۋر 3-5 قىركٷيەكتە بولسا, ەكٸنشٸ تۋر 6-8 قىركٷيەكتە وينالادى. قۇرامالار 10-12 قازاندا ٷشٸنشٸ, 13-14 قازاندا تٶرتٸنشٸ تۋردا شەبەرلٸك بايقاسادى. ال بەسٸنشٸ تۋر 14-15, التىنشى تۋر 17-18 قاراشادا بولادى.
ەستەرٸڭٸزگە سالا كەتەلٸك, قازاقستان قۇراماسى اتالعان تۋرنيردە س ليگاسىنىڭ تٶرتٸنشٸ توبىندا سىنعا تٷسەدٸ. قارسىلاستارى - البانييا, بەلارۋس جەنە ليتۆا قۇرامالارى.
قازاقستاندىق فۋتبولشىلار 2018/19 ۇلتتار ليگاسىندا د ليگاسىنىڭ بٸرٸنشٸ توبىندا گرۋزييا, لاتۆييا جەنە اندوررا قۇرامالارىمەن شەبەرلٸك بايقاستى. ٶز توبىندا گرۋزييانى العا شىعارىپ, ەكٸنشٸ ورىندى مٸسە تۇتتى.
