Fýtboldan 2020/21 jylǵy kezeńdegi Ulttar ligasy oiyndary qai ýaqytta bastalatyny belgili boldy, dep habarlaidy "Ult aqparat" UEFA saityna silteme jasap.
Atalǵan doda qyrkúiek-qarasha ailary aralyǵynda ótkiziledi. Birinshi týr 3-5 qyrkúiekte bolsa, ekinshi týr 6-8 qyrkúiekte oinalady. Quramalar 10-12 qazanda úshinshi, 13-14 qazanda tórtinshi týrda sheberlik baiqasady. Al besinshi týr 14-15, altynshy týr 17-18 qarashada bolady.
Esterińizge sala ketelik, Qazaqstan quramasy atalǵan týrnirde S ligasynyń tórtinshi tobynda synǵa túsedi. Qarsylastary - Albaniia, Belarýs jáne Litva quramalary.
Qazaqstandyq fýtbolshylar 2018/19 Ulttar ligasynda D ligasynyń birinshi tobynda Grýziia, Latviia jáne Andorra quramalarymen sheberlik baiqasty. Óz tobynda Grýziiany alǵa shyǵaryp, ekinshi oryndy mise tutty.
